حلقة دراسية ترم ثالث آداب E دور يوليو 2013

[*maryam 0]

ايه الرحلة السريعة دي المهم حمد الله على السلامة

[*maryam 0]

السلام عليكم
ده ملخص للمقال مفيد جداااااااااااااااااا

http://arabsh.com/files/0d30464a6df6/essay-doc.html

[Ahmed Elwardany 0]

الله ينور عليكي يا مريم على ملخص المقال انا هنزله و اشوف اية نظامه

الله يسلمك اه الرحلة كانت يومين بس مش عايز اقولك رهيبة و ممتعة اوي


المهم يا جماعة انا جبت معلومات مؤكدة عن مادة اللغة العربية و هكتبها بعد ما اروح البيت لاني برة و الورقة في البيت
فيها الدروس المقررة علينا و الحاجات الملغية من النحو انتظروني بعد ساعة ان شاء الله

[Ahmed Elwardany 0]

بصو يا جماعة
فيه ناس اعرفها كلموني و ادوني المفيد في التليفون عن مادة اللغة العربية و المقال و القراءة
و اللي اتقالي كالأتي :
المقال ( كله مقرر علينا و سؤالين براجراف في الامتحان واحد نكتبه و التاني نحدد نوع الجمل اللي فيه
بالنسبة لمادة القراءة و الفهم هيبقو فطعتين بأسئلتهم و هيجي سؤالين في الامتحان عن ان هيكون فيه كلمات من القطعة نكتب معناها بالعربي بس و بالنسبة لدة هيبقى نقطتين بس
اما بالنسب لمادة اللغة العربية باالدروس المقررة علينا هي محمد عبده و التجديد + ازمة عقل +الفكر الانساني لابن خلدون + بين الفيلسوف الشاعر و الناقد فقط
بالنسبة للملغي في النحو النسب و الوزن + اسماء الاتصال و الصرف
بالنسبة للمقرر في النحو هو الموجود داخل المنهج بعد كل درس و ليس النحو الذي مر على الترمات اللي فاتو
و طبعا كل المعاجم مقررة علينا

[سحر عبد الحق 0]

السلام عليكم ازيك يا مريم لوسمحتى تكتبى أسماء قطع القراءة والفهم هما كده تلاته من الكتاب والباقى من المحاضرات صح كده

[سحر عبد الحق 0]

وبالنسبة لماده اللغة العربية الدكتور ما قالش على اى حاجه مهمه

[*maryam 0]

السلام عليكم ازيك يا سحر؟؟

خدنا القطع التالية

قطعة ص10 - ص44

قطعة في المحاضرة 3 Tourism

قطعة في المحاضرة 4 STOCK

قطعة في المحاضرة 6 T.V

قطعة في المحاضرة 6 sausage sandwiches


العربي هما الأربع مواضيع والنحو لسة مش عارفين ايه المهم هنتأكد يوم الخميس ان شاء الله

[*maryam 0]

Ahmed Elwardany كتب:

بصو يا جماعة
فيه ناس اعرفها كلموني و ادوني المفيد في التليفون عن مادة اللغة العربية و المقال و القراءة
و اللي اتقالي كالأتي :
المقال ( كله مقرر علينا و سؤالين براجراف في الامتحان واحد نكتبه و التاني نحدد نوع الجمل اللي فيه
بالنسبة لمادة القراءة و الفهم هيبقو فطعتين بأسئلتهم و هيجي سؤالين في الامتحان عن ان هيكون فيه كلمات من القطعة نكتب معناها بالعربي بس و بالنسبة لدة هيبقى نقطتين بس
اما بالنسب لمادة اللغة العربية باالدروس المقررة علينا هي محمد عبده و التجديد + ازمة عقل +الفكر الانساني لابن خلدون + بين الفيلسوف الشاعر و الناقد فقط
بالنسبة للملغي في النحو النسب و الوزن + اسماء الاتصال و الصرف
بالنسبة للمقرر في النحو هو الموجود داخل المنهج بعد كل درس و ليس النحو الذي مر على الترمات اللي فاتو
و طبعا كل المعاجم مقررة علينا

شكرا اخي احمد

بس دكتور العربي ملغاش حاجة لحد دلوقتي في النحو وغير كدا في حاجات زي الضمائر والافعال المبنية خدناها الترم اللي فات وخدناها الترم ده

كله هيتعرف يوم الخميس ان شاء الله ان كان لينا عمر

[bataelmghraby 0]

شكرا يا مريم ألف شكر على مجهودك وشكرا يا أحمد بس يوم الخميس هنعرف الملغى ان شاء الله

[nesreeen 0]

في 5 تطبيقات مقال ترم تالت نزلوا علي السايت في تطبيقات مكتوبه للطباعه

[*maryam 0]

الشكر لله يا bataelmghraby

شكرا يانسرين الواحد مبياخدش باله ايه اللي بيحصل في صفحته الف شكر عالتنبيه

[*maryam 0]

في محاضرات هتبقى برة الجامعة مع الدكتورة شاهيناز هتدي فيها ازاي نكتب مقال اللي عندة استعداد يجي يعرفني عشان نظبط معاد مع بعض وربنا يوفقنا جميعا ان شاء الله

الكلام ده كلام زميلة لينا في ترم تالت ياجماعة

[Ahmed Elwardany 0]

الملغي في النحو ده اساسي و حاجة موثوق منها
ناس جوة الجامعة معاكم قالولي ان الدكتور قالهم ان الحاجات دي ملغية او ميركزوش فيها فه كلام عن ثقة ان شاء الله
انا كدة كدة لسة مفتحتش العربي ولا اعرف فيه اي حاجة
ربنا يستر

[سحر عبد الحق 0]

جزاكى الله كل خير يا مريم

[*maryam 0]

Ahmed Elwardany كتب:

الملغي في النحو ده اساسي و حاجة موثوق منها
ناس جوة الجامعة معاكم قالولي ان الدكتور قالهم ان الحاجات دي ملغية او ميركزوش فيها فه كلام عن ثقة ان شاء الله
انا كدة كدة لسة مفتحتش العربي ولا اعرف فيه اي حاجة
ربنا يستر

تمام جزاك الله خيرا

[*maryam 0]

جزاكي الله بمثله يا سحر

[Ahmed Elwardany 0]

ازيكم يا جماعة اية الاخبار
اعد اذاكر النهاردة شوية مقال لقيت نفسي مش عارف افهم نظام البرجراف انتو اخددو محاضرات الشرح بتاعو ولا لسة؟

[*maryam 0]

Ahmed Elwardany كتب:

ازيكم يا جماعة اية الاخبار
اعد اذاكر النهاردة شوية مقال لقيت نفسي مش عارف افهم نظام البرجراف انتو اخددو محاضرات الشرح بتاعو ولا لسة؟

لا لسة ان شاء الله يوم الجمعة هتشرح موضوع البراجراف وطبعا هفيدكم بآخر الاخبار وربنا معانا

[سيد عبد الصمد 0]

سؤال درس ابن خلدون دة مش موجود فى الكتاب ولا المحاضرات لمادة القراءة والتعبير اقية فين بعد اذنكم

[*maryam 0]

سيد عبد الصمد كتب:

سؤال درس ابن خلدون دة مش موجود فى الكتاب ولا المحاضرات لمادة القراءة والتعبير اقية فين بعد اذنكم

لا طبعا موجود يا استاذ سيد في المحاضرة رقم 5 وموجود في الكتاب برضه 

هو حضرتك ترم تالت؟؟؟

[mohamedhusen 0]

السلام عليكم وكيف أخبار الجميع وبالنسبه  للاخت مريم عاوز تفاصيل عن المحاضرة اللى انتى بتقولى عليها هتبقى خارج الجامعه فين ويوم ايه  لكى انوى الحضور وشكرا على اهتمامك

[*maryam 0]

وعليكم السلام ورحمة الله وبركاته


المركز اسمه الشرق الاوسط قدام كلية تربية نوعية محطة البحوث شقة رقم 23 والمعاد يوم الثلاثاء القادم الساعة 5  ومدتها ساعتين وب 25 جنيه 

[Ahmed Elwardany 0]

شكرا يا مريم و ربنا يوفقك و يحميكي

[*maryam 0]

السلام عليكم ورحمة الله وبركاته

يارب تكونوا جميعا بخير

محاضرة القراءة والتعبير بتاريخ 13/ 6 وكانت اخر محاضرة لهذه المادة

خدنا درس بين الفيلسوف والشاعر والناقد من ورق المحاضرات

خطوات الكشف في المعجم

واتكلم عن المعجم تاني لان زمايلنا طلبوا توضيح الجزء ده

* اذا وجدنا كلمة جمع أو مثنى أو اسم منسوب أو كلمة مصغرة نقوم بتحويلها الى المفرد الطبيعي

مثال: منطلقان- منطلق / مصري - مصر / موجودات - وجود - وجد / ابطال - ابطل - بطل )

* نقوم بتحويل الاسم المفرد الى فعل ماضي

* نقوم بتجريد الفعل الماضي من حروفه الزيادة

* اذا كان الفعل الماضي به حرف الالف وهذا الحرف اصلي للكلمة مثل (نام - قال ) نقوم بتحويل الفعل الماضي الى المصدر او الى الفعل المضارع لكي نعرف اصل هذا الحرف (واو أو ياء) مثلا الفعل قال نحولها لفعل مضارع لكي نصل الى اصل حرف الالف فأصبحت ( يقول ) وبكدا احنا وصلنا لأصل حرف الألف ووجدناه حرف الواو فاأصبح (قول)

وخدنا امثلة كثير ومن ضمنها ( قانون - قنَ - ق.ن.ن ) ( يكل- كلّ- ك.ل.ل)

ملحوظة عن الكشف في المعجم الدكتور نبهنا ان اذا جاء طريقة الكشف عن معجم معين واحنا مش عارفين المعجم ده طريقته ايه وكتبنا الطريقتين كدا هتاخد نص درجة على الكلمة لان المفروض بما انه محدد اسم المعجم نكتب طريقته فقط ولا نكتب الطريقتين ولازم كمان نكت خطوات الكشف زي ما انا وضحت كدا وهما 5 كلمات كل كلمة عليها درجة

وبالنسبة للنحو كله من اول كيجي 1 مقرر مفيش ملغي (ده كلام الدكتور) ههههههههه وربنا معانا بقى
واللي عارف بقى خدنا ايه من اول كيجي 1 يقوللي :D
والمواضيع المقررة ( محمد عبده - أزمة عقل - الفكر الانساني لابن خلدون - بين الفيلسوف والشاعر والناقد

وفي سؤال في النحو هيقولنا فيه استخرج جملة لها محل من الاعراب ده بمعنى ( جملة خبر - حال - نعت )

مثلا : أن التربية هي السبيل ( هي السبيل ) جملة خبر أن

بالنسبة للمصدر المؤول ( أن + فعل مضارع / ما + فعل ماضي / أنّ + اسمها وخبرها )


تم بحمد الله اتمنى التوفيق للجميع
موعدنا غدا فيمحاضرة المقال وعلم الترجمة والسلام عليكم ورحمة الله وبركاته

[*maryam 0]

Ahmed Elwardany كتب:

شكرا يا مريم و ربنا يوفقك و يحميكي

الشكر لله والله يكرمك يارب ويوفقنا جميعا اللهم امين

في معاد تاني لمحاضرة كتابة المقال للدكتورة شاهيناز انا لسة عارفاه النهاردة ( الخميس الساعة 2 )

[سما سيف 0]

عزيزتى واختى الحبيبة مريم جزاكى الله خيييييييييييييييييييييييييييييييييييييرا

[*maryam 0]

سما سيف كتب:

عزيزتى واختى الحبيبة مريم جزاكى الله خيييييييييييييييييييييييييييييييييييييرا

حبيبتي سما وجزاكي الله بمثله يا قمر

[*maryam 0]

بالنسبة لمراجعة شرح كيفية كتابة المقال مع الدكتورة شاهيناز في معادين المعاد الاول يوم الثلاثاء الساعة 5 والمعاد التاني يوم الخميس الساعة 2 دة رقم المركز 01226121110 اللي عايز يحجز يكلمهم وسعر المراجعة 25 جنيه وبالتوفيق ان شاء الله

المركز اسمه الشرق الاوسط قدام كلية تربية نوعية محطة البحوث شقة رقم 23
منقول من زميلتنا

[nesreeen 0]

شكرا يا مريم جزاك الله خيير

[سحر عبد الحق 0]

ربنا يجزيكى كل الخير يا مريم

[nesreeen 0]

ان شاء الله في محاضرة مقال ترم تالت بكرة السبت 15-06-2013 الساعه 8 صباحا

[*maryam 0]

السلام عليكم ورحمة الله وبركاته

محاضرة علم الترجمة بتاريخ 14/ 6

خدنا مصطلحات زي اللي بناخدها كل محاضرة
والدكتور اتكلم عن الامتحان طبعا كلنا عرفنا نظامه
السؤال الاول كلمة نحطها في 5 جمل لمعاني مختلفة وقال مش شرط الكلمة دي تكون من المحاضرات لا اللي يعرف كلمة بمعانيها المختلفة يكتبها بس اهم حاجة تكون الجمل مظبوطة وتكون مفهومة

السؤال التاني ال8 مصطلحات ونكتبهم زي ما هما بالعامية منحاولش نكتبهم باللغة العربية
السؤال التالت قطعة ترجمة ناخد بالنا من الافعال المساعدة اذا كانت محتاجة او لا لان الدكتور لاحظ في الامتحان اللي فات ناس كتبة جمل محتاجة فعل مساعد لتوضح معناها ومش كتبنها وفي العكس واكيد طبعا الحاجات دي بتنقص درجات

------------------------

محاضرة المقال

عرفنا في المحاضرة اللي فاتت انواع المقالات والدكتورة قالت اننا اول حاجة المفروض نحدد نوع المقال اللي هنكتبه اذا كان تحليلي او وصفي او قصة او مناظرة

والمطلوب مننا اننا هنكتب صورة مصغرة لمقال يعني براجراف مش نتعمق يعني في الكتابة وكدا

أول حاجة في المقال هيكون Thesis statement وده معناه اننا هنكتب في اول البراجراف جملة نقول فيها هنتكلم عن ايه بالظبط يعني فكرة في جملة وبعد الجملة دي هنحط (.) وقبل الجملة دي نسيب مسافة ونيجي بعد كدا نوضح الفكرة على هيئة جمل

وخدنا كام مثال مثلا زي موضوع عن students at the university Cairo force problems

اول حاجة احنا ممكن تكتب الجملة دي في Thesis statement او ممكن نفكر في جملة تانية ونكتبها
وبعد كدا نوضح بقى ايه هي المشاكل 1 - 2 -3 -4 ونكتب عن المشاكل فقط مندخلش في حاجات تانية وبعد كل جملة (.)

يارب تكون وضحت الفكرة وقدرت اشرحها بطريقة مبسطة

وكل ترم وانت طيبين يارب انا مش عارفة الصراحة هقدر احضر بكرة ولا لا لان صعب عليا 3 ايام ورا بعض بس هحاول ان شاء الله والله المستعان والسلام عليكم

[Ahmed Elwardany 0]

انا عايز اعرف حاجة بالنسبة لامتحان المقال
هي هتجيب سؤال واحد عن البراجراف ولا سؤالين؟

[Ahmed Elwardany 0]

جزاكي الله خير يا مريم بس بعد اذنك انا بالنسبة بس لمادة اللغة العربية عايز فيها خدمة منك و المقال برضه بس دلوقتي خلينا في العربي

انا نزلت الملخص الجميل اللي انتي جبتيه من كام يوم و بذاكر منه ال 3 دروس و يبقى فاضل درس ناقص بتاع الناقد و الشاعر لو عرفتي تجيبي ملخص لأسئلة الدرس ده بس و فيه حاجة كمان
انا دلوقتي مش مذاكر اي حاجة في النحو و انا عرفت ان النحو السنة دي بس هو المقرر علينا مش بتاع الترمات اللي فاتو المهم
اية في النحو اذاكره؟ او انتي ذاكرتي اية في النحو؟؟؟ غير موضوع كشف المعجم ده سهل و انا مذاكرة طب و باقي النحو يتذاكر فيه اية؟

[*maryam 0]

السلام عليكم

لا هتجيب سؤالين في كتابة المقال

ده رابط لتلخيص 4 مواضيع العربي وده اللي انا لسة منزلاه عندي ومعقول الى حد ما

http://arabsh.com/files/0d30474262f1/تلخيص-الدروس-rar.html

دكتور العربي قاللنا كل النحو مقرر يعني كل اللي خدناه مش الترم ده بس انا اللي ذاكرته في النحو اللي موجود ورا كل درس ولسة هراجع على نحو الترمات اللي فاتت وربنا معانا

[*maryam 0]

السلام عليكم انا بعتذر يا جماعة لاني محضرتش محاضرة اليوم لمادة المقال لاني كنت مرهقة جداا ومقدرتش احضر للأسف ودي اول مرة يفوتني محاضرة لان فعلا مكنتش قادرة بس انا سألت زميلة معانا في ترم تالت حضرت وقالت ان الدكتورة شرحتلهم النوع التاني من المقال اللي هو اعطاء الاسباب وجابتلهم مثال عن موضوع عن حريق حصل في مكان ما والمفروض نكتب الاسباب المقترحة اللي ادت الى هذا الحريق اذا كان ماس كهربائى او كان حادث متعمد الخ وده اللي قدرت اعرفوا من زميلتي وربنا يوفقنا يارب
دعواتكم

[Hussein1974 0]

ان شاء الله موفقين جميعا وربنا يجازيكي كل خير يامريم على مجهودك الكبير في مساعدة الناس على مدار تلت ترمات وخصوصا الترم ده.

[*maryam 0]

اللهم امين الله يخليك ياحسين من بعض ما عندك وجزاك الله بمثله

[Ahmed Elwardany 0]

طيب ممكن العناصر بس بتاعت النحو يا مريم بتاعت الترم ده على الاقل
انا مش هذاكر النحو بتاع الترمات اللي فاتو و هسيبها على ربنا و لو جه حاجة منو هحاول افتكر لاني كنت مذاكر بتاع الترمات اللي فات كويس بس مراجعتش عليه
انا بس عايزك تديني عناصر النحو الموجودة الترم ده غير موضوع الوزن و الكشف في المعجم ده اوكي بالنسبة لي
اديني باقي العناصر اكتبيها بس هنا

[*maryam 0]

السلام عليكم

اتفضل اخي احمد دي عناوين دروس النحو الترم ده

جمع المذكر السالم - جمع المؤنث السالم - المثنى - الاسماء الخمسة - الممنوع من الصرف - علامات الاعراب الفرعية في الفعل المضارع - الاسماء المبنية والافعال المبنية - المبتدأ والخبر - النسب - الافعال اللازمة والمتعدية - الضمائر - الصحيح والمعتل -
إسم الفاعل واسم المفعول - همزة القطع والوصل - الفعل المبني للمجهول - العدد

وكل ده مشروح في ورق المحاضرات بعد كل درس والمحاضرة رقم9 فيها تدريبات وربنا يوفقنا جميعا

[Ahmed Elwardany 0]

متشكر جدا يا مريم والله مش عارف اقولك اية

[*maryam 0]

لا داعي للشكر ربنا يوفقنا جميعااااااااا

[nesreeen 0]

ارقام الجلوس نزلت علي الصفحة الشخصيه

[noha awad 0]

السلام عليكم
حد يعرف نذاكر الترجمة من والى العربية 214 منين من المحاضرات والتطبيقات ولا من السي دي ؟
وفي حاجة معينة ركزت عليها الدكتورة ؟
والمقال كمان نذاكر الملخص اللي انتوا رفعتوا دة شامل كل حاجة ؟ ياريت اللي بيحضر يفيدنا وجزاكم الله خيرا وربنا يوفقنا جميعا يارب

[*maryam 0]

وعليكم السلام

الترجمة احفظي الكلمات اللي في المحاضرات والتطبيقات  والقطع هتكون انسيين

ملخص المقال شامل كل الدروس  بس المهم تحلي كتير من التطبيقات والامتحانات لان الحل الكتير هيثبت المعلومة

[*maryam 0]

يا ترى ايه اخبار المذاكرة معاكم ضمنونى؟؟؟؟؟؟

هنزلكم النهاردة بالليل ملف المراجعة النهائية لمادة القراءة والتعبير زميل لينا عاملهم وانا هجمعهم في ملف واحد وارفعهم ان شاء الله


اتمنى التوفيق للجميع

[*maryam 0]

السلام عليكم ورحمة الله وبركاته

ياجماعة ده ملف المراجعة النهائية لمادة القراءة والتعبير وفيها الملفات اللي عملها زميلنا مطر السماء جزاه الله خيراااااااااااا وكمان النحو والمعجم كله في ملف واحد  

http://arabsh.com/index.php?p=upload_result&s=1&f=0d30424b65fb&type=file

اتمنى التوفيق للجميع

[noha awad 0]

*maryam كتب:

وعليكم السلام

الترجمة احفظي الكلمات اللي في المحاضرات والتطبيقات  والقطع هتكون انسيين

ملخص المقال شامل كل الدروس  بس المهم تحلي كتير من التطبيقات والامتحانات لان الحل الكتير هيثبت المعلومة

شكرا جزيلا ليكي يا مريم

[سما سيف 0]

انا موش عارفة احمل المراجعة يا مريم دوست على كل كلمات تحميل على الصفحة وما فيش فايدة قوليلى اعمل ايه فى الصفحة الخرافية دى

[medhate 0]

السلام عليكم ؟؟
 دا شرح للمصدر المؤول


 المصدر المؤول
* ما المصدر المؤول ؟
هو تركيب لغويّ يتكوّن من حرف مصدريّ يليه جملة اسميّة أو فعليّة ، صالح لأن يحل محله مصدر صريح يؤدي معناه ، ويجب أن يكون له محل من الإعراب كالاسم المفرد. مثل: ( يسرُّني أنّك نجحت )

فالمصدر المؤول في المثال السابق : أنّ + الجملة الاسمية { اسمها ( ك ) + خبرها جملة ( نجحت ) **
والمصدر الصريح المؤدي لمعناه : { نجاحُك ** يسُّرني نجاحُك = يسرُّني أنّك نجحت
وإعراب المصدر المؤوّل ( أنّك نجحت ) : في محل رفع فاعل

ملحوظة : نصل إلى إعراب المصدر المؤول من خلال وضع المصدر الصريح مكانه ، ثم نعربه ، فيكون إعراب المصدر الصريح هو نفسه إعراب المصدر المؤول.

* مّمَ يتكوّن المصدر المؤوّل ؟
حرف مصدريّ + جملة اسميّة أو فعليّة = مصدر مؤوّل
* عدّد الحروف المصدريَّة.
{ أنّ ، أنْ ، كي ، لو ( غير الشرطيّة ) ، همزة التسوية ، ما ( المصدريّة ) ، ما ( الظرفيّة ) **

1- ( أنّ ) + جملة اسميّة = مصدر مؤوّل : ( أزعجني أنّهم راسبون )
أزعجني : ( أزعج ) فعل ماضِ مبني على الفتح ، و ( النون ) للوقاية حرف مبني لا محل له من الإعراب ، و ( الياء ) ضمير متصل مبني في محل نصب مفعول به.
أنّهم : ( أنّ ) حرف توكيد ونصب مبني على الفتح لا محل له من الإعراب ، والضمير المتصل ( هم ) مبني في محل نصب اسم ( أنَّ ).
راسبون : خبر ( أنَّ ) مرفوع ، وعلامة رفعه الواو ؛ لأنَّه جمع مذكر سالم ، والمصدر المؤول ( أنّهم راسبون ) في محل رفع فاعل. وتقدير الجملة ( أزعجني رسوبُهم )

***************************
2- ( أنْ ) + فعل مضارع = مصدر مؤوّل : قال تعالى : ( وأن تصوموا خيرٌ لكم )
أن : حرف مصدري ناصب مبني على السكون ، لا محل له من الإعراب.
تصوموا : فعل مضارع منصوب بـأن ، وعلامة نصبه حذف النون ؛ لأنّه من الأفعال الخمسة ، وواو الجماعة ضمير متصل مبني في محل رفع فاعل ، والمصدر المؤول ( أن تصوموا ) في محل رفع مبتدأ ، وتقدير الجملة : ( صيامكم خيرٌ لكم ) أو ( صومكم خيرٌ لكم ).
خيرٌ : خبر المبتدأ مرفوع وعلامة رفعه الضمة الظاهرة.
لكم : اللام حرف جر ، الضمير المتصل ( كم ) في محل جر اسم مجرور.

***************************
3- ( كي ) + فعل مضارع = مصدر مؤوّل : ( اجتهد لكي تنجحَ )
اجتهد : فعل أمر مبني على السكون ، والفاعل ضمير مستتر وجوباً تقديره ( أنت ).
لكي : اللام حرف جر مبني لا محل له من الإعراب ، و( كي ) حرف مصدري ونصب مبني لا محل له من الإعراب.
تنجحَ : مضارع منصوب ، وعلامة نصبه الفتحة الظاهرة ، والمصدر المؤول ( كي تنجحَ ) في محل جر اسم مجرور، وتقدير الجملة : ( اجتهد لنجاحِك ).

4- ( لو ) غير الشرطيّة + فعل = مصدر مؤوّل : ( ودَّ أبوك لو نجحت ) ، ( وددتُ لو تدرس بجد )
ودَّ : فعل ماضِ مبني على الفتح.

أبوك : ( أبو ) فاعل مرفوع ، وعلامة رفعه الواو ؛ لأنَّه من الأسماء الخمسة ، و(الكاف) ضمير متصل مبني في محل جر مضاف إليه.
لو : حرف مصدري مبني ، لا محل له من الإعراب.
نجحت : ( نجح ) فعل ماض مبني على السكون ، و ( التاء ) ضمير متصل في محل رفع فاعل ، والمصدر المؤول ( لو نجحت ) في محل نصب مفعول به ، وتقدير الجملة : ( ودّ أبوك نجاحَك ).

ملحوظتان : أ- تُسبق ( لو ) غير الشرطيّة عادةً بالفعل ( ودّ ).
ب- ( لو ) الشرطيّة ليست مصدريّة ، ويأتي بعدها فعل شرط وجوابه ، مثل : ( لو رأيتك لجلست معك ).


5- ( أ ) همزة التسوية + فعل = مصدر مؤوّل : ( سواءٌ أحضرت الحصة أم غبت فلن أرضى عنك )
سواءٌ : خبر مقدّم مرفوع ، وعلامة رفعه الضمة الظاهرة.
أحضرت : الهمزة للتسوية حرف مصدري مبني ، لا محل له من الإعراب ، والفعل ( حضر ) ماض مبني على السكون ، و ( التاء ) ضمير متصل مبني في محل رفع فاعل. والمصدر المؤول ( أحضرت ) في محل رفع مبتدأ مؤخّر ، وتقدير الجملة ( سواءٌ حضورك أم غيابك فلن أرضى عنك ).
الحصّة : مفعول به منصوب ، وعلامة نصبه الفتحة الظاهرة.

ملحوظة : تُسبق همزة التسوية عادةً بكلمة ( سواء ) وغالباً ما يكون إعرابها خبراً مقدّماً ، و يكون إعراب المصدر المؤول بعدها المكوّن من ( همزة التسوية + الجملة الفعلية ) في محل رفع مبتدأ مؤخّر.
***************************
6- ( ما ) المصدريَّة + فعل = مصدر مؤّول : ( أفرحني ما سمعتُ عنك )
أفرحني : ( أفرح ) فعل ماضِ مبني على الفتح ، و ( النون ) للوقاية حرف مبني لا محل له من الإعراب ، و ( الياء ) ضمير متصل مبني في محل نصب مفعول به.
ما سمعت : ( ما ) مصدريّة مبنية على السكون ، والفعل ( سمع ) فعل ماضِ مبني على السكون ، و ( التاء ) ضمير متصل مبني في محل رفع فاعل ، والمصدر المؤول ( ما سمعت ) في محل رفع فاعل ، وتقدير الجملة : ( أفرحني سماعي عنك ).
***************************
7- ( ما ) الظرفية + فعل = مصدر مؤوّل : : ( أتمسك بديني ما عشتُ )
أتمسكُ : فعل مضارع مرفوع ، وعلامة رفعه الضمة الظاهرة على آخره ، والفاعل ضمير مستتر تقديره ( أنا ).
بديني : ( الباء ) حرف جر مبني ، لا محل له من الإعراب ، ( دين ) اسم مجرور ، وعلامة جره الكسرة المقدّرة منع من ظهورها اشتغال المحل بحركة المناسبة وهي مضاف ، و ( الياء ) ضمير متصل مبني في محل جر مضاف إليه.
ما عشت : ( ما ) مصدرية ظرفية زمانية مبنية على السكون ، و( عشت ) فعل ماضِ مبني على السكون ، و(التاء ) ضمير متصل مبني في محل رفع فاعل ، والمصدر المؤول ( ما عشت ) في محل نصب ظرف زمان ، وتقدير الجملة : ( أتمسك بديني مدّة عيشي ).
ملحوظة : إذا جاء المصدر المؤول بعد فعل ينصب مفعولين ؛ فإن المصدر المؤول يسد مسد المفعولين ، مثل :
رأيتُ أنّ الحقَّ منتصرٌ ( مصدر مؤول ) = رأيتُ الحقًَّ منتصراً ( مفعولا رأى )
رأيت : ( رأى ) فعل ماضِ مبني على السكون ، و ( التاء ) ضمير متصل مبني في محل رفع فاعل.
أنَّ : حرف توكيد ونصب مبني على الفتح ، لا محل له من الإعراب.
الحقَّ : اسم ( أنَّ ) منصوب ، وعلامة نصبه الفتحة الظاهرة.

منتصرٌ : خبر ( أنَّ ) مرفوع ، وعلامة رفعه الضمة الظاهرة. والمصدر المؤول ( أنَّ الحقَّ منتصرٌ ) سد مسد مفعولي ( رأى)