ابتدت مراجعة مادة 190 الان الأخبار الاذاعيه والتلفزيونيه

[shahnda 0]

اولا: يارب تكونوا بخير،،

زي ما اتفقنا امبارح انهارده مراجعه اوبن بوك لماده 190 ياريت تجهزوا الكتاب واي اسئله ونبتدي سوا في تلخيص الماده ومعرفه تفاصيل كل فصل واهم النقاط والاسئله المحتمله في الامتحان

،،،

علي العلم ان

"المقرر في هذه الماده الفصل الاول والثاني والسابع والتاسع والعاشر والحادي عشر"

وهبدء انا الاول واقترح \\

اننا نفتح الفصل الاول ونحدد اهم النقاط الرئيسيه فيه

وبعدين نشوف اهم الاسئله اللي جت قبل كد في الامتحانات علي الفصل ده يلا انا جهزت الكتاب

وجيالكم تاني بعد نظره شامله علي الفصل

وانتو كمان ابدأو

[shahnda 0]

اهم نقاط الفصل الاول

-------------

1- وظيفة الاخبار

2-تعريف الخبر

3-معايير القيمه الاخباريه

لو في اي ملاحظات او اسئله معينه اتمني تضيفوها ونتفاعل سوا فيها

[shahnda 0]

انتظروني في الفصل التاني بعد شويه
بعد العشاء ،،
سلامي

[shahnda 0]

الفصل الثاني بيتكلم عن عوامل انتقاء الاخبار  ومدي تمثيل الاخبار للواقع

واهم نقطتين في الفصل:

1-عوامل تساهم في عدم تقديم نشره الاخبار صوره واقعيه"فعليه" للاحداث

2-العوامل المؤثره علي انتقاء الاخبار

ومن اسئله الامتحان

امتحان دور يناير 2013

س\اذكر مع الشرح اهم العوامل التي تؤدي الي عدم مقدره نشرة الاخبار علي تقديم صورة فعليه للاحداث؟

والاجابه هتكون باالفصل الثاني بصفحه 38

وبأختصار هما 4 نقاط

1-زمن النشره

2-الاحداث الفعليه مقابل الاحداث المعلنه

3-اسطورة الموضوعيه

4-الوقت والمساحه

-------------

امتحان دور يوليو 2012

س\ اشرح بشئ من التفصيل كيف تؤثر السياسه الاعلاميه للمؤسسه،وكيف يؤثر الجمهورعلي تحديد المحتوي الاخبار؟

،،

يعني النقاط الخاصه ب العوامل المؤثره بانتقاء الاخبار بتيجي علي هيئه اسئله انه يطلب مننا شرح نقطه او اتنين من كل العوامل

يعني نركز كويس عليها كلها لانها محتمله في الامتحان

--------------------

تمنياتي بالتوفيق والنجاح

شاهنده

انتظروني في الفصل السابع بعد شويه

[shahnda 0]

اعلامية قيد التنفيذ كتب:

تماام تماام يا مس دي البت ايونة مش انا

المهم انا مفهمتش تكنيك المراجعه يعني احنا هيبقى دورنا ايه بالضبط ؟

بصي ياقمر الحكايه اننا نساعد بعض يعني امسكي كل فصل وشوفي لو لاحظتي اي شئ مهم او اسئله مش عرفاها او عرفاها وعايزه تشاركينا بيها ونعرف اجابتها فين لان دايما الاسئله ممكن تلخبطنا لو كانت مش واضحه واحنا بنحاول نتدرب علي الامتحان وكمان علي طريقه مراجعه قبل الامتحان يعني لو تقدري تفتحي الفصول وتشوفي ملاحظاتي يبقي تمام او امسكي اي فصل انا مكلمتش عنه وقولينا ازاي ننظمه ونعرف الاسئله اللي جت عليه قبل كد ولو حاجه صعبه يبقي نشرحها لبعض

سلامي

[shahnda 0]

انتظرونى في الفصل السابع،،

[ayonah2020 0]

اوكي

[saherramadan 0]

ما تقوم به شاهندة من مراجعة مُثمرة جداً ، نبهنى الى أمر هام جداً وهو  الحواديت و ما تقوم به من تنفيس و تخفيف للضغوط ، و هو أمر علمى جداً و مدروس ، لذلك زملائى الأعزاء اليكم رابط : أبلة فضيلة _ غنوة وحدوتة ، أتمنى أن يُفيد الجميع .
خالص تحياتى للجميع .
ساهر رمضانhttp://www.sama3y.net/forum/showthread.php?t=13121

[ayonah2020 0]

هو للاسف انا مش عارفه اسلوب المراجعه ومش فهماه والصراحه انا مبعرفش اذاكر مذاكره جماعيه وخايفه اكتب وتطلع حاجات غلط بس

[shahnda 0]

saherramadan كتب:

ما تقوم به شاهندة من مراجعة مُثمرة جداً ، نبهنى الى أمر هام جداً وهو  الحواديت و ما تقوم به من تنفيس و تخفيف للضغوط ، و هو أمر علمى جداً و مدروس ، لذلك زملائى الأعزاء اليكم رابط : أبلة فضيلة _ غنوة وحدوتة ، أتمنى أن يُفيد الجميع .
خالص تحياتى للجميع .
ساهر رمضانhttp://www.sama3y.net/forum/showthread.php?t=13121

شكرا ليك ساهرــ،، اتمني تكون المذاكره كويسه معاك وربنا ينجحك ان شاء الله

[Khaled Fekry 0]

جزاك الله خير ف انتظار باقي الفصول

[shahnda 0]

شكرا ليك جدا ومتابعتك ان شاء الله الفصل السابع شويه ونراجعه سوا
وللي مش راجع معانا دلوقتي يقدر يشوف الموضوع ويراجع لوحده لو مش ماشي معانا في نفس الوقت
واتمني ان كلنا نستفيد
سلامي

[shahnda 0]

ayonah2020 كتب:

هو للاسف انا مش عارفه اسلوب المراجعه ومش فهماه والصراحه انا مبعرفش اذاكر مذاكره جماعيه وخايفه اكتب وتطلع حاجات غلط بس

اوك حبيبتي بس انا معملتش اي حاجه انا بس بحاول اجمع افكاري وانزلها معاكم نشاركها
عامتا ياجميل تابعي واتمني تستفيدي معايا لما تيجي تبدأي مذاكره االماده دي
سلامي

[Khaled Fekry 0]

بالعكس هدا الشيء الوحيد اللي ممكن نستفيد منه بعد توفيق رب العالمين لان احنا خارج مصر وما عندنا منقذ ولا غيره ما في غير الصفحة

[shahnda 0]

بالنجاح ان شاء الله وكلها شويه وانزل باقي الماده ومراجعه بسيطه عليها واهم الاسئله واتمني الكل يستفيد ويراجع ويكون الموضوع ابسط من الاول
لان لو الماده مش متحدده ومنظمه في المذاكره ممكن اي حد يزهق بسرعه ويمل منها
سلامي لك

[shahnda 0]

بعتذر في كتابه تعريف الخبر تبع الفصل الاول والتصحيح،،،
الاجابه بالتفصيل في الفصل التاسع
علي الرغم من وجود جزئيه عن تعريف الاخبار بالفصل الاول
لكن سؤال امتحان يناير 2013 كان المقصود من السؤال
الفصل التاسع صفحه 228 و 229

والسؤال كان بيقول/
اكتب تعريفا شاملا للخبر مع شرح اهميه المواد الاخباريه في الاذاعه واهم اشكالها؟

،،،،
والاجابه كامله بالصفح اللي ذكرتها وكمان اضافه الي صفحه 225 و 226 و227

سلامي للجميع،،

[shahnda 0]

الفصل السابع

----------

من اكبر الفصول في المقرر

ولكن نقدر لو حدد الهدف والنقاط الاساسيه حتي فهمنا الاساس وحفظناه وقرأنا المضمون هيسهل كتير علينا

واهم النقاط في الفصل/

1-أساليب الكتابه

"وهنا بيوضح باختصار الاختلاف بين الكتابه الصحفيه والكتابه الاذاعيه والتلفزيونيه"

2- وضوح اللغه

"وهنا بيتكلم عن بعض العوامل اللي بتأثر علي وضوح اللغه لكل انواع الكتابه الخبريه"

3-الكتابه للاذن

"وهنا بيحدد اذا كانت الكتابه الاذاعيه هتتاسب مع حاسه الاذن و الابتعاد عن بعض الانواع من المفردات وانتقاء الكلمه بعنايه"

4-القدره علي جذب الانتباه

"وهنا لابد من استخدام بعض المؤثرات لاثاره اهتمام المستمع"

5-المعاني

"لابد من المحافظه علي المعاني الاصليه باستخدام بعض الوسائل التي تضمن سلامه المعني مثل:الدقه -قواعد النحو والصرف-...الخ"

6-مقدمه الخبر الاذاعي

"كتابه مقدمه جيده هي مفتاح لخبر جيد واثاره فضول المستمع-مع استعراض لسته عناصر درجت في المقدمه باعتبار اهميتها"

7- اعداد المقدمه

"المقدمه الجيده لابد من التركيز علي امور منها "التركيز -التمهيد-الزاويه..."

8-انواع المقدمات

"هنا هيكون تصنيف للمقدمات تحت خمس فئات رئيسيه"

--------------------

وانتهي الفصل علي كد

ومن اسئله الامتحانات،،،،،،،،،،

امتحان دور يناير 2013

-------------

س\هناك فروق اساسيه في الكتابه لكل من الاذاعه\التلفزيون\الصحافه " اذكر مع الشرح هذه الفروق؟

والاجابه بالفصل السابع هتكون معاكم في اول الفصل صفحه 161 وصفحه -163 -164-162

وكمان في صفحه 169 جزئيهه الكتابه للاذن 

طبعا الاجابه مش كل الصفح بس نقدر نفهما ونختصرها في جمل مفيده

ولو في اي استفسار
ياريت تشاركونا بيه ولو في حد متلخبط في الاجابه يقول ونحاول نلخصها له بسهوله

وانتظروني في الفصل التاسع

[shahnda 0]

وارجع معاكم في الفصل التاسع//

------------------

اهم النقاط الاساسيه في الفصل

------------

1-المقصود بالمواد الاخباريه واهميتها؟

2-اشكال المواد الاخباريه في الاذاعه؟

3-تعريف الخبر

4-مصادر الاخبار الاذاعيه "اساسيه وثانويه"

5- معايير اختيار الاخبار

---------------------

------------

اهم اسئله الامتحانات

امتحان دور يوليو 2012

------------

س\اشرح بشئ من التفصيل المصادر الرئيسيه والثانويه للاخبار الاذاعيه؟

الاجابه من صفحه 231 الي 241

---------------

امتحان دور يناير2013

س\اكتب تعريفا شاملا للخبر مع شرح اهميه المواد الاخباريه في الاذاعه واهم اشكالها؟

والاجابه 226 و 227 و 228 و 229

بالتوفيق والنجاح ان شاء الله

[Khaled Fekry 0]

الله يفتح عليكي ما عندك طريقة ترفعيلنا شى يكون ملخص مع الشرح شوية نقدر نعتمد منه المذاكرة الاساسية

[Khaled Fekry 0]

اعتقد انه عندكم في مصر في ملخصات كتير وملازم ممكن الواحد يذاكر منها يكون اسهل من الكتاب ويكون المقرر فقط بدون الملغي
الوقت صار جداً قصير والواحد يخرج من الدوام فاقد الوعي وما في وقت كافي للكتاب الحين
ونسأل الله التوفيق

[shahnda 0]

لا للاسف مش عندي ملخصات وانا كل مذاكرتي من الكتاب دا افضل ليا
بعتذر تاني ولو في حد معاه ملخصات هبلغه يرفعهم اذا امكن
سلامي

[shahnda 0]

علي فكره حتي الملخصات بيكون فيها الاجزاء كامله
انا اشتريت الترم اللي فات ملخصات وكانت نفس الكتاب والشرح لكن
بطريقه السؤال والجواب ليس الا

[saherramadan 0]

أفضل ما فى مجهود شاهندة اعتماده بعد الله على الكتاب .

[ebn_elshady 0]

[shahnda 0]

saherramadan كتب:

أفضل ما فى مجهود شاهندة اعتماده بعد الله على الكتاب .

شكرا على ملاحظتك الجميله الكتاب افضل واضمن دى نصيحه لاى حد بيذاكر من ملخصات

[shahnda 0]

ebn_elshady كتب:

اشكرك انت سلامى

[shahnda 0]

ياجماعه هكتفي بالاربع فصول اللي راجعناهم في الماده
واتمني اكون افدتكم بقدر كافي فيهم او راجعنا سوا
وان شاء الله نكمل مراجعه قبل الامتحان للماده
سلامي بالتوفيق للجميع