حلقة دراسية ترم ثالث آداب E دور يوليو 2013

[bataelmghraby 0]

شكرا يا حببتى يا مريم على مجهودك معنا كلنا جزاكى الله خير

يارب تنجحى بتفوق كل سنة و فى حياتك العملية

[*maryam 0]

السلام عليكم ورحمة الله وبركاته




محاضرات بتاريخ 24/ 5/ 2013 ----- 25/ 5/ 2013

24/ 5
* القراءة والتعبير

خدنا درس أزمة عقل من ورق المحاضرات والدكتور شرح طريقة الكشف في المعجم وانا منزلة شرح كامل ووافي في نفس الموضوع هنا عن طريقة الكشف في المعجم وقال ان المعاجم اللي طريقة الكشف فيها (الباب الاخير -الفصل الاول) في الامتحان مش هيطلع عن هذه المعاجم ( الصحاح للجوهري - لسان العرب - تاج العروس - المحيط )
والمعاجم الذي يكون الكشف فيها بالترتيب مثل مختار الصحاح

ملحوظة: مفيش حاجة اسمها حرف الألف في المعجم هو حرف الهمزة
_________________________________________

25/ 5

خدنا اسماء الاستفهام
جميع ادوات الاستفهام أسماء ما عدا 2 الهمزة و هل فهي حروف وليست أسماء وحرف الاستفهام دائما له الصدارة (يبدأ به الكلام)

مثال السؤال بالهمزة
__________________

مثل : (جملة فعلية) --- أحضر محمد؟
( جملة اسمية ) ---- أمحمد موجود ؟

وسيكون الاجابة بنعم أو أجل للموافقة --- لا للنفي

واذا جاء بهذا الاسلوب
ألم يحضر محمد؟
ستكون الاجابة بنعم لإثبات النفي ( نعم لم يحضر)
ستكون الاجابة بـ بلى للموافقة ( بلى حضر )

واذا جاء بأسلوب العطف

مثال : أحضر محمد أم غاب؟

* السؤال بهل تكون الاجابة بنعم للإثبات و لا للنفي

مثال : هل حضر محمد؟

وهذا الدرس بالمحاضرة الثالثة ( اسلوب الاستفهام ) ( صيغة النسب )

أما عن المواضيع المقرر 5 مواضيع

1- محمد عبده 2- أزمة عقل 3- الفكر الإنساني عند بن خلدون
4- لغة الشعر 5- الشاعر والناقد

هييجي منهم موضوعين في الامتحان

_____________________________________________________

الترجمة بتاريخ 24/ 5 و 25/ 5

خدنا قطعة كانت في امتحان بيني بس طبعا مكتبنهاش لانها كانت كبيرة جدا

خدنا قطعة بالعربي

أعلن محمود شريف مسئول الطيران المدني عن استئناف رحلات البالون في الأقصر يوم الأربعاء بعد توقف دام لما يقرب من 6 أسابيع، وبعد وقوع الحادثة المميتة التي أودت بحياة 19 سائحا، وصرح بأن ركاب البالون سيوقفون على وثيقة تثبت تحملهم الشخصي لمخاطر الطيران، وأضاف أن البالون ليس وسيلة تنقل ولكنه يستخدم في أغراض السياحة والدعاية.

الكلمات

hot air balloon ---البالون الطائر

deadly accident ----حادث مميت

civil aviation -------- الطيران المدني

risk --------- مخاطر

purpose -------- أغراض


25/ 5

ترجمنا القطعة اللي خدناها امبارح

وخدنا قطعتين عربي صغيرين

تتحكم كمية الطعام الذي نأكله ونوعه أيضا والطريقة التي تنمو بها أجسامنا وعندما تكون الغذية جيدة تماما ينمو الأطفال بصورة أسرع وبأحجام أكبر عما كان يحدث من قبل، وفي البلدان الفقيرة حيث عادة يكون رفيعا وضعيفا وتكون مقاومته للأمراض منخفضة .

-------

تعتمد شهرة جورج أوريل على رواياته بشكل كبير على الرغم من انه لم يكن عنده موهبة الكتابة ولم تكن الرواية من خلال الأدب السائد لما اختاره خلال هذا الشكل الأدبي.


____________________________________________________


القراءة والفهم
******************

24/ 5

خدنا قطعة التليفزيون بالمحاضرة السادسة رقم1

25/ 5

خدنا قطعة story short رقم 2 بالمحاضرة ال 6

والقطعة بالمحاضرة رقم 8

_____________________________________________

تم بحمد الله لا تنسوني من صالح دعائكم استودعكم الله

[*maryam 0]

bataelmghraby كتب:

شكرا يا حببتى يا مريم على مجهودك معنا كلنا جزاكى الله خير

يارب تنجحى بتفوق كل سنة و فى حياتك العملية

الشكر لله ياحبيبتي ربنا يخليكي على الدعاء الجميل ده تسلمي يارب ولكي بمثله

[Ahmed Elwardany 0]

مريم
انا مش عارف اقول اية اكتر من شكرا حاليا بجد مش عارف اشكرك ازاي
رغم اني لسة محتاج اعرف شوية حاجات و محتاجك معايا للنهاية و انا منتظر الجديد منك
و انا كان ليا استفسار تاني بعتهولك في رسالة خاصة ارجو الرد عليه
و انا هبدأ اتابع هنا كل يوم و هبدأ اذاكر ان شاء الله من النهاردة و دعواتكم ليا يارب و لينا كلنا ان شاء الله

[*maryam 0]

Ahmed Elwardany كتب:

مريم
انا مش عارف اقول اية اكتر من شكرا حاليا بجد مش عارف اشكرك ازاي
رغم اني لسة محتاج اعرف شوية حاجات و محتاجك معايا للنهاية و انا منتظر الجديد منك
و انا كان ليا استفسار تاني بعتهولك في رسالة خاصة ارجو الرد عليه
و انا هبدأ اتابع هنا كل يوم و هبدأ اذاكر ان شاء الله من النهاردة و دعواتكم ليا يارب و لينا كلنا ان شاء الله

متقولش حاجة ادعيلي بس مش عايزة اكتر من كدا والشكر لله اخي أحمد وانا معاكم للأخر بإذن الله وربنا معانا وأي جديد انا بنزله

بس مفيش رساليل جاتلي من حضرتك ؟؟؟؟؟؟؟؟؟؟؟

[Ahmed Elwardany 0]

وصلت دلوقتي

[*maryam 0]

وصلت اخي ورديت على حضرتك

[Ahmed Elwardany 0]

مريم ازيك؟
انا النهاردة بس هسألك عن حاجة في مادة القراءة و التعبير عشان ابدأ اجهزلها
وبكرة اسئلتي هتكون عن باقي المواد و خصوصا مادة المقال (
اولا لو تقدري في الاخر تجيبي ملخص لأسئلة الخمس دروس المقررة علينا
ثانيا بعد اذنك طبعا انتي قولتي ان النحو بتاع الترمين اللي فات مقرر علينا
بس اولا كان فيه حاجات ملغية في الترمين في النحو
و ثانيا يا مريم و انا اسف اني هتقل عليكي
قوليلي بس كل حاجة في النحو من عنوانين لاني انا دايما باجي في الاخر قبل امتحان العربي باخد حصة كدة مع المدرس بتاع اخويا الصغير يلملي فيها النحو كله و يشرحلي مرة واحدة
يعني اديني رؤوس عناوين للنحو المقرر علينا كله ده طبعا ما عدا اللي موجود في الترم ده لاني نزلت ورق المحاضرات من عالنت و شوفت كل النحو اللي فيه اناعايز اللي قبل كدة اللي هو قال عليه بتاع الترمين اللي فاتو و يبقى جزاكي الله خير و دعواتي ليكي و لكل الناس بالنجاح و الامتيازات يارب

[*maryam 0]

Ahmed Elwardany كتب:

مريم ازيك؟
انا النهاردة بس هسألك عن حاجة في مادة القراءة و التعبير عشان ابدأ اجهزلها
وبكرة اسئلتي هتكون عن باقي المواد و خصوصا مادة المقال (
اولا لو تقدري في الاخر تجيبي ملخص لأسئلة الخمس دروس المقررة علينا
ثانيا بعد اذنك طبعا انتي قولتي ان النحو بتاع الترمين اللي فات مقرر علينا
بس اولا كان فيه حاجات ملغية في الترمين في النحو
و ثانيا يا مريم و انا اسف اني هتقل عليكي
قوليلي بس كل حاجة في النحو من عنوانين لاني انا دايما باجي في الاخر قبل امتحان العربي باخد حصة كدة مع المدرس بتاع اخويا الصغير يلملي فيها النحو كله و يشرحلي مرة واحدة
يعني اديني رؤوس عناوين للنحو المقرر علينا كله ده طبعا ما عدا اللي موجود في الترم ده لاني نزلت ورق المحاضرات من عالنت و شوفت كل النحو اللي فيه اناعايز اللي قبل كدة اللي هو قال عليه بتاع الترمين اللي فاتو و يبقى جزاكي الله خير و دعواتي ليكي و لكل الناس بالنجاح و الامتيازات يارب

السلام عليكم

ملخص لأسئلة الدروس المقررة علينا

"محمد عبده "
1- وضح اهم مظاهر النزعه الثوريه عن محمد عبده ( مبينا رؤيته للصحافه) ؟
2- مااهم اعمال الشيخ محمد عبده ( وما اهم اثاره في الصحافه ) ؟
3- تحدث عن فلسفه الامام محمد عبده ؟
4- لماذا تعرض محمد عبده لحملات الطعن والتزييف ؟
وباقي الاسئلة موجودة في الكتاب

" ازمه العقل"
1- اشرح كيف ميز زكي نجيب محمود بين الرومانسي العربي والغربي؟
2- تحدث عن نظره الرومانسي لكل من الشاعر والباحث العلمي ؟
3-اشرح الفرق بين من يركن الى عقله ومن يركن الى وجدانه ؟
4-ماهو موقف زكي نجيب محمودمن ازمه العقل العربي ؟

وباقي الاسئلة موجودة بالكتاب

أما عن اسئلة باقي المواضيع موجود بعد كل درس بالكتاب ايضا

بالنسبة للنحو الدكتور قال ان النحو عموما كله مقرر ومحددش مواضيع معينة والسؤال اللي دايما بشوفه في الامتحانات المصدر المؤول والاسماء الممنوعة من الصرف والأفعال
وتراجع كمان على المبني والمعرب واسماء الاستفهام والنسب يعني راجع مراجعة شاملة على النحو كله من ورق الترمات اللي فاتت او من أي مصدر عالنت وقال ان ممكن السؤال ييجي اعراب او استخرج من القطعة كذا يعني مش هقدر احددلك اسماء لمواضيع عشان الدكتور نفسه محددش اي حاجة وربنا معانا ويوفقنا يارب

وانا مع حضرتك في أي سؤال والله المستعان

[Ahmed Elwardany 0]

انسة مريم انا بشكرك جدا على الافادة الجميلة دي
مراجعة شاملة عالنحو بصفة عامة
و الدروس الخمسة و الله المستعان ان شاء الله
بكرة ان شاء الله هيكون ليا اسئلة بسيطة عن مادة المقال بس يادوب الحق الم العربي شوية لاني مذاكرتش فيه اي حاجة عكس مادة المقال فه انا مذاكرها كويس على الاقل اول محاضرة بس لان الباقي برضة لسة رغم اني قلقان جدا من المادة دي


انا كان ليا استفسار انا بصيت على امتحانات مادة القراءة والفهم بتاعت السنين اللي فاتت هي هتبقى تقريبا عاملة زي الترم الثاني بالظبط مفيش اي اختلاف او اي جديد اية رأيك في الكلام ده؟

[*maryam 0]

الشكر لله

هتبقى زي الترم الاول مش زي الترم التاني لانها هتكون قطعتين ومفيش براجراف وفي اخر محاضرة هنعرف من الدكتورة اكتر نظام الامتحان لزيادة تأكيد لان الدكتورة سحر مش هي اللي كانت بتدي في الترم اللي فات الترم اللي فات كانت د/ منى رضوان وممكن يكون في اختلاف في طريقة الامتحان هنتأكد في اخر محاضرة ان شاء الله

[Ahmed Elwardany 0]

تمام يا مريم بالنسبة للقراءة و الفهم
في الاخر نبقى نعرف و نشوف هي كدة كدة مش محتاجة مذاكرة
انا بالنسبة لي يعتبر الترجمة و القراءة و الفهم مش محتاجين مذاكرة بالنسبة لي انا مشكلتي كلها دايما كل ترم بتبقى في العربي
لان بعتبر ان اللغةا لعربية مالهاش اي لازمة معانا خالص ولا بتفيد ولا بتضر + اني ميح في النحو و دايما كل ترم قبل الامتحان بيوم او بيومين اخد حصة مع مدرس عربي يشرحلي النحو كدةب المختصر و فعلا الطريقة دي فعالة بالنسبة لي الترمين اللي فات عملت كدة و الحمد لله عديت فيه المرة دي فيها دروس و دي مش محتاجة مدرس لازم اذاكر الخمس دروس دول بنفسي بس لو قدرتي في الاخر تجيبي ملخص للأسئلة كلها في ملف ورد كام سؤال للحفظ و بالنسبة للنحو هراجعه تاني مع نفس المدرس في حصة قبل الامتحان بس كنت عايز اعرف هل لازم اذاكر في النحو برضه الثقافة المعجمية اللي بتبقى بعد كل درس في الكتاب دي ولا اية؟.

و فيه مادة تانية اسمها معاجم من الترم اللي جاي انا باخدها معاكو الى حد ما صعبة شوية هي كأنها جزء تاني من مادة علم الترجمة لان فيها شعارات و حاجات كدة برضه

نيجي للمقال ودي يعتبر اهم و اصعب مادة عندنا انا ذاكرت المحاضرة الاولى سهلة
هذاكر الاتنين التانين و هستنى منك بأذن الله لو فيه جديد او ملخص او محذوف + البراجراف و طريقته و انا لو فيه سؤال مش عارفة في المادة دي هسألك فيه يعني في شوية مصطلحات كدة انا مش عارف معاناها بس فاهمها و قابلتني حاجة صعبة هقولك و انا حاسس اني تاعبك اوي معايا بس للأسف اول مرة اتحط في الظروف دي و يعدي عليا ترم و ينزل جدول امتحاناتنا و انا مفتحتش ولا كلمة و يادوب عايز الحق الم ادعيلي الحق بس يا مريم
و انا مشتكر جدا ليكي بجد

[*maryam 0]

السلام عليكم

أولا مادة اللغة العربية ليها لازمة اكيد في انك بتقرا مواضيع باللغة العربية الفصحة ودي بتنفعك في الترجمة من اللغة الانجليزية الى العربي عشان تقدر تكتب لغة عربية مظبوطة وطبعاااا النحو مهم جداااااااااا في الترجمة برضه بالنسبة للثقافة المعجمية ممكن تقراها عادي بس كل اللي هييجي في موضوع المعجم ده كلمات وهنقول طريقة الكشف فيها وخلاص

ربنا معاك ومعانا جميعا يارب

[dinaar 0]

[quote="*maryam"]

dinaar كتب:

وعليكم السلام ورحمة الله وبركاته

بعتذر اذا كنت اتأخرت عليكم لاني امبارح والنهاردة كنت طول اليوم في الجامعة

بصي يا حبيبتي متستنيش المركز يفتح عشان تجيبي الورق يا إما تحطيهم على فلاشة وتطبعيهم يا إما تشتريهم من المكتبة اللي جنب المركز انا عملت كدا اخر ما زهقت طبعتهم برة لان فعلا على طول قافلين منهم لله وبالنسبة للكتب كتاب العربي هو اللي مهم عشان المواضيع مكتوبة من غير تقسيم زي الورق بس مفيش مشكلة لو ذاكرتيهم من الورق عادي جدااااا وان شاء الله هتلحقي تخلصي المنهج في الشهر اللي فاضل متخافيش
علم الترجمة مجرد حفظ المصطلحات وتحفظي كلمة بمعاني مختلفة اللي في ورق المحاضرات يعني المادة دي يومين والمقال والعربي عايزين فهم وتركيز زيادة شوية والترجمة والكمبرهينشن حفظ كلمات على قد ما تقدري وخلصت كدا

وكله خير بإذن الله واي حاجة عايزاها انا معاكي اذا قدرت اساعدك فيها وربنا معانا جميعا

ألف ألف شكر يا مريم .. ربنا يبارك لك يــارب :D

بس معلش هسألك سؤال كمان
بالنسبة لعلم الترجمة : هل كل المحاضرات مقررة علينا؟؟ وأحفظ كل الكلمات بكل معانيها ولا إيه؟؟

[*maryam 0]

[quote="dinaar"]

*maryam كتب:

dinaar كتب:

وعليكم السلام ورحمة الله وبركاته

بعتذر اذا كنت اتأخرت عليكم لاني امبارح والنهاردة كنت طول اليوم في الجامعة

بصي يا حبيبتي متستنيش المركز يفتح عشان تجيبي الورق يا إما تحطيهم على فلاشة وتطبعيهم يا إما تشتريهم من المكتبة اللي جنب المركز انا عملت كدا اخر ما زهقت طبعتهم برة لان فعلا على طول قافلين منهم لله وبالنسبة للكتب كتاب العربي هو اللي مهم عشان المواضيع مكتوبة من غير تقسيم زي الورق بس مفيش مشكلة لو ذاكرتيهم من الورق عادي جدااااا وان شاء الله هتلحقي تخلصي المنهج في الشهر اللي فاضل متخافيش
علم الترجمة مجرد حفظ المصطلحات وتحفظي كلمة بمعاني مختلفة اللي في ورق المحاضرات يعني المادة دي يومين والمقال والعربي عايزين فهم وتركيز زيادة شوية والترجمة والكمبرهينشن حفظ كلمات على قد ما تقدري وخلصت كدا

وكله خير بإذن الله واي حاجة عايزاها انا معاكي اذا قدرت اساعدك فيها وربنا معانا جميعا

ألف ألف شكر يا مريم .. ربنا يبارك لك يــارب :D

بس معلش هسألك سؤال كمان
بالنسبة لعلم الترجمة : هل كل المحاضرات مقررة علينا؟؟ وأحفظ كل الكلمات بكل معانيها ولا إيه؟؟

الشكر لله ياجميل

علم الترجمة ال 30 مصطلح اللي موجودين في المحاضرة الثالثة احفظيهم وتحفظي كلمة واحدة بمعانيها المختلفة لانك هتكتبي الكلمة دي في كذا جملة وكل جملة هيكون ليها معنى مختلف للكلمة

ربنا يوفقك ويوفقنا جميعا

[Ahmed Elwardany 0]

بالظبط
اجابة المصطلحات هتكون بالعربي + اي كلمة تحطيها في كذا جملة مختلفة عشان تبيني اختلاف المعنى لنفس الكلمة
و السؤال التالت قطعة ترجمة صغيرة
unseen

سهلة و جميلة اوي المادة دي و في ترم رابع فيه مادة اسمها معاجم يعتبر جزء تاني ليها حلوة برضه
بالتوفيق للكل ان شاء الله

[mohamedhusen 0]

ممكن حد يكتب ال30 مصطلح وترجمتهم بتاع علم الترجمه

[*maryam 0]

السلام عليكم

موجودين في المحاضرة الثالثة على صفحتك الشخصية


1- Cut sb dead
يطنش

2- Go down the isle
يتزوج

3- Get sb's goat

يضايق

4-5-6 يزيد الطين بله
4- Add fuel to the fire


5- Add insult to the injury


6- Muddy the waters



7- Cost an arm and a leg
غالي الثمن

8- Bad blood
عداوة

9- Blood is thicker than water
الدم عمره ما يبقى ميه



10-Keep your feet on the ground
كن واقعيا

11- Let the cat out of the bag
يفشي سرا

12- Like a cat that has got the cream
في غاية السعادة

13- Put the cat among the pigeons
يتسبب في مشكلة

14- A dog in the manger
شخص حقود

15- Every dog has its day
لا تيأس سوف تأتيك الفرصة

16- Make a mountain out of a mole hill
يعمل من الحبة قبة

17-When it rains, it pours
تأتي المصائب تباعا

18- Throw sb to the wolves
ينتقد شخصا ما بعنف

19- Keep the wolf from the door
يوفقك بين الدخل والمصروفات

20- Beyond measure
فوق الإحتمال

21 -Burn your bridges
تقطع على نفسك طريق العودة

22- Work your fingers to the bone
يعمل بجد شديد

23- Make a splash
يحاول لفت الإنتباه

24- Go under the hammer
يباع في مزاد علني

25- Play the game
يتصرف بنزاهه

26- Be all ears
كلي آذان صاغيه

27- Call a spade a spade
لا يخشى في الحق لومة لائم


28-Cut your coat according to your cloth
على قد لحافك مد رجليك


29- Cast bears before a swine
تعطي ما هو ثمين لمن لا يقدر

30-Like a needle in a hay stack
كالبحث عن إبرة في كومة قش

[abo nooh 0]

جزاكم الله خيرا على هذه الأمثله المفيدة

[mohamedhusen 0]

الف شكر وهو مافيش مصطلحات مكررة تانى غير دول

[*maryam 0]

جزاك الله بمثله أبو نوح

لا هما دوال 30 مصطلح هييجي منهم 8 يا استاذ محمد

[محبة نور الإيمان 0]

مريم انتي نزلتي روابط لمحاضرات تلفيزيونية لمادة المقال وحاولت كتييييير انزلهم بيتحملوا معايا بس بيطلع محاضرات مكتوبة وكمان لما أجي افتحه بيكون تالف او فيه خطأ المهم انه مش بيفتح . انا مش عارفه اعمل ايه بس اقول حسبي الله ونعم الوكيل في الجامعة اللي منزلتليش المحاضرات التلفيزيونية لغاية الان..

[Ahmed Elwardany 0]

لا يا مريم هيجي 10 امثلة مش 8 بس
و خلي بالكو يا جماعة عشان احتمال يحصل معاكو زي اللي حصل معايا في امتحان علم الترجمة
ان ممكن يجيب المصلح بالمنظر ده
to let the cat out of the bag
to rains cats and dogs

خلي بالكم من كلمة
to
اللي في اول الجملة متتخضوش المهم ان نفس المعنى بالعربي بيتكتب و محدش يترجم كلمة تو و يخليها = علشان او بسبب او كدة لا برضة اكتبو ترجمة المصلح بالعربي عادي جدا

عشان في الامتحان بتاع الترم اللي فات كان كاتب ال 10 امثلة اولهم كلمة
to
بس مفيشهاش اي حاجة كأنها مش موجودة بالظبط و ربنا يوفقنا جميعا

[Ahmed Elwardany 0]

السلام عليكم
ازيك يا مريم
انا ذاكرت المقال ال 3 محاضرات و الحمد لله قدرت الى حد ما المهم و استوعبهم الا بعض النقاط هبقى اسألك فيهم بعدين لما ارجعلهم تاني و لو مقدرتش افهمهم هسألك فيهم و بكرة في انتظار لو فيه جديد بالنسبة للمادة دي بالذات
فيه حاجة تانية عايزها من حضرتك ضرورية و برضه مش دلوقتي ممكن في اي وقت قريب
انا محتاج حاجة كدة في مادة العربي
زي
شوت أسئلة للخمس دروس بأجاباتهم لو تقدري تجيبهم لو مقدرتيش مش مشكلة بس لاني مش عارف اذاكر الدروس اوي لو عرفتي تلمي اسئلة الدروس الخمسة مع بعض في ملف مثلا او حاجة زي كدة يبقى عملتي خدمة كويسة فينا كلنا لو مش موجود خلاص مش مهم و لو فيه جديد بالنسبة للعربي ياريت تباشريني بيه اول بأول
انا للأسف المادة الوحيدة اللي قدرت افيدكم فيها على اد ما اقدر هي علم الترجمة ده لاني والله درستها قبلكم و امتحنتها بس مفيش خوف من المادة دي اطلاقا ان شاء الله كلكم هتجيبو فيها امتيازات زي ما انا ا ما قفلتها لان الامتحان بيجي سهل اوي فيها
دي اصلا مادة لذيذة جدا مصطلحات و حاجات حلوة و لذيذة و مفيدة كمان لان المصطلحات دي مفيدة للتحدث مع الاجانب لانهم بيستخدمو المصطلحات دي بينهم و بين نفسهم

[*maryam 0]

محبة نور الإيمان كتب:

مريم انتي نزلتي روابط لمحاضرات تلفيزيونية لمادة المقال وحاولت كتييييير انزلهم بيتحملوا معايا بس بيطلع محاضرات مكتوبة وكمان لما أجي افتحه بيكون تالف او فيه خطأ المهم انه مش بيفتح . انا مش عارفه اعمل ايه بس اقول حسبي الله ونعم الوكيل في الجامعة اللي منزلتليش المحاضرات التلفيزيونية لغاية الان..

اه نزلتهم وشغالين تمام بس انا مستغربة انها مش بتشتغل معاكي اكيد جهازك فيه مشلكة
طيب حمليه من سيبر وحطيه على فلاشة وجربي شغليه على جهازك جربي حتى فيديو واحد لو اشتغل نزليهم كلهم من السيبر والله عايزة اساعدك بس مش عارفة اعمل ايه

[*maryam 0]

وعليكم السلام أخي أحمد

الدكتور قالنا 8 مصطلحات بس وامتحان البيني جيه 8 وبعدين مش فارقة وشكرا على التنبيه بخصوص (to) ويارب نجيب فيها امتياز

تمام انا برضه ذاكرت ال3 محاضرات في المقال وفهمتهم الحمد الله واي سؤال انا معاكم ان شاء الله

حاضر اذا فضيت هحاول اجمع الاسئلة بإجابتهم في ملف وورد ويبقى مرجع لينا بإذن الله

اتمنى التوفيق للجميع

[mohamedhusen 0]

الاستاذة مريم والاستاذ احمد لكم جزيل الشكر والاحترام على جميع ما بزلتموه من مجهود ونحن ننتظر منكم المزيد ووفقكم الله الى ماتحبوه وترضوه وبالنسبة للاستاذة محبة نور الايمان فعلا الروابط اللى عليها محاضرات المقال كلها شغالة ماعدا المحاضرة السابعة اللى هى على المنتدى فا الحل الوحيد انك زى الاستاذة مريم ما قالت روحى سيبر محترم وحملى فيديو واحد على الفلاشة وشغليه من على الفلاشة فى السيبر ثم فى المنزل من غير ماتنقليه على الجهاز لو اشتغل عندك على الجهاز فى المنزل ارجعى حملى الاخرين بس اتاكدى انك حملتيه صح واذا لم يعمل فسيكون هناك مشكلة فى جهازك واتركيهم على الفلاشة لا تقومى بمسحهم

[محبة نور الإيمان 0]

ربي يسهل بس معليش انتو قصدكم ايه بسيبر

[Ahmed Elwardany 0]

محبة نور الإيمان
ان شاء الله هساعدك و اخليهم يشتغلو كويس عندك
بس عايزك انتي تساعديني و تكتبيلي نص الرسالة بالانجليزي لما تيجي تشغلي الفيديو اللي مش عايز يشتغل
و الاهم تقوليلي انتي بتشغلي الفيديوهات على برنامج اسمه اية؟
و تقوليلي نص الرسالة اللي بتطلعلك و انا هساعدك و اقولك تعملي اية و تشتغل عندك ان شاء الله

[Ahmed Elwardany 0]

انسة مريم النهاردة لو فيه جديد النهاردة ياريت تقولي عليه

[*maryam 0]

السلام عليكم ورحمة الله وبركاته

ازيكم يا اعضاء المنتدى الكرام يارب تكونوا كلكم بخير والمذاكرة ماشية تمام معاكم

محاضرة علم الترجمة بتاريخ 31/ 5/ 2013

خدنا بعض الأصوات

sounds

water --- murmur ----- خرير

pen --- scratch ----- الضرير

wind --- rustle ----- حفيف

bees --- buzz ----- الطنين

crow --- caw ----- النعاق

hen --- cluck ----- وقوقة

cock --- crow ----- صياح

goese --- hank ----- الزبيط

ostrich-- bleep bleep --- قوق

spanow -- twitter --- زقزقة العصافير

nightingale ---pipe and warble --- العندليب
-------------------------------


دي القصائد اللي خدناها المحاضرة اللي فاتت الدكتور ترجمها النهاردة معانا والارقام اللي فوقيها دي الوزن


يا عندليب متخفش من غنوتك

10 9 8 7 6 5 4 3 2 1

nightingale do not fear to pipe and warble


قول شكوتك واحكي على بلوتك

8 7 6 5 4 3 2 1
say your complaint and tell your trouble.

الغنوة مش هتموتك إنما

6 5 4 3 2 1
your song want tell you, but

كتم الغنا هو اللي هيموتك

10 9 8 7 6 5 4 3 2 1
suppressing it your life will terminate

-------------------------------------

غمست سنك بالسواد يا قلم
8 7 6 5 4 3 2 1
pen in black ink i dipped you tip


عشان ما تكتب شعر يقطر ألم

8 7 6 5 4 3 2 1
to write poetry which pain can drop.

مالك إيه جرالك يا مجنون وليه

10 9 8 7 6 5 4 3 2 1
what is wrong with you nuts and why you did

رسمت وردة وبيت وقلب وعلم

11 10 9 8 7 6 5 4 3 2 1
drow a rose, a house,a heart and a flage instend

---------------------------------------------

كيف شفت قلبي والنبي يا طبيب

Doctor! how you saw my heart, please me tell.

همت ومات ولا لسة سامع له دبيب

is he weak and dead or you can hear beats still

قال لي لقيته مختنق بالدموع

He said : i saw him shudding bears and said.

وملوش دوا غير لمسة من ايد حبيب

He has no medcine exept atouch from love's

-----------------------------------------

ده هنحضره قبل محاضرة بكرة


يا حزين يا قمقم تحت بحر الضياع ------- حزين أنا زيك وإيه مستطاع

الحزن ما بقلهوش جلال يا جدع ------- الحزن زي البرد زي الصداع

---------------------

الدنيا أوضة كبيرة للإنتظار -----فيها ابن آدم زيه زي الحمار

( انا مالي ده صلاح جاهين مش انا )

الهم واحد والملل مشترك ----- ومفيش حمار بيحاول الإنتحار

----------------------

نوح راح لحاله والطوفان استمر -------- مركبنا تايهة لسة مش لقيا بر

أه من الطوفان وآهين عليك يا بر الأمان ------ إزاي تقدر تبان والدنيا مليانة ظن


---------------------------------

الدكتور قال ان الامتحان هييجي 8 مصطلحات وأي كلمة تعجبنا نختارها من ورق المحاضرات نحفظ

معانيها المختلفة ونحطها في 5 جمل لكل معنى

وقال الجزء بتاع الترجمة ( ابراهيم قابلحسين ) ولا مش عارف مين كدا ميحللهومش المقابلة غير في ورقة الامتحان

يعني فيما معناها انها هتيجي سهلة جداا وعليها 7 درجات


بجد دكتور زكريا ده ما شاء الله عليه انسان محترم جدا ومش بيبخل علينا بأي معلومة ربنا يجازيه كل خير


---------------------------------------


خدنا في محاضرة المقال درس (parallel ) وكتبنا تمارين كتير عليها وهتاخد وقت في الكتابة استأذنكم هريح شوية وارجع اكبتهالكم
----------------------------------------------------



محاضرة المقال بتاريخ 31/ 5

خدنا المحاضرة الرابعة (parallel ) وأدوات العطف ( Tools parallel )

( and - or - but - neither - nor - , - ; )

والمفروض عشان نصحح جملة paraller لازم الاول نحدد الأجزاء التي يجب أن تكون معطوفة على بعض

مثلا الجملة دي

jane's work is better than jake

هنا Jack و jane لازم يكونوا متطابقين حل المثال ده كدا :


jane's work is better than jake's work

ملحوظة :

التمارين اللي حليناها في المحاضرة مكتوبة في التطبيق رقم 16 عالصفحة الشخصية كاملة بحلها

محاضرة المقال بتاريخ 31/ 5

خدنا المحاضرة الرابعة (parallel ) وأدوات العطف ( Tools parallel )

( and - or - but - neither - nor - , - ; )

والمفروض عشان نصحح جملة paraller لازم الاول نحدد الأجزاء التي يجب أن تكون معطوفة على بعض

مثلا الجملة دي

jane's work is better than jake

هنا Jack و jane لازم يكونوا متطابقين حل المثال ده كدا :


jane's work is better than jake's work

ملحوظة :

التمارين اللي حليناها في المحاضرة مكتوبة في التطبيق رقم 16 عالصفحة الشخصية كاملة بحلها



استودعكم الله ولا تنسوني من صالح دعائكم

[Ahmed Elwardany 0]

تسلمي على المجهود الرائع
جزاكي الله الف خير
في انتظارك بخصوص المقا

[*maryam 0]

محبة نور الإيمان كتب:

ربي يسهل بس معليش انتو قصدكم ايه بسيبر

سيبر ده محل كمبيوتر بيكون في اجهزة كتير ناس قاعدة عليها ربنا يسهلها عليكي ان شاء الله

[*maryam 0]

تم اضافة محاضرة المقال بالأعلى

[mohamedhusen 0]

فعلا الاستاذ زكريا ده شخصية محترمة جدا وبالنسبة محاضرات اليوم زى ما كتبت الاستاذه مريم بالضبط وفى محاضرات بكره ان شاء الله فى نفس الوقت علم ترجمة ومقال

[*maryam 0]

جزاك الله خيرا على التنبيه نسيت اقول ان في محاضرات بكرة في نفس المعاد بس معروف ان معظم اللي بيدخلوا عالصفحة دي مش بيحضروا وربنا معانا في الجو ده

[محبة نور الإيمان 0]

*maryam كتب:

محبة نور الإيمان كتب:

ربي يسهل بس معليش انتو قصدكم ايه بسيبر

سيبر ده محل كمبيوتر بيكون في اجهزة كتير ناس قاعدة عليها ربنا يسهلها عليكي ان شاء الله

اها انا كنت شاكه بس حبيت أتاكد

[Ahmed Elwardany 0]

محبة نور الإيمان
انا كتبتلك رسالة فوق من يومين
قولتلك فيها اكتبيلي نص الرسالة بالانجليزي لما بتيجي تشغلي الفيديو و قوليلي اسم البرنامج اللي بتشغلي عليه الفيديو و انا هساعدك و اخليهم يشتغلو عندك على الجهاز بتاعك احسن من انك تروحي ل انترنت كافيه

[Ahmed Elwardany 0]

مشتكر جدا يا مريم على المجهود اللي انتي عملتيه بخصوص مادة المقال بجد ربنا يكون في عونك في الجو ده و دعواتي ليكي كل شوية يوفقك يارب و تطلعي من المتميزين

[محبة نور الإيمان 0]

عارف المشكلة يا أحمد اللي بحمله مش فيديوهات بيطلعلي محاضرات مكتوبة واجي افتح مره تانية ادور على فيديوهات بس مش بلاقي حاجه

[محبة نور الإيمان 0]

أحمد انا لما أجي بدخل ع الرابط بيطلعلي ف الصفحة مربع بيطلب ادخل كلمة عشان اقدر احمل الملف بدخل الكلمة دي بعدين بيكون فيه كلمة مكتوبة او بمعنى صحيح اسم الملف 1,2 ومحطوط جنبه (Download (164,97MB فبضغط عليه وبيبدا يحمل ان شاء الله تكون فهمت كلامي

[*maryam 0]

السلام عليكم ورحمة الله وبركاته

نبدأ بسم الله محاضرة علم الترجمة بتاريخ 1/ 6/ 2013

القصائد دي خدناها امبارح وترجمناها النهاردة

صلاح جاهين
--------
--------


الدنيا أوضة كبيرة للإنتظار
8-----7----6---5---4-3--2---1
Life is a too big standing room

فيها البني آدم زيه زي الحمار

10----9-----8---7--6---5---4---3----2----1
in which man and man and donkey's the same

الهم واحد والملل مشترك
6-------5-----4---3---2-----1
care n monkey they loath share

مفيش حمار بيحاول الإنتحار

10----9---8----7---6---5--4---3--2---1
And no donkey to kill himself can dare

--------------------------

نوح راح لحاله والطوفان استمر
10--9--8---7--6------5-----4---3----2----1
The flood is still though Noah passed a way


مركبنا تايهة ولسة مش لقيا بر

10----9----8---7---6---5----4--3-2----1
Finding no harbour the Ark lost it,s way

آه من الطوفان وآهين عليك يا بر الآمان

10-----9---8---7---6---5---4---3---2-1
I lament you both safety harbout please

إزاي تقدر تبان والدنيا مليانة شر

10------9-----8----7----6----5---4--3---2---1
How you can appear while life with evil's full



ملحوظة
----
الارقام دي هي وزن الأبيات والمفروض عدد الكلمات تكون زوجية وليست فردية اذا وزناها ووجدناها

فردية يمكننا ان نزود كلمة بدون التغيير في المعنى او نعمل اختصار للفعل المساعد زي ما عملنا كدا

وطبعا الشعر ده ملوش علاقة بالامتحان دي معلومات لينا يعني وكتر خير الدكتور طبعا

----------------------

words
------

Universe --الكون

world -- العالم بأكمله من كواكب وبحار وشمس وقمر

Globae -- العالم من الناحية الجخرافية

globalize -- يعولم / Globalization --- عولمة

-----

live -- لما تيجي adj بتكون بمعنى البث المباشر

live -- لما تيجي V بتكون بمعنى يعيش

والاسم life-- حياة

----

stand
------

تأتي بمعنى رف , وجهة نظر , موقف اتوبيس , غابات

الضرائب الدائمة ---standing tax

جيش نظامي --- standing army

غرفة الانتظار --- standing room

هذه الكلمة لها معاني كثيرة جداا على حسب الجملة

--------------

forest --- غابة / jungle غابة أشجار

boring --- ملل

راح لحاله --- passed a way

مركب نوح --- The Ark

-------------
الجملة معناها تقسيم نصيبهم في التورتة ------share of the pie

النصيب الكبير نصيب الاسد ------- The lion's share

عايزين نقول المصلحة واحدة يعني لو حد شكرك على حاجة عملتها والحاجة دي في مصلحتنا احنا

الاتنين يعني ( مركبنا واحدة ) نقول له

we are in the same boat

------------

يا خسارة ----what a loss !

أشعر بأني ضائع ------ I fell lost

يا خلق ------ folk

---------

كلمة man اول معنى لها بالقاموس ( انسان ) إسم لا جمع له

ونفس الكلمة المعنى الثاني لها بالقاموس ( رجل ) والجمع men

كل إنسان يموت ولكن ليس كل إنسان يعيش كما ينبغي

Everyman dies, but not every man realey lives

هنا بمعنى االانسان عامة وليس بمعنى رجل


-----------------------------------------


محاضرة المقال بتاريخ 1/ 6/ 2013

خدنا المحاضرة الخامسة


Writing Concise Sentences
كتابة جملة موجزة مقسمة إلى
-------------------------

1.Pruning the Redundant

بمعنى عدم تكرار المعنى في الجملة أو زيادة جملة ليس لها معنى مثل

1-There was a consensus of opinion.
2-I’ll meet you at 12 noon.
3-This is the end result of our discussion.
4-Can you summarize the book briefly.
5-He referred back to this topic.
6-He raised the cost by ten dollars more.
7-All books have been destroyed and damaged.

الجمل دي بتكون زيادة على الجملة اذا وجدناها نقوم بحذفها ونكتب باقي الجملة والكلام ده مكتوب فيا

بورق المحاضرات

2-Omitting sounding, yet meaningless, phrases.

تجنب العبارات التي لا تضيف شيئا الى معنى الجملة موجود ليها امثلة كتير في الورق


3-Avoid using intensifiers that do not intensify

تجنب الكلمات مثل really, very, quite, extremely اذا وجدها بالجملة وغير

ضرورية تحذف

والتمارين كتير في الموضوع بإجابتهم في ورق المحاضرات

-----------------------------------


تاني حاجة خدناها كتابة المقال

Typs of Discourise Essay

-------------

نقوم بتحديد نوع المقال اللي هنكتبه بمعني اذا كنا هنكتب الموضوع بطريقة قصة أو تحليل أو وصف أو موضوع فيه جدال قبل أن نبدأ بكتابته



1- Narrative قصصي


2- Expsitory تحليلي


3- Argumentative جدلي


4- Descreptive وصفي



والمواضيع اللي مكتوبة في ص9 لاخر الصفح قريناها وحددنا نوع المقال مع الدكتورة

الأول : قصصي --- الثاني : تحليلي --- الثالث: قصصي

الرابع: تحليلي --- الخامس: وصفي ---- السادس: تحليلي --- السابع: تحليلي

-------------------------------------------

تم بحمد الله الانتهاء من كتابة تقرير عن محاضرات اليوم بتاريخ 6/1 /2013

استودعكم الله ولا تنسوني من صالح دعائكم واتمنى التوفيق للجميع

[سما سيف 0]

ربنا يخايكى وييسر ليكى امورك زى ما بتيسريها لينا يا حبيبتى كدة يبقى منهج علم الترجمة والمقال خلص صح ولو خلص عقبال الباقى وجزاكى الله عنا كل خير

[Ahmed Elwardany 0]

جزاك الله خير يا مريم
انا هشوف باقي الحاجات في المقال بس ليا عندك طلب
ياريت تحاولي تعرفي نظام الامتحان في مادة المقال بيجي ازاي
يعني نوعية الاسئلة و الحاجات دي
و اخر حاجة انتي كاتبة عنها دي اللي طريقة كتابة المقال
اللي هي البراجراف؟؟؟؟؟؟؟؟ اللي انا كان قصدي عليه في الاول؟

[mohamedhusen 0]

لسه قاعد محاضرتين فى المقال هيكونوا الجمعه والسبت غير الجايين

[Ahmed Elwardany 0]

يا خبر ابيض يا جدعااااااااان
المادة دي كدة تقلت اوي علينا
و فيها حاجات كتير و مش سهلة
بجد حرام كدة

[محبة نور الإيمان 0]

تصدقوا انا لغاية دلوقتي مفتحتش غير ماده وحده واللي بدأ في مذاكرة مقال مذاكرتها كتيرة وسهلة ولا صعبة انا عندي طويلة وسهلة احسن من قصيرة وصعبة

[*maryam 0]

سما سيف كتب:

ربنا يخايكى وييسر ليكى امورك زى ما بتيسريها لينا يا حبيبتى كدة يبقى منهج علم الترجمة والمقال خلص صح ولو خلص عقبال الباقى وجزاكى الله عنا كل خير

اللهم امين ياسما ياجميلة تسلمي ياحبيبتي على الدعاء الجميل ده ولكي بمثله

يعتبر خلص بس لسة في محاضرة أخيرة الجمعة اللي بعد الجاية 14/ 6

[*maryam 0]

mohamedhusen كتب:

لسه قاعد محاضرتين فى المقال هيكونوا الجمعه والسبت غير الجايين

لا يا استاذ محمد ناقص محاضرة واحدة للمقال وعلم الترجمة اللي هي يوم الجمعة اللي بعد الجاية بتاريخ 14/ 6

[*maryam 0]

Ahmed Elwardany كتب:

جزاك الله خير يا مريم
انا هشوف باقي الحاجات في المقال بس ليا عندك طلب
ياريت تحاولي تعرفي نظام الامتحان في مادة المقال بيجي ازاي
يعني نوعية الاسئلة و الحاجات دي
و اخر حاجة انتي كاتبة عنها دي اللي طريقة كتابة المقال
اللي هي البراجراف؟؟؟؟؟؟؟؟ اللي انا كان قصدي عليه في الاول؟

جزاك الله بمثله

استاذ احمد انا نزلت نموذج للإمتحانات في كل المواد
سؤال تصحيح الجمل 10 نقاط وسؤالين لكتابة المقال

اه اخر حاجة المقال واكيد ان شاء الله هتوضح موضوع المقال ده في اخر محاضرة وعلى فكرة مادة المقال مش صعبة ولا حاجة بس عايزة تركيز وربنا معانا