هل شهادتنا من مركز جامعة القاهرة للتعليم المفتوح معترف بها بالخارج أم لا؟؟؟؟؟

[hinar 0]

وتمت الموافقه لكنهم طلبوا منه دراسه سنة مواد معادلة




معنى هذا ان كلام توتا صح
وان هذه الشهادة لا تكفى لعمل دراسات عليا
طالما انه مطلوب سنة دراسبة اخرى لمعادلتها

[Honey Bunny 0]

هو خريج ايه اساسا يا حمدي؟

أنا مثلا اذا حبيت اعمل دراسات عليا في ادارة الاعمال "تخصص غير تخصصي" هاخد سنة زيادة ده شيء طبيعي يا جماعة .

[اماني1 0]

sweet love + رحاب

انا كمان من الامارات
بس ماشفتكم بلجنة الامتحانات ... اتوقع رحاب انا عرفتك انتي مين ..
بس سويت لاف لا

[ابو مؤمن 0]

يعني بعد كل هذا الجدال و5 صفحات من المشاركات لمن نصل لمعلومة صحيحة هو ان التعليم المفتوح معترف به ونستطيع ان نكمل دراسات عليها ولا لا فى اي جامعة

[Hamdy Tawfik-manar9 0]

اهلا اخي ابو مؤمن

كما قلت سابقا الاعتراف شيء والدراسات العاليا شيء اخر

من جهة الاعتراف اؤكد لك ان الشهادة معترف بها من المجلس الاعلي للجامعات

وتماثل اي شهادة جامعية من الكليات النظامية العادية

اما من جهة الدراسات العليا فعلي حسب معلوماتي المتواضعه

انها تحكمها لوئح داخليه خاصه بكل كليه

قد تتطلب شروط معينه ولي صديق اخبرني ان زميل لنا حاصل علي ليسانس من التعليم المفتوح

قد تقدم للدراسات العليا بجامعة المنصورة وانه تم قبول اوراقه

ومن مازالت عنده شكوك في الامر بكل ببساطه يستطيع السؤال في قسم شئون الدراسات العليا

في الجامعة التي يريد الالتحاق بها لكي ياتي لنا بالخبر اليقين

انا شخصيا افكر في خذ دبلومة الترجمه ولكن اذا حصل نصيب سوف تكون ايضا في التعليم المفتوح

لانها تتناسب مع ظروفي وفيها قدر اكبر من المرونه

تحياتي اخي الكريم

[darkbluesky75 0]

The job market demands the skills and the knowledge so the degree from the Open University plus Toifle and ICDL will boost your chances in the job market.Today's economy requires the personal capabilities more than the name of the Universitiy.Besides,Cairo Univirsity speaks for itself as the oldest educational facility in the middle east and it's now up to us to invest more by obtaining more certificates and short courses

[eamy 0]

امممم طيب لو سمحتو ممكن سؤال كدا كان شوية شاغلني يعنى احنا طلاب التعليم المفتوح ... و بالأخص قسم الترجمة لما نتخرج هتكون تقريبا الترجمة اللي تعلمناها عاامة جدا يعني لازم عشان نشتغل نتخصص في حاجة مثلا و نعمل تقويه فيها عشان أعتقد انو مثلا السياسة ليها مصطلحات و الطب و هكذا...... يعني الواحد مقدامهوش الا يا انو ياخد دوراات يا أنو يعمل دراسات عليا ولا ايه رأيكو في الموضوع ؟؟؟؟ولا الواحد يختصر و يعمل دبلومة تربوية زي ما قلتو أنا بجد مش عرفة
.....

[dream 0]

السلام عليكم



انتم لسه بتتكلموا فى الموضوع ده
يا جماعة هتتخرجوا معلوماتكم فى الانجليزى زى معلوماتكم فى الصينى تماما
وعلشان كده اعتمدوا على انفسكم
وحاولوا ان تصقلوا مهارتكم الترجمية
ولهذا كنا بنقول حاولوا يكون المنتدى مكان للتدريب مش بس كيفية الحصول على
المحاضرات والاجابة فى الامتحان
المهارة ثم المهارة ثم المهارة
هى التى تفتح امامكم الابواب

[eamy 0]

و عليكم السلاااااااااااام و الرحمة ........ يا عيني لو زي الصيني يبقى تمااام جدا .... لكن كويس انو الواحد بيدرب نفسو من الأول .....الحمد لله انو انضميت للمنتدى بس انا مش عارف ازاي اتدرب هناا اممممم بتدرب على شات و الحاجات دي لكن هنا ازاي هيكون التدريب ..؟؟؟ و بانسبة للمهارة فهي على حد علمي متوفرة و الحمد لله لكني لسة تيرم أول يعني بدريييييييييييييييييييي عليا هئ هئ هئ ....
ربنا يسهل .......

[mohammad 0]

السلام عليكم

ارجو انقاذي سريعا لاني سجلت اسمي في كلية الاداب
وتقرر عقد المقابلة الشخصية في يوم 20/3/2010 ومش عارف اي حاجة عن المقابلة وخايف جدا لانها كانت امل من 6 سنين فمش معقول لا قدر الله ماتقبلش وعايز منكم مساعدتي باعطائي معلومات عن المقابلة او ان كان في مذكرات او مقرر معين اذاكره عشان اجتاز المقابلة وجزاكم الله خيرا

[Honey Bunny 0]

السلام عليكم اخ محمد

بخصوص سؤالك المقابلة الشخصية سهلة جدا وليس الهدف منها ان تكون مترجما محترفا من الوهلة الاولي ولكن قياس مهارات اللغة لديك وبامكانك الاطلاع علي المكتبة الدراسية للمنتدي وليكن الترم الاول و الثاني ...اكرر لا داعي لرهاب المقابلة الشخصية.

[mohammad 0]

وعليكم السلام ورحمة الله وبركاته يا اختي (المشرفة)

انا متشكر جدا على اهتمامك والرد السريع بس متأسف ان كنت بتقل عليكي انا دخلت على المكتبة وحملت الكتب ولكن من المعروف ان المقابلة مهما كانت لن تحتوي على كل ما في كتب التيرم الاول او التاني
فلو امكن اعطائي بعض النماذج من اسئلة المقابلة منكي او من اي عضو اجتاز المقابلة او ملف للكلمات الاكثر شيوعا عشان احفظها لحين ميعاد الامتحان واسف مرة اخرى اني تقلت عليكي وانا متشكر جدا مرة اخرى للاهتمام

[Honey Bunny 0]

السلام عليكم اخ محمد

لاء مش المقصود بكلامي انك تذاكر الكتب كاملة لكن فيها موضوعات تفيدك زي الكومبريهنشن مثلا

وانت لا تثقل عليا ولا شيئ اخي ...مفيش نماذج يا اخي الموضوع لحظي ويتوقف علي الدكتور اللي بيعقد المقابلة ....اي حاجة ممكن تيجي في باله ,,,لكن اطمئن سهلة جدا.

[mohammad 0]

وعليكم السلام ورحمة الله وبركاته يا اختي (المشرفة او يا اخي المشرف ) معذرة ولكني اجد تضارب في البيانات فلا استطيع ان اجزم ان كنت ولد ام بنت ولكن ليس الموضوع موضوعنا فسواء كنت ولد ام بنت فانت او انتي جدير(ة) بالاحترام

المهم انا متشكر على المساعدة ولكن ان اللي قلقان منه ان المقابلة دلوقتي اصبحت اختبار تحريري في يوم واختبار شفوي يوم تاني وانا ملاحظ انك مركزة كلامك وكأنه يوم واحد (علي الدكتور اللي بيعقد المقابلة ....اي حاجة ممكن تيجي في باله ) وممكن يكون السبب ان المقابلة مثلا على ايامك ماكانتش كدة اما النهاردة اصبحت كدة والمشكلة كلها بالنسبالي ان مافيش منهج معين اضمن انه يمتحني فيه مش اكتر اي ان الانجليزي مجالاته واسعة والله اعلم هو عاوزني يكون مستوايا ايه خصوصا اني بعيد عن الدراسة حوالي خمس سنين يعني الجرامر يعتبر كله راح مني فلو امكن ارسال لينك معين او منهج معين ممكن يفيدني او اي شيئ متعلق بالامتحان لاني من الخوف مش قادر اذاكر حصلي تشتت خصوصا ان مافيش منهج والباب مفتوح على مصرعيه
على فكرة انا مؤمن بان اللي عايزه ربنا هايكون بس مينفعش اعتمد على كده وانام لابد من الاخذ بالاسباب وانا كمان صليت استخارة والله المستعان وربنا يستر معلش صدعت دماغك ومتشكر كمان مرة على الاهتمام والسلام عليكم ورحمة الله وبركاته

[mohammad 0]

والله بجد انا مش عارف اشكرك ازاي لان الكلام ماينفعش ممكن تختاري اي طريقة ممكن اساعدك بيها على العموم انا خريج معهد الاتصالات والاليكترونيات لو فيه حاجة واقفة قدامك او اي استشارة وخبير في الاسلاميات او ممكن بتدوري على حاجة على النت ومش لاقياها ممكن اجيبهالك المهم اني لازم اساعدك في اي حاجة او ممكن تقترحي اي طريقة للمساعدة وانا والله متشكر جدا جدا وحضرتك فعلا جديرة بالاحترام لانك ساعتي واحد ما تعرفيهوش وانا على فكرة من سكان القاهرة مش من الاقاليم وجزاك الله خيرا وماتنسيش لازم اقدملك اي مساعدة وما ينفعش حضرتك تقولي متشكرة

وجزاكي الله خيرا اختي الفاضلة وطلب اخير الدعاء لي بالتوفيق ان شاء الله وليكي الحلاوة مش عارف هاتوصل ازاي بس ليكي الحلاوة يعني احتمال افرق حاجة ساقعة على المنتدى هههههه

[Honey Bunny 0]

موفق باذن الله أستاذ محمد...اشكر الله متشكرنيش أنا لانه "سبحانه وتعالي" اللي مهيأني لده

ميرسي علي كلامك الرقيق مرة تانية وان شاء الله معانا في الكلية ........اللهم آ مين.

[Hamdy Tawfik-manar9 0]

ممنوع طرح استفسارات خارج اطار الموضوع



قوانين المنتدي

[moh_moh 0]

[size=18]السلام عليكم جميعا
ليه ياجماعه التعليم المفتوح بقى كل واحد يقول مش معترف بيه
وبالاخص كلية الحقوق ( ليسانس الدراسات القانونية )
طيب ليه ما قالوش كده على الجامعات الخاصة مثل (؟ )
والله الواحد زهق

[/size]

[هاني اسلام 0]

السلام عليكم هاني اخوكم مصري مقيم في قطر ومعايا شهادة حقوق وهنا ملهاش لازمة زي مصر بصوا الشهادات معترف بيها هنا لان زميلي خريج تجارة مفتوحة واشتغل بيها هنا في شركة حكومية كبيرة وانشا الله اسعوا نا ياشباب بطالب
بان يكون الدراسة العملية مفتوحة لينا والاخوة الي بيقولول ان الدراسة مفتوحة او عن بعد غير مفيده اققله من الاخر اي دراسه في الدنيا وخصوصا في مصر من اول هندسة لحد معهد صرف صحي ملهاش اي علاق بالواقع الفعلي والعملي للشغل انا هنا شغال في قطر وليا زميلي مهندسين ولما عرضت عليهم موضوع الدراسة قلولي انك في هندسة بتلاقي تخصصات ومواد ملهاش اي علاق بالواقع وبسوق العمل زي دراسة النحو في مصر والو غرتمات كده بعد متخلص الامتحان مبتستفدش بيها نهائي
قلتلهم طيب
لو عملو هندسة مفتوحة والمحضرات علي النت والدراسة عملي جمعة وسبت نقدر نلم قلولي انهم كانو بيزكرو اخر ششهر ونصهم مكنش بيحضر الا في اخر شهر المحضرات يعني بختصار انا عايز ننظم جروب نطالب بان صوتنا يوصل للمسئولين بالمطلبة بفتح كلية هندسة علوم وبترول للتعليم المفتوح اما صيدلة وطب فانا لسه بدرس الفكر وهعمل استطلاع راي للشباب والاطباء والصيدلة وشكرا ليكو علي المنتدي الرهيب ده

[mohammad 0]

السلام عليكم
اولا اهلا بيك في المنتدى

ثانياً انا اضم صوتي لصوتك بخصوص موضوع الهندسة بس ياريت تقولي مين اللي هايسمع ؟؟ وهاننظم الجروب ده فين؟؟

[محمد.م 0]

السلام عليكم معاكم اخوكم محمد من الامارات تجارة سنة اولى الصراحه اخت رحااااب موضوع مهم وشدني اول سجلت هونفس ما قالت الاخت [b]sweet_love بالنسبة فالامارات فالحكومة يجب ان تكون معترف بها من التعليم العالي لكن القطاع الخاص عكس ذلك بس انا سمعت انه عند حضور 2% او نسبة معينه فالجامعة في مصر واخذ شهادة او شي يثبت اني حضرت هالنسبة عند الانتهاء من الدراسه واخذ الشهادة اقدر اصدقها فالتعليم العالي وانا باذن الله بتصل وبسالهم وبخبركم انشاء الله واتمنى اي حد تجارة من الامارات يراسلني لاني اولسنه واحس اني ضايع [/b]

[هاني اسلام 0]

ايه رايكو ياشباب علي الفيس بوك نعمل جروب ونطالب بحقوقنا في التعليم ده حقنا

[عمرو الشاعر 0]

انتو كلامكو كله عن الاداب والتجارة والحقوق طب الاعلام معترف بيها واللا لأ يعنى لو روحت قناة او اى جهة اعلامية عموما هيقبلونى واللا لا وهل الشهاده بيتكتب فيها مركز التعليم مفتوح واللا جامعة القاهرة وهل فى البطاقة وجواز السفر بيتكتب حاصل على بكالوريوس اعلام بس واللا بيتكتب كلمة تعليم مفتوح جنبها لانى لما عملت البطاقة على الكلية مكتوب طالب بكلية اعلام وجنبها كلمة تعليم مفتوح

[Hamdy Tawfik-manar9 0]

كل شهادات التعليم المفتوح معترف بيها

في البطاقة الشخصية حاصل علي ليسانس ...

او بكالوريوس ...

بدون ذكر تعليم مفتوح

[عمرو الشاعر 0]

مرسى جدا يا استاذ حمدى على مجهودك الرائع وبشكرك على ترحيبك بيا على صفحة الفيس بوك

[darkbluesky75 0]

هي كلمة تعليم مفتوح اصبحت فضيحة؟؟؟ ارحمونا وكفاية احباط

[عمرو الشاعر 0]

مش موضوع فضيحه بس صدقنى بيبقى فى فرق فى التعامل لما الكلمة دى بتبقى مكتوبة فى اى اوراق رسمية وممكن اقولك تجربه انا مريت بيها انا روحت اتضرب فى جرنان والموضوع اتقبل بالرفض ولولا انى كلمت حد يعرف صحفى هناك مكنتش اشتغلت من اصله وكان معايا بنت فى جامعة القاهرة نظامى وصدقنى المعامله معاها كانت باهتمام كبير

[darkbluesky75 0]

تجربتك الشخصيه ليس لها علاقه بموضوع التعليم المفتوح اوالمقفول.... احنا اللي بنروج للكلام الفارغ ... التعليم المفتوح محترم وفعال واللي مش معترف بينا يروح يشرب من البحر.... دعونا نعمل ونجتهد ولله الامر من قبل ومن بعد.......

[mahmoud pepo 0]

[quote="HAMDY"]

أسامه كتب:

طب على كده خريجى التعليم المفتوح مسموح لهم انهم يعملوا دراسات عليا بطريقه نظاميه؟

انا دخلت على موقع جامعة عين شمس وجامعة القاهرة

هو بمنح للطالب بكالريوس وليه الحق فى اكتمال الدراسات العليا

[عمرو الشاعر 0]

[waleed-ksa 0]

السلام عليكم ورحمة الله وبركاته

سؤالي عن الجمامعة المفتوحة هل معترف فيها في دول الخليج وبالسعودية تحديداً أو لا وخصوصاً بالجهات الحكومية لأن المعلومات الي عندي بتقول معترف فيها بالقطاع الخاص ( الشركات )

[ehab youssef 0]

هو الموضوع الا كان ملغبط ناس كتير انهم خايفين لشهاده التعليم المفتوح تكون مش معترف بيها من الدوله في مصر (يعني مينفعش نشتغل بيها في مصر) بس الكلام ده مش صحيح ومعترف بيها وده الا كان مخوفنا كلنا بصراحه ....اما بالنسبه للموضوع للدول العربيه ده فأعتقد ده بالكفاءه وطالما معاكي شهادة عاليه خلاص اظن انه يتم التعين ودي وجهة نظري

[marina 0]

فعلا الشهادة معترف بيها ودكتور زكريا قال فعلا ان الشهادة معترف بيها وقال ان مواد ترجمة انجليزى متقدمة ومفيدة جدا للدراس

[dalia 0]

السلام عليكم

يا جماعة، بالنسبة لموضوع معتمدة ولا لأ، الشهادة بتعتمد بختم جامعة القاهرة وبعدين تروحوا تختموها من وزارة الخارجية وبعدين تتختم من سفارة البلد اللي أنتوا عايزين تقدموها فيها في مصر. أو من السفارة المصرية في البلد اللي أنتوا فيها. الدول التانية ما تعرفش الجامعات ومالهاش دعوة الجامعة دي إيه، بدام واخدة ختم المجلس الأعلى للجامعات ووزارة الخارجية والسفارة.

بالتوفيق للجميع

[Hamdy Tawfik-manar9 0]

الإعتماد
********
الشهادات التى تمنح من جامعة القاهرة بنظام التعليم المفتوح معتمدة من المجلس الأعلى للجامعات المصرية
و معترف بها وتسمح لحاملها
الإلتحاق بالنقابات و التسوية الوظيفية و إستكمال الدراسات العليا

من علي موقع الحامعة الرسمي

http://ou.cu.edu.eg/NewsDetails.aspx?NewNumber=368&IsHomePage=0

[marina 0]

thank you

[ام عبدالرحمن وبسمله 0]

الله ينور عليكوا يا جماعه انتو رديتوا على الموضوع باستفاضه جزاكم الله خيرا

[همس القوافى 0]

اللــــــــه يطمنكــــــــــــــم

[roka1 0]

يا جماعة اشمعنا طلبة عين شمس ممكن تحول نظامى اذا جابو تقدير فى اول سنة بالنسبة لثانوية عامة حديثة وانا لما سالتكم هنا فى المنتدى قولتولى مينفعش احول ايه الفرق بينا وبينهم يعنى

[marina 0]

عين شمس جامعة والقاهرة جامعة تانى خالص يعنى فى جامعة عين شمس غير متوافر اداب لغات خالص متوفرة كليات اخرى غير موجودة فى تعليم مفتوح القاهرة والعكس صحيح لكن فى كليات بينهم مشتركة بس عامة الكليتن مختلفتين عن بعض وكل واحد لة قرارتة وقوانية ولوائحة الخاصة

[rooh elalb 0]

ممكن افهم يعنى ايه تعليم مفتوح يا جماعة .ارجو الرد

[marina 0]

يعنى اتك تدرس من خلال النت ومش ضرورى الحضور عن طريق السيديهات وصفحتك االشخصية ومش مهم اذا واخد ثانوية او دبلوم مش مهم المجموع او ان كانت ثاتوبة قديمة او جديدة

[Michael 0]

هي شهاداتنا في امريكا و اوروبا كلها مش معترف بيها سواء تعليم نظامي او تعليم عن بعد

[hwaa 0]

بعض الجامعات الانترناشيونال هنا زى الامريكية والفرنسية معترف بهم بالخارج

[lovely_meho 0]

أنا هنا في دولة قطر مش المهم الشهادة من جامعة انتظام ولا انتساب ,,لكن بصراحة هما هنا بيحبوا الشهادة اللي مكتوب عليها جامعة القاهرة..وده اللي شدني للتعليم المفتوح و حتى الدبلومات داخل المركز بتأخذ بعين الاعتبار هنا لنفس السبب...فاطمأنوا يا جماعة اذا كان في دولة لسا ماعترفتش بيها فأكيد الموضوع مسألة وقت

[abo nooh 0]

أخواني وحبايبي من اهل مصر الحلوة ربنا يبارك فيكم يا جميعا يا اهل مصر الطيبين



ويصلح الاحوال بخصوص شهاده جامعه القاهره للتعليم المفتوح معترف فيها في كل الدول اللي تعترف بالتعليم المفتوح مره اخرى اقول لكم اي دوله لها نظام تعليم مفتوح فهي تعترف بالشهاده وتقبلها وبالكويت هنا حكوميا لا يوجد اعتراف رسمي بشهاده التعليم المفتوح

ولكن سوف تقبل الشهاده البكالوريوس بالتعليم المفتوح في جميع المجالات الاخرى العمل الخاص يعني فإطمئن نفسا اخي واختي من اهل مصر الطيبه ان الشهاده سوف تنفعه وسوف يستفيد منها بالف مجال ( غير المجال الحكومي ) لان المجال الحكومي يريد الطالب المنتظم في التعليم النظامي ولكن الطالب اللي درس وتخرج من التعليم المفتوح يقدر ان يعمل بالاعمال الخاصه ويقدر يعمل بالدول الاجنبيه وهي مثل امريكا وبريطانيا واستراليا واللي ظروفه لاتساعده على الاستكمال فيما بعد التعليم لمرحله البكالاريو يقدر يواصل في مصر ذات الجامعه نفسها يكمل ماجستر ودكتورا ايضا لا مشكله بس المطلوب التركيز على الجانب العلمي وان تركز على تعليم بشكل قوي وتستفيد من دورس الجامعه بشكل اعمل ليكن العلم عندك قبل الشهاده وبعدها سوف تكون الشهاده نورعلى نور باذن الله وفق الله الجميع لرضوانه من الكويت k.salem

[abo nooh 0]

وكمان عايز اضيف ان جامعه القاهره للتعليم المفتوح - فرع الكويت هم يعملون ويتواصلون في طريقهم للحصول على اعتراف رسمي في المستقبل



والله يحقق لنا ولكن جميع الاماني



وشكرا يا مصر الحلوه

[abo nooh 0]

هل الشهاده الخاصه في ليسانس الاداب والترجمه معترف فيها سواء في مصر ام من خارج مصر

[RФMaйt!c_QuêN 0]

على ما اعتقد ان شهادتنا معتمده كمان عشان من جامعه القاهره

[marina 0]

معترف بيها فىمصر وبرة زتقدر لما تسافر تروح تصدق عليها من وزراة الخارجية