حلقة دراسية ترم ثالث آداب E دور يوليو 2013

[*maryam 0]

محبة نور الإيمان كتب:

تصدقوا انا لغاية دلوقتي مفتحتش غير ماده وحده واللي بدأ في مذاكرة مقال مذاكرتها كتيرة وسهلة ولا صعبة انا عندي طويلة وسهلة احسن من قصيرة وصعبة

لا شدي حيلك شوية لان خلاص الامتحانات قربت جدااا مش عايزين نزنق نفسنا في الاخر كدا وتبقى المذاكرة صعبة علينا وعلى فكرة مادة المقال مش صعبة ياحبيبتي بس عايزة تركيز شوية ولو في حاجة مش فهمنها انا هحاول فيها معاكم وربنا معانا يارب ويعدي الترم ده على خير

[Ahmed Elwardany 0]

مريم انا بجد مش ارف اشكرك ازاي و اقولك اية
انا بالنسبة للمحاضرة الخامسة بتاعت امبارح دي سهلة اوي في حتة اختصارات الجمل و نشيل الزيادات اللي مالهاش لازمة
بس للأسف مفهمتش اي حاجة في طريقة كتابة المقال دي وقفت لحد عندها فه ان شاء الله لما الدكتور توضحهالك المحاضرة الجاية زي ما قالتلك ابقي اشرحهالي جزاكي الله خير
بالنسبة لمادة العربي عايز منك طلبين فيها
اول
حاجة
تقوليلي انتي راجعتي اية في النحو بصفة عامة و تقوليلي على طريقة الكشف في المعجم او تشرحهالي
تاني حاجة الله يخليكي في الاخر تجمعي اسئلة الدروس الخمسة في ملف ورد عشان اذاكرها و احفظها و خلاص لاني مش عندي وقت اذاكر العربي ده خالص
عندي مادة تانية من ترم رابع مليانة اوي برضه


معلش يا مريم انا للمرة المليون بقول اني اتزنقت اوي الترم ده لأول مرة في حياتي
تحصلي ظروف غريبة شوية معرفتش اذاكر خالص يادوب اعد بس الايام دي بذاكر في مادة المقال و المعاجم حتىا لباقي مفتحتوش


و ربنا يسهل معلش يا مريم انا حاسس اني متقل عليكي اوي بس
انا مش عايزك تعملي كل ده غير في الاخر لاني مش عايز ازنقك يعني براحتك على اد ما تقدري مش كله مرة واحدة
و ربنا يوفقك في حياتك و بدعيلك من قلبي
بجد ربنا يجازيكي خير

[*maryam 0]

الشكر لله اخي احمد متقولش اي حاجة ادعيلي بس

بالنسبة للنحو انا ذاكرت النحو اللي موجود ورا كل درس قراءة في ورق المحاضرات ولسة هراجع على النحو بتاع الترم اللي فات كمان وبالنسبة للكشف في المعاجم انا منزلة موضوع كامل عنه هنا في رد في الصفحة 4
وبالنسبة لاسئلة الدروس الخمسة واجابتهم والله هحاول بقدر المستطاع لو لقيت وقت وسامحني لو مقدرتش بس هحاول ان شاء الله وربنا يقدرني

فعلا اخر درس خدناه في المقال سهل الحمد الله وكتابة البراجراف هنكتبه على هيئة جمل جنب بعض حتى مكتوب 7 براجراف في ورق المحاضرات ومتقسمين ل5 جمل وشوف اخر امتحان كمان هتلاقيه مترقم كدا من 1 ل5 واي جديد انا بنزلهولكم وبحاول اساعدكم على قد ما بقدر وربنا معانا جميعا ويوفقنا يارب

[mohamedhusen 0]

هى فعلا دكتوره رنيا سألناها بعد المحاضرة ما خلصت عن موضوع البرجراف هييجى ازاى فى الامتحان وهنعمل فيه ايه قالت كل ده فى المحاضرة القادمه هيبقى با لتفصيل واظن ان المحاضرة هتكون الجمعه وممكن السبت تكون مراجعه

[bataelmghraby 0]

السلام عليكم يا مريم معليشى ممكن تشرحى أدوات العطف وكيف نستخدمها

[*maryam 0]

وعليكم السلام ورحمة الله وبركاته

ادوات العطف في الدرس الخاص ب Parallelism

ادوات العطف احنا مش المطلوب مننا نعرف نستخدمها ازاي هي بتكون موجودة في جملة زي دي مثلا

The store clerk rang up his customer quickly and efficient.

ورأس السؤال بيكون كدا

- Rewrite the following sentences to achieve a more parallel construction.


والمفروض اننا نحدد الجزء اللي قبل الاداة والجزء اللي بعد اداة العطف نخليهم متوازيين وفي الجملة دي الجزأين هما ( quickly , efficient )

quickly جاية حال و efficient جاية صفة عشان نوزنهم نخلي الكلمة التانية حال زي الاولى

The store clerk rang up his customer quickly and efficiently

وفي امثلة كتير في ورق المحاضرات

يارب اكون قدرت اوصلك الفكرة

[*maryam 0]

mohamedhusen كتب:

هى فعلا دكتوره رنيا سألناها بعد المحاضرة ما خلصت عن موضوع البرجراف هييجى ازاى فى الامتحان وهنعمل فيه ايه قالت كل ده فى المحاضرة القادمه هيبقى با لتفصيل واظن ان المحاضرة هتكون الجمعه وممكن السبت تكون مراجعه

ايه ده هي قالت ان في سبت كمان بس مش مكتوب في الجدول غير الجمعة بس بتاريخ 14/ 6 ودي اخر محاضرة

[Ahmed Elwardany 0]

اوكي يا مريم بالنسبة للعربي لو قدرتي اوكي لو مقدرتيش مفيش مشكلة كدةة كدة انا هبصله في الاخر المهم
انتي وضحتي فوق هنا نقطة جميلة اوي انا كنت محتاجها من بدري
انك كتبتي راس سؤال و جملة و اجابة
تقدري لو ينفع في جميع المحاضرات بتاعت مادة المقال
انك تدي مثال من كل محاضرة و تحطي رؤوس الاسئلة كله بمثال واحد و اجابته لكل محاضرة من اللي خدناهم؟

[*maryam 0]

نصيحة مني ليك متخليش العربي في الاخر لان مواضيعه تقيلة و5 مواضيع مش قليل

بالنسبة للمقال اوك تمام بكرة او بعده بالكتير هكتبلكم رؤوس الأسئلة بجملة لكل سؤال واجابتها والحمد الله السؤال الاول ال10 نقاط اللي هييجوا في الامتحان كويسة الى حد ما انا مشكلتي في كتابة المقال وده مش مقال واحد ده 2 للأسف يمكن لما الدكتورة توضحلنا نظامها ايه نقدر نتعامل معاه ربنا يسهل ويوفقنا يارب

[mohamedhusen 0]

هو فعلا المشكله هتبقى فى السؤال الثانى والثالث بتاع المقال بس ان شاءالله هنخلى الدكتوره تسهل الموضوع شويه

[محبة نور الإيمان 0]

صح كلام مريم العربي عايز مذاكرة كويسه لإنه طويل هتتعبوا شوية بس ف ترم رابع المنهج خفيف

[*maryam 0]

ربنا يسترها ويعديها على خير دي اتقل مادة عليا العربي

[*maryam 0]

السلام عليكم ورحمة الله وبركاته

انا هلبي طلب الاخ أحمد لكتابة رؤوس الاسئلة ومثال لكل سؤال وانا هكتب الامثلة دي من الامتحانات
وده حلي المقترح واللي ليه تعقيب على حلي لأي سؤال منهم يقولي ولو في اقتراحات تانية لحل الاسئلة يقول عشان نستفاد
----------------------------------------------

اولا ال fragment

رأس السؤال
rewrite the above fragment to be a complete sentence

- To continue my studies

الحل:

I will travel to continue my studies

----------------

ثانيا: Compound sentence


رأس السؤال

(combine both sentence to have a compound sentence )

السؤال :

Clouds were rolling in . Jack wore a rain coad

الاجابة:

Clouds were rolling in ,so Jack wore a rain coad

-------------------------------------

ثالثا subordination :

رأس السؤال

(combine both sentence using subordination )

it was too cold to swim yesterday . we stayed in the Chalet all day

الاجابة:

because it was too cold to swim yesterday, we stayed in the Chalet all day.

--------------------

رابعا changing clause to phrase

رأس السؤال
(combine both sentence changing one of them to a phrase)

- Clara went home early . she managed to reach their destination.

الاجابة :

.Going home early, Clara managed to reach their destination

------------------------------------------

خامسا : a dangling participle

رأس السؤال

(correct the a dangling participle )

walking quickly, all the glasses in the waiter's hands were broken

الاجابة

when the waiter was walking quickly , all the glasses in his hand were broken

---------------------------------

سادسا Run -on :

رأس السؤال:

(correct the run-on )

seeing the robber the policeman ran very fast towards him

الاجابة

seeing the robber, the policeman ran very fast towards him

---------------------------------

سابعا parallel :

رأس السؤال :

(Rewrite the above sentence to achieve a more parallel construction )

- The school in the suburbs are better than the city.

الاجابة

- The school in the suburbs are better than those in the the city

-----------------------------------------

ثامنا : concise sentence

رأس السؤال:

(Rewrite the above sentence to achieve a more concise sentence)


The repercussions and consequences of his deeds are really bad

الاجابة

The repercussions of his deeds are really bad
-----------------------------------------------

تاسعا: a dependent - independent - phrase

رأس السؤال

decide whether the part in bold is a phrase . a dependent or (independent


-Dalia knows the employee who helped us at the airport.

الاجابة

a dependent clause

-----------------------------------------------------------------

[محبة نور الإيمان 0]

دكتورة مادة المقال هي رانيا ولا اتغيرت

[سما سيف 0]

انتى لخصتى فعلا كل الاجزاء بس الاجابات دى انتى اللى مجاوباها والا دى مكتوبة فى المحاضرات لانى بيتهيالى الجزئية الخاصة بال dangling المفروض ان ال subject هوا اللى بيتكتب بعد الكومة يعنى لازم نذكر الشخص اللى فعل الشئء والا ايه يعنى هنا فى السؤال مذكور walking quickly مين بقى اللى ماشى بسرعة الويتر يبقى هوا اللى يتكتب بعد الكومة بيتهيالى انا فهمت كدة لو موش صح حد يقول يا جماعة يحسن انا تايهة جدا فى المقال دا

[سما سيف 0]

وبالنسبة للعربى موش معقول يا جماعة هانذاكر كل النحو حتى الترم اللى فات دا كتيير جدا وخصوصا ان الامتحانات بييجى فيها حاجات معينة بس زى اللمنوع من الصرف والمصدر المؤول والكشف فى المعجم والا الدكتور قال ان ممكن فى حاجات تانية هاتيجى واللى نزل محاضرات العربى فيديو هيا مفيدة انزلها والا كفاية المحاضرات المكتوبة

[mohamedhusen 0]

شكرا للاستاذه مريم على التوضيح والاختصار وعلى ما اعتقد ان الاجابات صح كلها وبالنسبه للاستاذه سما مينفعش الكومه تتكتب بعد الويتر لانه لواتكتبت بعد الويتر مش تبقى ليها معنى والافضل انها تتكتب بعد الجمله الاولى اللى هى الجمله الثانية نتيجه ليها والله اعلم والماده دى حلها الوحيد حل امثله كثير ليها والله المستعان

[*maryam 0]

محبة نور الإيمان كتب:

دكتورة مادة المقال هي رانيا ولا اتغيرت

اه هي الدكتورة رانيا متغيرتش

[*maryam 0]

سما انا اللي مجاوبة على الاسئلة دي لانها اسئلة امتحانات ملهاش اجابات في ورق المحاضرات وبخصوص السؤال الخاص بالdangling انا شايفة ان الاجابة كدا صح بس مش 100% يعني والله اعلم على العموم هسأل فيها لاني برضه مش متأكدة

بالنسبة للعربي الدكتور مقلش على حاجات نركز عليها في النحو بس بصراحة المفروض فعلا يقولنا المحاضرة الجاية على الموضوع ده لان النحو كتير قوي فعلا ولو مقلش انا اللي هقوله وربنا معانا بقى

[*maryam 0]

mohamedhusen كتب:

شكرا للاستاذه مريم على التوضيح والاختصار وعلى ما اعتقد ان الاجابات صح كلها وبالنسبه للاستاذه سما مينفعش الكومه تتكتب بعد الويتر لانه لواتكتبت بعد الويتر مش تبقى ليها معنى والافضل انها تتكتب بعد الجمله الاولى اللى هى الجمله الثانية نتيجه ليها والله اعلم والماده دى حلها الوحيد حل امثله كثير ليها والله المستعان

الشكر لله اخي محمد والسؤال بتاع ال dangling ده مش متأكدة منه لانه ارخم جزء قابلني في المادة دي هو الدرس ده وهبقى اتأكد منه ان شاء الله واتمنى ان اجاباتي تكون صح

[mary1605 0]

دي امتحانات فبراير 2013 خارج مصر

/t9840-topic

[Ahmed Elwardany 0]

الله ينور عليكي يا مريم انتي انجزتيني جامد في طريقة المذاكرة
بالنسبة لمادة المقال
بجد الله ينور عليكي و يوفقك يارب


في انتظارك بخصوص مادة العربي ( النحو ) و ياريت لو فيه حاجة تانية لانها فعلا رخمة و تقيلة جدا


و طريقة البراجراف

[asmalithy 0]

لو سمحتي يا مريم انا عندي مواد من تيرم اول و مش عارفة عنهم اي حاجة الكالتشر و النحو العربي.. لو تقدري تفيديني و تقوليلي ايه المقرر و لو في ورق خارجي
انا عارفه انك في تيرم 3 بس اعتقد ممكن تفيديني
شكرا

[*maryam 0]

asmalithy كتب:

لو سمحتي يا مريم انا عندي مواد من تيرم اول و مش عارفة عنهم اي حاجة الكالتشر و النحو العربي.. لو تقدري تفيديني و تقوليلي ايه المقرر و لو في ورق خارجي
انا عارفه انك في تيرم 3 بس اعتقد ممكن تفيديني
شكرا

حبيبتي ممكن تدخلي الحلقة الدراسية في ترم اول وهما هيساعدوكي اكتر مني بس عالعموم انا اعرف بنت في ترم اول هسألهالك ورد عليكي في أسرع وقت ان شاء الله وربنا يوفقك

[*maryam 0]

السلام عليكم ورحمة الله وبركاته

وجدت ملف لتلخيص 3 دروس عربي سؤال واجابة على الفيس ( محمد عبده - أزمة عقل - الفكر الانساني لابن خلدون)

ده رابط مباشر للملف

http://arabsh.com/files/0d30444d64f7/ملخص 3 مواضيع.rtf.html


كدا يبقى ناقصلنا درسين ( الشاعر والناقد - لغة الشعر ) ربنا يسهلها وربنا معانا

[سما سيف 0]

انا ما قولتش ان الويتر بييجى قبل الكومة انا قلت بييجى بعد الكومة كبداية للجملة الجديدة وانا حليت الحل دا زى مثال الدكتور كانت حلاه فى المحاضرات الفيديو وهوا Doing the job very well,the prize wasn't given to him دى كدة غلط والحل ذكر الفاعل اول الجملة الجديدة وليس المفعول به زى كدة [Doing the job very well,he wasn't given the PrIze]

[سما سيف 0]

ملخص العربى حلو اوى يا مريم شكرا يا حبيبتى بس روابط امتحانات فبراير موش بتفتح معايا انتى فتحتيها ولو فتحت معاكى ممكن تنزلي كوبى لو تقدرى وجزاكى الله خيرا على جهودك المستمرة

[Ahmed Elwardany 0]

شكرا يا مريم عالرابط اللي فيه ال 3 دروس هحملهم و اذاكرهم و ربنا يسهل في الباقي زي ما قولتي
دعواتي ليكي يارب

[Ahmed Elwardany 0]

مريم ممكن ترفعي ال 3 دروس دول على اي موقع تاني غير الموقع ده لانه مش بيحمل معايا اطلاقا
ميديا فاير او اي حاجة

[*maryam 0]

سما سيف كتب:

ملخص العربى حلو اوى يا مريم شكرا يا حبيبتى بس روابط امتحانات فبراير موش بتفتح معايا انتى فتحتيها ولو فتحت معاكى ممكن تنزلي كوبى لو تقدرى وجزاكى الله خيرا على جهودك المستمرة

سما انا رفعتلك الامتحانات كلها خارج وداخل مصر وبعض الامتحانات البيني في ملف واحد

http://arabsh.com/files/0d30444d67f6/امتحانات-يناير-2013-rar.html

يارب يتحمل معاكي

[Ahmed Elwardany 0]

خلاص يا مريم عرفت احمله هو صعب شوية بس نزلته
خلاص
الله ينور على الملخص
و عليكي يا مريم
حلو جدا و سهل في المذاكرة
يارب عقبال اخر درسين
اهو كدة الواحد يعرف يذاكر
شكرا يا مريم كتير و تعبناك كلنا معانا و خلاص مش ترفعية على موقع تاني هو حمل معايا كويس بس مكنتش اعرف بيحمل ازاي بس

[*maryam 0]

Ahmed Elwardany كتب:

مريم ممكن ترفعي ال 3 دروس دول على اي موقع تاني غير الموقع ده لانه مش بيحمل معايا اطلاقا
ميديا فاير او اي حاجة

بس الموقع ده سهل جدا في تحميله اوك حاضر هجرب ارفعه على موقع تاني

على فكرة ياجماعة في ورق المحاضرات في المحاضرة رقم 10 فيها مراجعة عن مواضيع القراءة والمحاضرة رقم 8 و9 فيها مراجعة على النحو انا قلت انبهكم يعني لو مش وخدين بالكم من الورق ده

[*maryam 0]

Ahmed Elwardany كتب:

خلاص يا مريم عرفت احمله هو صعب شوية بس نزلته
خلاص
الله ينور على الملخص
و عليكي يا مريم
حلو جدا و سهل في المذاكرة
يارب عقبال اخر درسين
اهو كدة الواحد يعرف يذاكر
شكرا يا مريم كتير و تعبناك كلنا معانا و خلاص مش ترفعية على موقع تاني هو حمل معايا كويس بس مكنتش اعرف بيحمل ازاي بس

تمااااااااام كويس انه اتحمل معاك وربنا يجازيه خير اللي عمل الملخص

لا مفيش تعب ولا حاجة كلنا في مركب واحدة ولازم نساعد بعض وربنا معانا

[*maryam 0]

سما سيف كتب:

انا ما قولتش ان الويتر بييجى قبل الكومة انا قلت بييجى بعد الكومة كبداية للجملة الجديدة وانا حليت الحل دا زى مثال الدكتور كانت حلاه فى المحاضرات الفيديو وهوا Doing the job very well,the prize wasn't given to him دى كدة غلط والحل ذكر الفاعل اول الجملة الجديدة وليس المفعول به زى كدة [Doing the job very well,he wasn't given the PrIze]

طيب ايه رأيك يا سما لو نعملها كدا

walking quickly, the waiter was broken all the glasses that it were in his hand

كدا اتظبطت صح؟؟؟؟؟

[سما سيف 0]

لا استخدمى broke بس لان was broken مبنى للمجهول يعنى الويتر كدة هوا اللى اتكسر بعد الشر عليه ههههههه

[*maryam 0]

هههههههههههههههههههههه اه صحيح معلش كتبتها وانا نايمة

[سما سيف 0]

وشكرا كتييييييييييييييييييييييييير على ملف الامتحانات

[nesreeen 0]

اعزائنا الطلاب تم تغيير موعد محاضرة السبت 6/8 الى الخميس الموافق 6/13 فى نفس المدرج ونفس الوقت

[Gaber 0]

الف شكر يااستاذه مريم وربنا يجعله فى ميزان حسناتك ويفقك فى حياتك

[Gaber 0]

http://img826.imageshack.us/img826/390/74466968.jpg
يا جماعه حد فاهم معنى السؤال ده ايه ؟
انا مش فاهم معنى الحروف الى بين الاقواس دى ايه.
ده فى امتحان ماده المقال التيرم الى فات

[bataelmghraby 0]

شكرا يا جماعة على التعاون وشكر خاص لمريم

[mon mon 0]

السلام عليكم
محدش يعرف نتيجة البيني إمتي يا جماعة ؟

[Ahmed Elwardany 0]

جابر
بالنسبة للسؤال بتاعك احنا لسة مش موصلناله في المحضارات بتاعت البراجراف يعني استنى محاضرة كمان عشان احنا كلنا لسة مش عارفين اية نظام البراجراف و الاسئلة بتاعته

[سما سيف 0]

MS اختصار ل major sentence ودى عبارة عن جملة رئيسية و هى بداية فكرة جديدة فى البراجراف اما SS اختصار ل support sentence ودى جملة اضافية لتكملة الجملة الرئيسية

[nesreeen 0]

محاضره الترجمة و الكمبرهنشن ترم تالت بكره السبت 8-6 ان شاء الله من 11.15 الي2

[Ahmed Elwardany 0]

ربنا يوفقكم جميعا في المحاضرات
انا هتابع معاكم من يوم الاحد
رايح من النهاردة اسكندرية هصيف و انزل البحر ادعولي ارجع بالسلامة
لا اله الا الله


ا

[محبة نور الإيمان 0]

ما شاء الله عليك رايح تصيف بالك رايق يا أحمد ان شاء الله تنبسط و ترجع بالسلامه

[mohamedhusen 0]

يا بخت الناس اللى ليها نفس تصيف وابقى سلملى على البحر وترجع بالسلامه

[*maryam 0]

السلام عليكم ورحمة الله وبركاته

محاضرات بتاريخ 7/ 6/ 2013

محاضرة العربي دكتور محمد العسوي

خدنا درس الفكر الانساني لابن خلدون وخدنا في النحو

الفعل اللازم ----- الفعل المتعدي

الضمائر المتصلة والمنفصلة

الافعال المبنية

واخر محاضرة هتكون يوم الخميس بتاريخ 13/ 6 الساعة 2:45

وهناخد فيها درس الشاعر والناقد واعتقد كدا يعتبر درس لغة الشعراء اتلغى مع انه اخف درس ويوم الخميس هنتأكد من الموضوع ده


-----------------------------------------------

محاضرة الكمبرهينشن دكتورة سحر صبحي


خدنا القطعة في ص 44 بالكتاب

نظام الامتحان قطعتين انسيين وفي سؤال اساسي هييجي في الامتحان ( ضع عنوان للقطعة)
ومش هتجيب كلمات نحطها في جمل ولا براجراف

والدكتورة قالتلنا المفروض في الامتحان اول حاجة نقرا القطعة قراءة سريعة ونعدي الكلمات الصعبة منركزش عليها لاننا هنفعمها من السياق وبعد كدا نبص على الاسئلة وبكدا هنعرف الاجابة في اي مكان بالقطعة من قرايتنا لها في الاول

-----------------------------------------------

الترجمة خدنا قطعتين واحدة من انجليزي لعربي والتانية من عربي لانجليزي

انا كتبت القطعة العربي وترجمتها بس التانية مكتبنهاش وهي موجودة في امتحان من الامتحانات عن معمر القذافي

القطعة العربي

الإعلام العربي الأمريكي - عندما يفكر الناس في المصاعب التي يواجهها الفلسطينيون عادة ما ينصب اهتمامهم على المشكلات في الضفة الغربية المحتلة . ولكن هذا جزء من المشكلة فقط لأن الفلسطينيين المقيمين في الدول العربية يواجهون مواقف صعبة . حيث أن المشكلات الأكثر الحاحا تتلخص في كيفية استخراج تأشيرة سفر أو تصريح عمل وكيفية إعالة الأسرة . وقد نتجت بعض هذه المشكلات بسبب حالة الركود الاقتصادي التي سادت العالم العربي في الأعوام الأخيرة

--------------------------

الترجمة

When people think of problems that Palestinians confront, they usually focus on problems in occupied west Bank, but is only part of the problem. Palestinian residents in Arab confront difficult, problems , the most serious problems are getting a visa work point, or supporting a family, some of there problems resulted economic stagnation that dominated the Arab world in the past few years.

والدكتورة كررت ان الكلمات اللي موجودة بالمحاضرات والتطبيقات مش هتكتب معناهم في الامتحان

بعتذر يا جماعة اني محضرتش محاضرات النهاردة السبت للأسف مقدرتش اروح وربنا معانا ولا تنسوني من صالح دعائكم استودعكم الله

[Ahmed Elwardany 0]

ازيكم يا جماعة انا رجعت بالسلامة و الحمد لله
شكرا على متابعتكم ليا يا جماعة و اكيد دعاكم نجاني من حاجات فظيعة على الطريق و الحمد لله
البحر احلى من اي سنة مضت و سلملتكو عالبحر ياااااااااه نفسي ارجع تاني بصراحة البحر لا يقاوم جماله
يلا
المهم يارب تكونو بخير كلكم