اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
Hana09

أفيدوني في موضوع إعادة الرصد من فضلكم !!!

Recommended Posts

السلام عليكم ورحمة الله وبركاتة !!

والف مبروك لكل الناجحين !!
مع اني نجحت بس بتقديرات انا مش راضية عنها اطلاقاً ولا حاسة بفرحة خالص والله
وبفكر اعمل إعادة رصد لمادة اسمها معاجم في ترم رابع والمادة دي واحد اتنين يعني مفيهاش اي تأليف زي ما بيجب لدكتور في التطبيقات هي هي في الامتحان
وهما كانوا حاطين درجة كل سؤال في ورقة والسؤال دا اللي عك معايا علية درجتين بس زي ما موضح في الورقة وقلت معلش درجتين يعني هجيب 18 يبقي انا في الامان بس افاجئ اني جايبة جيد جداً !!!

كنت بسأل في حد جرب اعادة رصد ينصحني اعمل إعادة الرصد ولا لاء

لاني التقدير العام قل بالطبع واصبح مقبول مش جيد !!!

والله ياناس هموت من الزعل مش نفسي خالص يكون تقديري النهائي مقبول !! بعمل كل وسعي ومش عارفة اية اللي حصل دا



انصحوني الله يكرمكم !!! اعمل اعادة تصحيح ولا لاء !!!

لان نفسيتي في الارض خالص

شكراً جزيلاً

شارك هذه المشاركه


رابط المشاركه
شارك
في ناس عملت اعدة رصد واتغيرت درجاتها بس في الغالب ما بتتغيرش انتي ونصيبك يعني

شارك هذه المشاركه


رابط المشاركه
شارك
أولا ألف مبروك ومتفكريش فى اللى فات وخليكى فى اللى جى

ثانيا إعاده الرصد عباره عن تجميع الدرجات مره أخرى و ليس تصحيح للورقه

وعلى فكره من غير فائده .. ولكن أعملى إعاده الرصد حتى تطمنى .. ومش هيخسر حاجه لو مفادش

شارك هذه المشاركه


رابط المشاركه
شارك
لا انصحك هتدفعى فلوس على الفاضى للاسف العيب بيبقى من المصحح وناس كتير بيتظلمو فى التصحيح بسبب العدد الكبير جدا فى التعليم المفتوح بيحصل مهازل والله فى التصحيح بس الحمد لله انك نجحتى سبيها على ربنا والله ناس مذاكرة وطلعو شايلين مواد التصحيح اى كلام

شارك هذه المشاركه


رابط المشاركه
شارك
هذا حقك ، ولا داعي لتثبيط الهمم ، تقدمي بطلب ﻹعادة الرصد ،كي يكون ضميرك مرتاح . وان شاء الله خير .

شارك هذه المشاركه


رابط المشاركه
شارك
بصي يا هنا
انا روحت الترم اللي فات عشان اعمل اعادة رصد
الراجل اللي جوة الشئون الإدارية نفسه قالي نصيحة مني متتعبش نفسك
انا شغال هنا بقالي 20 سنة في العشرين سنة دول ما في واحد عمل اعادة رصد و حاجة اتغيرت
بيلمو فلوس و بس
مفيش دكتور مادة هيبقل على غرور نفسه انه يطلع غلطان قدام الطالب سواء الدرجات او في اعادة تصحيح الورقة نفسها لاني كنت ساعتها نازل في مادة
ريحي نفسك و انسيى كلمة اعادة رصد دي من حياتك

شارك هذه المشاركه


رابط المشاركه
شارك
[b]بشكركم جميعاً علي مروركم علي الموضوع والاهتمام به والرد عليه ومشورتكم الكريمة !!

شكراً لكلاً من الاخوة والاخوت الأفاضل (( الجوري - man_reda - Devil NiNo - Petunia - Ahmed Elwardany )))



بعد رايكم هذا وجدت نفسي اضغط علي إعادة رصد وقلت خليني اخوض التجرية واشوف نهايتها ويارب تكون خيراً ان شاء الله ووجدت مصاريف إعادى الرصد 25 جنية وقلت مش مهم بس يارب تكون بفايدة واهو محاولة وربنا يسهل ويكرم !!!



جعلنا الله عوناً لبعضاً بعضا في هذا المنتدي الجيد !!


thanks
[/b]

شارك هذه المشاركه


رابط المشاركه
شارك
Ahmed Elwardany كتب:
بصي يا هنا
انا روحت الترم اللي فات عشان اعمل اعادة رصد
الراجل اللي جوة الشئون الإدارية نفسه قالي نصيحة مني متتعبش نفسك
انا شغال هنا بقالي 20 سنة في العشرين سنة دول ما في واحد عمل اعادة رصد و حاجة اتغيرت
بيلمو فلوس و بس
مفيش دكتور مادة هيبقل على غرور نفسه انه يطلع غلطان قدام الطالب سواء الدرجات او في اعادة تصحيح الورقة نفسها لاني كنت ساعتها نازل في مادة
ريحي نفسك و انسيى كلمة اعادة رصد دي من حياتك


goodgoodgoodgoodgoodgoodgood
شكرا للافاده والتوضيح يا استاذ / احمد

جزاك الله كل خير

thanks

شارك هذه المشاركه


رابط المشاركه
شارك



الف مبروك النجاح ياهنـــــــــــــــــا نصحيتى انظرى الى الامام وفكرى فى القادم افضل ان شاء الله لا تشغلى بالك وتضيعى وقتك فى اشياء لن توصلك الى شئ احمدى الله على النجاح وعوضى فى التيرمات القادمه وفقك الله والف مبروك مره اخرى

شارك هذه المشاركه


رابط المشاركه
شارك
اعذريني ياهناء بس احب اكلمك بصراحة لاننا زملاء.انتي بتقولي انك متوقعة ممتاز يعني 18 درجة وجبتي جيد جدا يعني 16 او 17 درجة يعني الفرق درجة او درجتين.يعني ممكن ببساطة انك تكوني غلطتي غلطة بسيطة جدا معجبتش الدكتور او الدكتور تقديره لاجابتك انها تستاهل جيد جدا مش ممتاز ودي بتبقى فروق فردية في اجابات الطلبة لا يقدرها غير الكدتور نفسه.يعني مظنش ان من المنطقي اني اقول هجيب 18 ولو جبت 16 او حتى 17 ابقى مظلوم وازعل اوي كده.انا مش شايف ان في داعي تزعلي نفسك او توهمي نفسك انك مظلومة على الاقل عشان تبصي للي جاي ومتتخيليش انك دايما مظلومة وده يثبط من عزيمتك واجتهادك.اتمنالك التوفيق ومبروك النجاح.

شارك هذه المشاركه


رابط المشاركه
شارك
Hussein1974 كتب:
اعذريني ياهناء بس احب اكلمك بصراحة لاننا زملاء.انتي بتقولي انك متوقعة ممتاز يعني 18 درجة وجبتي جيد جدا يعني 16 او 17 درجة يعني الفرق درجة او درجتين.يعني ممكن ببساطة انك تكوني غلطتي غلطة بسيطة جدا معجبتش الدكتور او الدكتور تقديره لاجابتك انها تستاهل جيد جدا مش ممتاز ودي بتبقى فروق فردية في اجابات الطلبة لا يقدرها غير الكدتور نفسه.يعني مظنش ان من المنطقي اني اقول هجيب 18 ولو جبت 16 او حتى 17 ابقى مظلوم وازعل اوي كده.انا مش شايف ان في داعي تزعلي نفسك او توهمي نفسك انك مظلومة على الاقل عشان تبصي للي جاي ومتتخيليش انك دايما مظلومة وده يثبط من عزيمتك واجتهادك.اتمنالك التوفيق ومبروك النجاح.



والله انا ماعارفة يااستاذ Hussein1974 بس نتيجة الترم دا محبطاني جداً وعملت زي الغريق اللي بيتعلق في قشاية ودي المادة اللي متاكدة اني حليت فيها جامد جداً ومش ،، واحياناً بقول لنفسي ممكن تكون الفارق درجة زي ما بتقول بس انا خلاص عملت موضوع اعادة رصد ومعرفش اذا كان ينفع لرجوع فيها ولا لاء وخوفي لو ان اعادة الرصد جاب نتيجة عكسية !!!

ربنا يستر والله والمستعان وشكراً لك !!

شارك هذه المشاركه


رابط المشاركه
شارك
galal elmadny كتب:



الف مبروك النجاح ياهنـــــــــــــــــا نصحيتى انظرى الى الامام وفكرى فى القادم افضل ان شاء الله لا تشغلى بالك وتضيعى وقتك فى اشياء لن توصلك الى شئ احمدى الله على النجاح وعوضى فى التيرمات القادمه وفقك الله والف مبروك مره اخرى



الله يبارك فيك جلال واشكرك علي الكلمات الطيبة هذه وربنا يوفقنا جميعاً !!

انا والله بحاول اني استعد للترم دا بنفس راضية ورحت وسجلت واستلمت الكتب وهبدأ علي بركة الله وبقول ان مفيش شئ مستحيل وان شاء الله اعوضها الترد دا !!

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.