لماذا التحقت بالتعليم المفتوح؟

[dalia 0]

السلام عليكم ورحمة الله وبركاته

السؤال ده أكيد ناس كتير بتسأله لينا وأكيد أسبابنا مختلفة ومتعددة...

أنا حبدأ وأجاوب، أنا عندي بكالوريوس إدارة أعمال ولكن زي ناس كتير التنسيق هو اللي حدفني على تجارة خارجية وأنا مش بحب الحساب أصلاً! المهم، اشتغلت في كذا مجال وابتديت أجرب في الترجمة من كذا سنة وقررت إني أخد المجال ده كمجالي...وبما إني بحب دايماً إني أعمل كل حاجة زي ما الكتاب بيقول، قررت إني أدخل أداب ترجمة علشان أولاً أتعلم حاجات تفيدني في شغلي وفي معلوماتي العامة وأوسع مداركي بدراستي للأدب العربي والإنجليزي أولاً، وثانياً علشان أقوي نفسي في قواعد العربي والانجليزي...

إيه اللي اتحقق لغاية دلوقتي، أنا شايفة إني حققت 60% من اللي كنت نفسي أحققه وأتعلمه، وشايفة طبعاً إني استفدت كتير، ولسة بتعلم وحتعلم، وطول ما احنا عايشين، أدينا ...بنتعلم

[dream 0]

السلام عليكم

كان عندى ساعتين زيادة كل يوم ومش عارفة اعمل بيهم ايه !!

لا الحق بقى علشان اقدر اقرأ بنفس اللغة الحاجات التى اقرأها مترجمة
لان اكيد قراءة اى شىء بلغته الاصلية اكيد امتع

[Honey Bunny 0]

واللهي حبيباتي انا شايفة انه دي غلطة وندمانة عليها....التحاقي بالكلية مضفليش اي شيئ...لانه التواصل بين المعلم والطالب غير موجود...انا بذاكر لنفسي..بفهم نفسي ..بقيم نفسي..."ايه ده"!!!!
مؤلف ومخرج ومنتج في نفس الوقت...طبعا ده بيهدم مفهوم التعليم الحقيقي من اساسه...الترجمة من اعظم حقول المعرفة..بنهضة الترجمة في عهد الرشيد "العصر الذهبي للدولة الاسلامية" اتسعت العلوم والمعارف وشملت كل مناحي الحياة...كنا مثال تحتذي به الامم...فين احنا دلوقتي..........!

[dream 0]

السلام عليكم

ياستى اذا كنا لم نستفيد من الكلية كفاية الجروب ده
اهى معرفة الناس كنوز

[Rehab SISAQ 0]

انا دخلت اداب ترجمة لاني مهووسة بالادب الانجليزي شاهدت بعضه افلام وقرات بعضه روايات مترجمة غير ولعي الشديد بالترجمة وحلمي الاول في ان اكون مترجمة فورية في قناة اخبارية وهاانا على اول الطريق ولقد وجدت في هذا الفريق تعاونا قلما اجده في مكان اخر حتى في مجال دراستي الاولى

[اماني1 0]

انا دخلت لانو ببلدي صعب اني اروح ادرس بجامعه
((فلسطينية))

وبما اني عايشه بالامارات ..
فطبعا كل الجامعات الحكومية هون ممنوعة الا للاماراتيين بس
اما الجامعات الخاصة معظمها مو معترف فيها
واللي معترف فيهم غاليين ولا استطيع تحمل اعباءها الماليه
وطبعا غير المواصلات .. ماعندي سيارة
وبخاف اركب التكسي لوحدي(عقدة من وانا زغيرة)


فكان الحل الوحيد الي التعليم عن طريق النت وبحثت لغاية مالقيت هلجامعه
وللاسف انا ماعم بدرس التخصص اللي عاجبني
بس هو احسن واحد من المتوفرين
وكنت حابة ادرس اعلام
بس ماحد وافقني والكل ضغط علي ترجمة
وعععع
وهلأ اانا خلصت اول سنة ولهلأ مو مقتنعه بس يلا الحمد لله اهم شي عالاقل يكون شهادة اني جامعيه
على فكرة انا كنت ادرس قبل احياء طبية ((هيك الدراسه اللي بتعجبني))
بس لظروف شخصية خارجة عن ارادتي مانفع اكمل ,,,وتم فصلي من الجامعه

اما بالنسبه شو استفدت
فبصراحه ولا شي
يعني مو مبسوطة
وانا بحب اتناقش مع الدكتور والطلاب وافهم ويفهموني
ولله الحمد هون مو لاقيه حد تيرم تالت
بكتب لحالي وماحد بيرد
ولا عندي اي فكرة شو بيصير بين الاستاذ والطلاب لانو ماعندي حد بمصر يخبرني
يعني ياغافل الك الله
انا حاليا دراستي بي من التطبيقات والمحاضرات المكتوبة والتلفزيونية
اما بالنسبه للامتحانات فحدث ولا حرج
كلهم مو محلولين
طيب انا كيف اعرف حلهم صح ولا غلط ؟؟؟

[اماني1 0]

وغير هيك انا مو طايقة هلوضع ..ونفسي اوقف دراسة
صح انو عم بجيب علامات عاليه
بس انا مو مرتاحه
ومو حابة هلتخصص
ابدا ابد اابدا
حساه بارد
وماالو اي معنى
ومو ممتع

والمشكله انو انا مابقدر اترك الجامعه لانو صرت مخلصة سنة وهلأ دخلت السنه التانيه
وغير هيك اذا مااخدت هلشهادة معناتو حضل طول عمري من غير شهاده
واهلي رح يزعلو مني وانا مستحيل ازعلهم

انا نفسي ادرس طب وبالذات جلدية او اسنان
شو رايكم..
؟؟
الحل؟؟؟

[a.h.issmail 0]

ليه بس يااماني الاكتئاب ده كله

مجال الترجمة مش وحش خالص بالعكس ده ممتع جدا

انا معاكي انه مش زي طب جلدية او اسنان "يع"

ممكن انتي حاساه بارد علشان انتي بتذاكريه لمجرد الدراسة او ان انتي تكوني حاصلة علي شهادة جامعية

انما لو بصيتي للموضوع من ناحية تانية هتلاقينا هنا في المنتدي كلنا هدفنا حاجة واحدة بغض النظر عن مستوياتنا الدراسية وهو ان انا نبقي كويسين في الترجمة وعلشان كدة عاملين نشاطات للترجمة زي ترجمة حرة الي ياعيني محدش دخلها بقالها كام شهر

حاولي انتي بس تبصي للدراسة علي انها مجرد معرفة جديدة حاجة حلوة بتجربيها لاول مرة وان شاء الله هاتستريحي فيها وتكملي للاخر

[اماني1 0]

انا مكتئبة لانو مو عاجبني
يعني مو حاسه انو شي بستفيد منو يعني حتى لو تخرجت مستحيل اشتغل بهيك مجال
ملل
واللي مخليني مكتئبة هو انو كوني فلسطينيه فانا محرومه ابسط شي وهو حقي ارجع بلدي وادرس اللي انا بختارو
يعني حياتنا كلها اجبار*اجبار
طبعا مستحيل اي حد يحس بشعور الفلسطينيين
لكن بيكفي انو احنا حياتنا مافيها استقرار باي لحظة ممكن يطلعونا من الامارات
ووين نروح ؟؟ فلازم يكون معي شهادة جامعيه اقدر ادبر حالي باي بلد اخرى
لذلك انا بغصب نفسي ادرس هلتخصص لانو الوحيد المتاح لإلي
وانا صارلي سنة بحاول اقنع نفسي انها دراسة حلوة
وانا يمكن بضغط على نفسي زياده..بلدراسه
تقريبا حياتي الاجتماعيه ملغية
يعني صديقاتي وجاراتي بيلتقيو الصبح الا انا مابقدر
لانو طبيعتي لازم اقعد ادرس علشان احص على التفوق والا بيصيرلي شي لو علاماتي كانت قليلة حتى لو مو حابة التخصص
علشان اثبت نفسي قدام الناس والاهل
لانو الكل متوقع مني هيك
واذا جبت علامات قليله حيزعلوا مني
حاسة اني تحت ضغط
هاد غير مسؤوليات كتير ,,,غير الدراسه


وشو يعني ترجمة حرة؟؟

[a.h.issmail 0]

ادخلي علي الرابط ده وشوفي اي هيا الترجمة الحرة

/montada-f15/topic-t955.htm

موضوع زي ده هو الي بيعمل تفاعل للاعضاء بغض النظر بقي عن مستوياتهم الدراسية

وان شاء الله تلاقي اصدقاء ليكي هنا

[dalia 0]

السلام عليكم،

أماني العزيزة صدقيني كلنا مقدرين الظروف والوضع وربنا معاكي ومع كل الإخوة الفلسطينيين في كل مكان...

إذا بتقبلي مني نصيحة صغيرة كأخت ليكي، أنا عارفة إنك مش حابة المجال وبيبقى صعب الواحد يهضم حاجة وهو عينه على حاجة تانية (الطب اللي كان نفسك فيه)...لكن يمكن الحياة علمتني إن مش كل حاجة الواحد بيتمناها بياخدها، وده بيبقى حكمة من عند ربنا. بس اتعلمت برضه إني ماستسلمش وأحاول أكيف نفسي مع الظروف. فليه مثلاً ما تفكريش في الترجمة على أنها باب تدخلي منه مجال الطب؟ أقصد بما أنك موهوبة أكيد (علشان تجيبي درجات عالية) في الترجمة وكمان بتحبي مجال الطب، تقدري تتخصصي في الترجمة الطبية، ودي مطلوبة في كل بلاد العالم...أنا مش بقول إن ده تعويض عن اللي كان نفسك فيه، بس زي ما بنقول في مصر "نمسك العصايا من النص"

ربنا معاكي إن شاء الله، وزي ما مديرنا الجديد قالك هنا حتلاقي أصحاب واخوات كتير يقفوا جنبك ويساعدوكي ويسمعوكي في أي وقت...

[اماني1 0]

dalia
بصراحة نصيحتك رفعتلي معنوياتي شوي
يعني انشاء الله ححاول اتأقلم واتقبل المنهج
وانا اكيد مع فكرة عدم الاستسلام(عنيده)
فكرة برضو اني اتخصص بالترجمة الطبية,,,يعني شي ومنو
يسلمو كتير لالك
وانشاء الله آخد بنصايحكم
وهي كلها 3 سنين وتعدي
يارب ساعدني اتحملهم

[sweet_love 0]

إذيك يا أمانى عامله إيه يا قمر
أولا أنا فى رأس الخيمة
تانيا مش بنتقابل لأننا فى أيام مختلفة
تالتا و الأهم بقى أنا كان نفسى أدخل طب زيك بس قدر الله وما شاء فعل
ودخلات علوم لأنها أقرب وربنا مش أراد أكمل فيها لظروف خارجة عن إرادتى
وبعدين رحت تربية بس تخصصت علوم لأنى زيك بحب الحاجات العلمية
ولما خلصت كان نفسى أكمل دراسات عليا فى مجالى و لظروف خارجة مش نفع
وكان الأختيار الوحيد قدامى ترجمة وزيك برده حسه بعدم المتعة لإنها مش حاجة عملية بس قررت أركز فيها علشان عن طريقها أوصل للمقالات العملية و الطبية
أنا قلت لك ليه كل ده علشان مش لوحدك اللى كده فى ناس كتير بس البإنسان الصحيح نفسيا يقدر يتأقلم ويحاول يوصل للى عوزه معلش طولت عليكى
وحسيت لازم أرلاد عليكى
ربنا يوفقك للخير و إن محتاجه أى حاجة ممكن تاخدى ميلى

[اماني1 0]

sweet love
اها من شان هيك مابشوفك
يسلمو كتير على ردك
تقريبا اللي صار معك نفس اللي صار معي بالضبط
الله بعين
والحمد لله
انا اليوم متفائلة
بس انا مبارح كنت مدايقة من الدراسه لانو مافهمت محاضرات علم الترجمة
فعصبت وتنكدت وانعكس هلشي بردي

بس اليوم الحمد لله
وتكلمت مبارح بلموضوع وفشيت خلقي
واقتنعت ,,
الله يسلمك

[البلتاجي 0]

لقد وجدت في التعليم المفتوح أفاق جديدة ولكن أود أن أعرف هل بالامكان لخريج الحقوق الالتحاق بنقابة المحامين أرجو من المشرفين افادتي عن هذا الموضوع

[عمرو الشاعر 0]

لو كل واحد اعتبر ان الدراسة هوايته المفضله هيبحث فيها وهيحاول يعرف كل كبيره وصغيره فى كل ماده واعتقد ان ميفدش بحاجه ان الواحد ينجح وياخد ليسانس وهو مش فاهم حاجه

[om_maram 0]

طموح + حب اللغة

[أسامة1 0]

أنا عن نفسي التحقت بالتعليم المفتوح آداب انجليزي لأني عايز أوصل للإجادة التامة في اللغة لأني بحب دراستها من زمان من أول ما خدتها في المدرسة و قبل ما أدرسها كمان و أنا صغير كنت أشوف الأفلام الأجنبي في التليفزيون و أبقى هموت و أعرف الناس دي بتقول إيه و لما كنت أسمعهم بيقولوا كلمات زي thanks ‎‏ و hi‏ كنت أفرح أوي أني فهمتهم! أنا ببذل كل جهدي في اللغة لأني أتمنى أشتغل في الترجمة المرئية. و أحب أقول للزملاء و الزميلات اللي بيقولوا أنهم مش حابين مجال الدراسة، أن كده كده إجادة الإنجليزية بقت شرط مهم في الشغل، يعني أنتو مش خسرانين حاجة.

[somya 0]

انا دخلت لان مجموعي م يجيبش اي كلية

كنت جايبة 78% والكلية الي طلعتلي كانت في المنوفية وانا من اسماعيلية

[marina 0]

طبعا تقدر تلتحق بنقابة المحامين لان شهادتك معترف بيها من قبل وزراة التعليم العالى وكل كليات التعليم المفتوح والسنة دا جميع كليات تعليم المفتوح اتساوت مع الكليات النظامية





اما انا فعلشان بحب اللغة

[somya 0]

انا دخلت قسم اداب انجليزي بالذات عشان الانجليزي هو السائد في كل حاجة


بس عن نفسي


مش بحب الانجليزي اوي يعني

[roka1 0]

انا بقى دخلت علشان انا كان نفسى ادخل ادابeانتظام بس مجموعى 76 مجبش اى كلية واضطريت للاسف ادخل مفتوح وابقى اقل واحدة فى اصحابى لانهم بيعتبروه تعليم بفلوس

[mohamed alfarok 0]

ولا اسف ولا حاجة



انا يوم المقابلة الشخصية طبعا الدكتور طلب منى اقدم نفسى وكان السؤال الثانى انى ابين سبب درستى للغة



كان ردى عليه

because English is an international language and I want it for fun

الراجل بحلقلى انا قلت هيدينى فى وشى بس حلقلى



المهم مفيش حاجة فى العلم اسمها للاسف او علشان الشهادة الانسان لابد انه يكون مبتكر متطور مطلع لا يقف عند علم ويربط حياته به دون التطلع لغيره

يا امانى انا كان تخصصى فى مجال الهندسة البحرية ولم اعمل فى هذا المجال لدواعى امنية ما ندمتش ولاكسرت القلل ورميت الحلل بس لميت نفسى وقررت اتميز فى علم اخر واخترت هذا العلم والامر محتاج صبر ويقين وكل انسان بياخد على قدر جهده



واحنا معانا مجموعة متعاونة ممكن تستفيدى من المشاركة معهم احنا العيب الوحيد ان احنا لا نلتقى بصفة مستمرة على الهوى مباشرة من استاد الجامعة عايز تبقى كوووول



وكما قال الشاعر

حب ما تدرس حتى تدرس ما تحب

[hwaa 0]

يا طالب العلم نعم الشيئ تجمعه ***لاتعدلن به دارا ولاذهبا
العلم كنز وذخر لانفاذ له *** نعم القرين اذا ما عاقلا صحبا
وجامع العلم مغبوط به أبدا *** ولايحاذر فيه الفوت والسلبا


لهذا التحقت

[heba mohammed 0]

انا بقى بحب الإنجليزي اووي وكنت متفوقة فيه في المدرسة وبحب اشووف الأفلام الأجنبي وكان نفسي اشوفها من غير ما اقعد اقرأ الترجمة و مكنتش حابه التعليم في الجامعه دي بس بسبب ظروفي بابا اللي اختارلي الكلية دي وانا كنت مضايقة انها بعدتني عن صحابي وكدة بس الحمدلله ومع ان سنة اولى دي متعبه اووي وبيبقى الواحد عنده اسئلة كتير بس حبي للمادة بيشجعني على المذاكرة والأعضاء هنا كماان متعاونين اووي ودي حاجة حلوه.

[OhIamGood 0]

معلش يا سومة ما تضايقيش من ردي بس حبيت انبهك من حاجة

تعليقك اللي انت حطاه دة لا يجوز مع الصورة اللي حطاها ( صورة القرآن )

والتعليق بتاعت علاء الدين او الكرتون اللي بيقبل يد المرأة

[*maryam 0]

ممكن حد يترجملي الكلام ده بالانجلش أو في ما معناه

( التحقت بالجامعة لان إجادة اللغة الانجليزية شرط مهم بالنسبة لمعظم الشركات وحبي للتعليم ايضا سبب لدخولي الكلية )


عايزة ترجمة للكلام ده بس يكون مختصر شوية عشان اقدر اقوله في المقابلة انا ترجمتها ببرنامج الترجمة بس زيادة تأكيد منتظراكم اخواني الكرام

[somya 0]

انا التحقت بالتعليم المفتوح لاني مقدرش اكون في مصر لوحدي و اهلي برة
و اخترت انجليزي لان هو اهم حاجة الايام دي هو والكمبيوتر

لكن انا عن نفسي مليش ميل للانجلش أوي

شكرا

[Hussein1974 0]

انا التحقت بالتعليم المفتوح لانى كنت فى كلية حقوق جامعة حلوان معجبتنيش قعدت سنتين مامتحنش وبعدين سبتها ودخلت اداب جامعة بنها قسم انجليزى وكان حلمى انى اكون مدرس بس للاسف موظف منه لله مشانى فى طريق غلط بمقتضاه دخلت الجيش وبسببه مكملتش الكلية ولما خلصت جيش اشتغلت وبعد ماتجوزت قررت اكمل فكان عليا انى اختار اما احاول ارجع اداب بنها ولو بالواسطة او ادخل مفتوح فاخترت التعليم المفتوح.

[somya 0]

محدش بياخد غير نصيبه

ربنا يوفقك يا حسين

و أكيد الي حصلك دة خير ليك

ربنايوفق الكل

[Hussein1974 0]

طبعا خير ليا عشان اتعرف بيكم.فعلا انتم خير اصدقاء.ربنا مايحرمكم منى.

[somya 0]

العفو
دة شرف لينا اننا نتعرف علي شخص زيك

[galal elmadny 0]

ربنا يوفقك ياحسين فى حياتك الدراسيه والعمليه انشاء الله ولكل مجتهد نصيب

[somya 0]

ان الله لا يضيع اجر من احسن عملاً

[Hussein1974 0]

شكرا ياسومة الشرف ليا انا.وطبعا ياجلال الف شكرا على شعورك وعلى دعواتك.

[somya 0]

العفو

[galal elmadny 0]

[somya 0]

[محمد سعيد جويلي 0]

hussein1974 كتب:

انا التحقت بالتعليم المفتوح لانى كنت فى كلية حقوق جامعة حلوان معجبتنيش قعدت سنتين مامتحنش وبعدين سبتها ودخلت اداب جامعة بنها قسم انجليزى وكان حلمى انى اكون مدرس بس للاسف موظف منه لله مشانى فى طريق غلط بمقتضاه دخلت الجيش وبسببه مكملتش الكلية ولما خلصت جيش اشتغلت وبعد ماتجوزت قررت اكمل فكان عليا انى اختار اما احاول ارجع اداب بنها ولو بالواسطة او ادخل مفتوح فاخترت التعليم المفتوح.

ربنا يوفقك يا حسين وهانت يا بطل فقدر الله وما شاء فعل {وَعَسَى أَنْ تَكْرَهُوا شَيْئًا
وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ
وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.



فالإنسان قد يقع له شيء من الأقدار
المؤلمة، والمصائب الموجعة، التي تكرهها نفسه، فربما جزع، أو أصابه الحزن،
وظن أن ذلك المقدور هو الضربة القاضية، والفاجعة المهلكة، لآماله وحياته،
فإذا بذلك المقدور منحة في ثوب محنة، وعطية في رداء بلية، وفوائد لأقوام
ظنوها مصائب، وكم أتى نفع الإنسان من حيث لا يحتسب!.
والعكس صحيح: فكم من إنسان سعى في شيءٍ ظاهره خيرٌ، وأهطع إليه، واستمات في
سبيل الحصول عليه، وبذل الغالي والنفيس من أجل الوصول إليه، فإذا بالأمر
يأتي على خلاف ما يريد ،

ولا تقل غير كلمة واحدة وهي يارب

مع تمنياتي لك بالنجاح والتوفيق إن شاء الله

[somya 0]

كلمات اكثر من رائعة يا جويلي

[محمد سعيد جويلي 0]

ربنا يخليكي يا سومية وإن شاء الله ربنا هيحققلك حلمك وهتسافري على خير إن شاء الله وربنا معاكي

[Hussein1974 0]

ياااااااااااا.فينك يامحمد وفين كلامك اللى بيريحنى ويحسسنى انى باتكلم مع صديق ليا شايفه وشايفنى.تعرف اناحاسس اننا هانكون اصدقاء.لو معندكش مانع يعنى.

[محمد سعيد جويلي 0]

طبعاً يا حسين أنا معنديش مانع على فكرة أنا رديت عليك في الصفحة التالتة من نفس الموضوع ده

[Hussein1974 0]

مانا قريت كلامك يامحمد ومفيش اى رد ينفع اقولهولك.انت فعلا نعم الاخ والصديق.

[Hussein1974 0]

ده حتى ياراجل الموضوع اللى انا عملته محدش غيرك عبرنى وناقشنى فيه.

[محمد سعيد جويلي 0]

[b][size=21]

[/size][/b]

[محمد سعيد جويلي 0]

[b][size=21]
وربنا يخليك يا حسين وأنت نعم الأخ ونعم الصديق
[/size][/b]

[محمد سعيد جويلي 0]

على فكرة أنا بكره نازل أجازة لمدة 15 يوم واحتمال أغيب شوية عن المنتدى لإني بكون مشغول
بس إن شاء الله هحاول أواصل على فترات .

[somya 0]

ربنا معاك يا جويلي وشكرا ليك
و يوفق الجميع

[محمد سعيد جويلي 0]

وربنا معاكي يا سومية
وإن شاء الله التيرم إللي جاي يكون موفق بالنسبالك