حلقة دراسية ترم ثالث آداب E دور يوليو 2013

[سما سيف 0]

[*maryam 0]

جزاكي الله بمثله يا سما

ياجماعة ده امتحان البيني لمادة القراءة والتعبير اللي كان النهاردة 11/ 5/ 20013



من (Leila Hassan)

ياااااااااقوم انا مش فاهمة بقى هو الدكتور ليه محدد اسم المعجم في السؤال التاني هي ناقصة كمان يحددولنا اسم المعجم

[*maryam 0]

تعريف المعجم

هو كتاب نكشف فيه عن معنى الكلمات
وضبط بنيتها وأخذ الماضي والمضارع والأمر وأخذ المصادر والمؤنث والجموع ، و
كلمات المعجم مرتبة حسب ترتيب الحروف الهجائية وأصل الكلمة تسمى ( مادة )
الحرف الأول يسمى ( باباً ) الحرف الثاني يسمى ( فصلاً ) الحرف الثالث يسمى مع مراعاة أو مع ما يثلثهما

كيف نكشف فى المعجم؟
1- إذا كانت الكلمة اسماً نحولها إلى فعل :
مثال :- العلم ــــ علم ، العمل ـــــ عمل ، محمود ـــــ حمد ، تقديم ـــ قدم

2- إذا كانت الكلمة فعلاً مضارعاً أو أمراً نحولها إلى الماضي :
مثال : - يقول ــــــ قول ، قل ـــــ قول ، يصوم ــــــ صوم ، صم ـــ صوم

3- إذا كانت الكلمة مثنى أو جمع نحولها إلى المفرد :
مثال :- الرجال ــــ رجل ، الرجلان ـــــ رجل ، البيوت ـــــ بيت ، البيتان ــــ بيت

4- إذا كانت الكلمة مؤنثة نحولها إلى المذكر :
مثال : أخذت ـــــ أخذ ، بدأت ـــــ بدأ ، عملت ــــ عمل ، فهمت ـــــ فهم

5- إذا كانت الكلمة للمتكلم أو للمخاطب نحولها إلى الغائب :
مثال :- أعمل ــــ يعمل ــــ عمل ، أكتب ــــ يكتب ـــ كتب ، تعمل ــــــ يعمل ـــــ عمل ، تكتب ــــــ يكتب ــــــ كتب

6- إذا كان في الكلمة حروف زيادة نحذفها ونرد الكلمة إلى مجردها الثلاثي أو الرباعي
مثال :- استخرج ـــــ خرج ، انتصر ــــ نصر ، كامل ــــ كمل اطمأن ــــ طمأن تدحرج ــــ دحرج ، وسواس ــــ وسوس

7- إذا كان في الكلمة حرف محذوف نرده
مثال :- بع ــــــــــــ بيع ، قل ــــــــــ قول ، نم ـــــــــــ نوم.

8- إذا كان في الكلمة حروف تضعيف في المجرد الثلاثي علينا فك هذا التضعيف
مثال :- مدّ ـــــ مدد ، شدّ ــــ شدد ، حقّ ـــــــ حقق ، حبّ ــــــــــ حبب

9- إذا كانت الكلمة معتلة الوسط أو الآخر بالألف نرد الألف إلى أصلها
( الواو – الياء ) عن طريق إما المضارع أو المصدر
مثال :- قال ــــ يقول ــــ قول ، سمى ـــ يسمى ـــــ سمو ، باع ــــ يبيع ــــ بيع ، نام ــــــ نوم

ما أشهر المعاجم اللغوية؟
مختار الصحاح ، المعجم الوجيز ، المعجم الوسيط ، المصباح المنير ، أساس البلاغة ، المنجد.
القاموس المحيط:
نكشف فيه عن الكلمات بالطريقة الآتية : باب الحرف الأخير فصل الحرف الأول مع مراعاة الحرف الثانى
============================================
تدريب وإجابته
س1 : كيف تكشف فى معجمك عن الكلمات الآتية ثم رتبها فى المعجم ؟ :
( المسلمون - زلزال - حذف – التجميل – إنكار – سائح – اختبر )
1- المسلمون ـــــــــ سلم باب س فصل ل مع مراعاة م
2- زلزال ــــــــــ زلزل باب ز فصل ل مع مراعاة ل و ل
3- حذف ــــــــــ حذف باب ح فصل ذ مع مراعاة ف
4- التجميل ـــــــــ جمل باب ج فصل م مع مراعاة ل
5- إنكار ـــــــــــ نكر باب ن فصل ك مع مراعاة ر
6- سائح ــــــــــ سيح باب س فصل ى مع مراعاة ح
7- اختبر ـــــــــــ خبر باب خ فصل ب مع مراعاة ر
ترتيبها في المعجم كالآتي :
1- جمل 2- حذف 3- خبر 4- زلزل 5- سلم 6- سيح 7- نكر
=================================================
كيف تكشف في معجمك عن الكلمات الآتية ؟ ثم رتبها في المعجم ؟
( عان – دعا – سما – انهمر – صاحب – منصب – استغفار – منتصر – مدّ – قاتل –
يجد – بع – استفتح – قم – منال – النوم – مرّ – رفض – تدحرج – المهندس –
وسواس ).
---------------------------------------------------------------

انا استفدت من الموضوع ده وحبيت انكم تستفادوا معايا منقـــــــــــــــــــــول

[سما سيف 0]

حلو جدا يا مريم لو الواحد ذاكرو كويس يبقى ان شاء الله ضمن سؤال الكشف فى المعجم ربنا يبارك فيكى

[سما سيف 0]

انا كنت عايزة استفسر منك يا مريم بس على مادة علم الترجمة انتى قلتى ان بييجى سؤال نكتب كلمة ليها اكتر من معنى فى جمل وانا شوفت الامتحان بس موش عارفة بنكتب كام كلمة بالظبط يعنى كلمة واحدة وبيتغير معناها فى اكتر من جملة والا اكتب اكتر من كلمة موش عارفة ممكن تفيدينى

[*maryam 0]

تسلمي ياسما ربنا يخليكي

اه يا سما احنا هنكتب كلمة واحدة ونغير معناها في اكتر من جملة

يعني زي run معناها يجري - يدير - يقدم - ترشح .......الخ

[ATOMIX 0]

*maryam كتب:

السلام عليكم ورحمة الله وبركاته

محاضرات اليوم بتاريخ 10/ 5

القراءة والتعبير خدنا محمد عبده والتجديد يعني هو قرا الدرس ده من الكتاب يعني مجرد قراية مشرحش وقال طريقة الكشف عن المعجم اننا نرجع الكلمة لأصلها اول حاجة نخلي الكلمة مفرد ونشوف حروف الاصول وده مثال : قرائح : مفردها قريحة : اصل حروف الكلمة ق ر ح . والمحاضرة اللي جاية هناخد درس أزمة عقل والسؤال الكشف عن الكلمات في المعجم جاي في الامتحان


الكمبرهينشن: خدنا القطعة (STOCK) موجودة بالمحاضرة 4 ونحضر القطعة Television بالمحاضرة رقم 6

الترجمة: خدنا القطعة اللي بتتكلم عن القطاع العام في المحاضرة رقم 4


وأي سؤال انا معاكم فيه

شكرآ يا مريم

[bataelmghraby 0]

يا جماعة ممكن الدكتور محدد المعجم علشان يحدد الطريقة
فى بعض المعاجم بالطريقة الأولى مثل أساس البلاغة و المصباح المنير و مختار الصحاح و المعجم الوجيز و الوسيط و المنجد والطريقة الأولى تتمثل فى ترتيب الكلمة على الحروف الهجائية الأصلية مثل قرائح و هى ق ر ح نبحث عن: القاف مع الراء الحاء
أما الطريقة الثانية مثل لسان العرب و القاموس المحيط وتتمثل فى ترتيب الكلمة على حسب حروفها الأصلية مبتدئة بالحرف الأخير من الكلمة و الفصل هو الحرف الأول من الكلمة مثل قرائح وهى ق ر ح نبحث عن باب الحاء فصل القاف

[*maryam 0]

هو احنا هنقعد نقوله نبحث عن باب كذا في فصل كذا ؟؟؟؟

انا افتكرت هيطلب المعنى وخلاص يلا ربنا معانا

جزاك الله خيرا

[*maryam 0]

السلام عليكم

امتحان علم الترجمة البيني بتاريخ 15/ 5/ 2013



في اخر امتحان المصطلحات كان عليها 10 درجات والترجمة كان عليها 5 بس في البيني زودوا في الترجمة وقللوا في المصطلحات ربنا يعديها على خير

[سعيد احمد10 0]

السلام عليكم ورحمه الله وبركاته
لو سمحتوا أنا في حاجه لشرح القطعة صفحة10 مادة القراءة والفهم تيرم ثالث 212
لأنها علينا حسب كلام الدكتورة والقطعة مش موجودة في المحاضرات
وجزاكم الله خيرا[/b]

[سحر عبد الحق 0]

السلام عليكم ازيك يا مريم يا رب تكونى بخير يا ريت تقوللنا كل ماده المفروض تتذاكر من ايه تطبيقات ولا محاضرات الصفحة عشان عايزين نركز خلاص ارشدينا

[سحر عبد الحق 0]

أنا متابعه بس زيادة تأكد

[*maryam 0]

سعيد احمد10 كتب:

السلام عليكم ورحمه الله وبركاته
لو سمحتوا أنا في حاجه لشرح القطعة صفحة10 مادة القراءة والفهم تيرم ثالث 212
لأنها علينا حسب كلام الدكتورة والقطعة مش موجودة في المحاضرات
وجزاكم الله خيرا[/b]

وعليكم السلام ورحمة الله وبركاته

انا مذاكرتهاش قوي بس هي بتتكلم عن الطاقة النووية وان ايطاليا تحتاج لمزيد من الطاقة لانها أكبر مستورد للطاقة في اوروبا يعني حاول تترجمها هتفهمها وكدا كدا اخي سعيد الامتحان انسيين وحتى مش هييجي شبه القطع اللي بناخدها في المحاضرة ده كلام الدكتورة وربنا معانا

[*maryam 0]

سحر عبد الحق كتب:

السلام عليكم ازيك يا مريم يا رب تكونى بخير يا ريت تقوللنا كل ماده المفروض تتذاكر من ايه تطبيقات ولا محاضرات الصفحة عشان عايزين نركز خلاص ارشدينا

وعليكم السلام ورحمة الله وبركاته

ازيك ياسحر اخبارك ايه ؟؟

بالنسبة لمادة القراءة والتعبير تتذاكر من ورق المحاضرات والكتاب برضه تحتاجي انك تقري منه المواضيع وتحاولي تذاكري المواضيع على هيئة سؤال واجابة ده هيكون اسهلك
وتجمعي كل الاسئلة عن الموضوع اللي هتذاكري اذا كان في الكتاب او في الامتحانات السابقة

بالنسبة للقراءة والفهم الامتحان كدا كدا انسيين واحنا بقى نحاول نحفظ كلمات على قد ما نقدر يعني اي كلمة تعدي علينا في القطع اللي بناخدها او في الكتاب او في اي مكان جديدة علينا نحفظها اما عن ورق المحاضرات والتطبيقات يعني مجرد تدريب على طريقة الاسئلة هتيجي ازاي وكدا لان الاسئلة هتيجي غير مباشرة

بالنسبة لعلم الترجمة نحفظ المصطلحات اللي موجودة في المحاضرة رقم 3 ونحفظ كلمة بمعانيها المختلفة ونتدرب برضه على الترجمة ونشوف الامتحانات السابقة قطع الترجمة بتيجي ازاي وكدا

بالنسبة للمقال ورق المحاضرات والتطبيقات والفيديوهات كلهم مهمين والمادة دي اكتر مادة عايزة تركيز وحل كتييييييير عشان المعلومة تثبت


بالنسبة للترجمة تحفظي الكلمات من المحاضرات ومن التطبيقات لان الدكتورة مش هتجيبلنا كلمات مساعدة في الامتحان وتدربي على الترجمة كتير من اي مصدر

يارب اكون افدتك

[nesreeen 0]

كود المادة اسم المادة ميعاد الإمتحان مكان الامتحان إقليم الإمتحان مبنى الإمتحان 211 قراءة وتعبىر (1) (اللغة العربىة) 24 يونيو 2013 10:00ص لم يحدد بعد القاهرة لم يحدد بعد 212 القراءة و الفهم (ENG.) (3) 27 يونيو 2013 10:00ص لم يحدد بعد القاهرة لم يحدد بعد 213 مقــال (1) (ENG.) 30 يونيو 2013 10:00ص لم يحدد بعد القاهرة لم يحدد بعد 214 الترجمة من والى العربىة (3) 3 يوليو 2013 10:00ص لم يحدد بعد القاهرة لم يحدد بعد 215 علم الترجمة (ENG.) 6 يوليو 2013 10:00ص لم يحدد بعد القاهرة لم يحدد بعد

[سحر عبد الحق 0]

السلام عليكم بجد لسانى عاجز عن شكرك يا مريم ومش عارفه اقول ايه وربنا يجازيكى كل الخير

[*maryam 0]

سحر عبد الحق كتب:

السلام عليكم بجد لسانى عاجز عن شكرك يا مريم ومش عارفه اقول ايه وربنا يجازيكى كل الخير

وعليكم السلام ورحمة الله وبركاته

ازيك ياسحورة ربنا يخليكي يارب متقوليش كدا احنا اخوات ومفيش شكر بين الاخوات ادعيلي بس محتاجة دعائكم جزانا وإياكي

[*maryam 0]

شكرا نسرين على الجدول جزاكي الله خيرا

[*maryam 0]

السلام عليكم ورحمة الله وبركاته

ازيكم عاملين ايه يارب تكونوا كلكم بخير والمذاكرة تكون تمام معاكم

نبدأ بسم الله محاضرة علم الترجمة بتاريخ 17/ 5/ 2013

اولا احنا ترجمنا مع الدكتور قصيدة إختاري لنزار قباني اللي احنا خدناها المحاضرة اللي فاتت ودي ترجمتها


Choose

I have told you to choice so choose
Between dying on my chest
Or on my poems records

* * *
between love or no love do choose
it is cowardice not to pass the test

* * *
sure There is no mid way
Between hell and heaven

* * *
praise tell me your choice right away
I'll be content with any decision

* * *
Get nervous, get crazy and say
Don't stand still as you have been

* * *
I can not for ever stay
Like a straw under rains

* * *
So tried and so scared you are
And too long is my road

* * *
Either sink in sea or go a way
There is no sea without seasickness around

* * *

Love is a too big adventure
It is swimming against the tide

* * *
It's pain, tear and torture

Tour in immigration ride

ملاحظات
طبعا احنا بنترجم المعنى وليس ترجمة حرفية زي مثلا البيت اللي بيقول لا تقفي مثل المسمار مينفعش نترجمها
Don't stand still as nail
وترجمناها كدا Don't stand still as you have been

وازاي نحسب عدد الكلمات في كل بيت عشان تبقى متناغمة مع البيت اللي بعده يعني لو بصيتوا على اخر كلمة في البيت الاول ماشية مع اخر كلمة في البيت اللي بعده (choose - choose)
وكلمة ( chest ) ماشية مع كلمة ( test) وهكذا

* كلمة cow كلنا عارفين انها معناها بقرة بس ليها معنى تاني الا وهو يجبن يعني يخاف

* chicken عارفين برضه ان معناها دجاجة وليها معنى تاني اذا كانت صفة ( جبان) واذا كانت فعل ( فقد اعصابه )

* content عارفين انها بمعنى محتوى وليها معنى تاني بمعنى راضي

* coffin دي معناها نعش او تابوت

والدكتور زكريا سمعنا اغنية sway اللي بيغنيها Dean Martin على موبايله عشان يسمعنة نطق الكلمة التي تنتهي ب ING زي كلمة swimming بتتنطق swimmin يعني منتكش على ال g


وكتبنا ابيات شعر لصلاح جاهين عشان احنا نترجمها قبل المحاضرة الجاية

*************
يا عندليب متخفش من غنوتك ****** قول شكوتك واحكي على بلوتك

الغنوة مش هتموتك إنما ****** كتم الغنى هو اللي هيموتك

***************

ابيات من قصيدة تانية

غمست سنك في السواد يا قلم ***** عشان ما تكتب شعر يقطر ألم

مالك إيه جرالك يا مجنون وليه ***** رسمت وردة وبيت وقلب وعلم

**************

ابيات من قصيدة تانية

كيف شفت قلبي والنبي يا طبيب **** همت وللا لسة سامع له دبيب

قال لي لقيته مختنق بالدموع **** وملوش دوا غير لمسة من إيد حبيب

وعجبــــــــــــــــــــــي

كدا نكون انتهينا من محاضرة علم الترجمة

********************************************************

[*maryam 0]

محاضرة المقال بتاريخ 17/ 5/ 2013

خدنا المحاضرة رقم 3 من ورق المحاضرات


* a fragment هي جزء من جملة وليس لها معنى بمفردها

مثل (Because she came late) وموجود ليها امثلة كتير في الورق

*علامات ال independent clause

Also, consequently, furthermore, however, moreover, thus, then, nevertheless, therefore, in addition

اذا وجدنا علامة من هذه العلامات في منتصف الجملة نضع قبلها وبعدها كومة(,) واذا وجدنا الجزء الاول من الجملة مكتمل المعنى نضع ; او (.) واذا جاءت علامة من هذه العلامات في اول الجملة نضع بعد الكلمة (,) ونكمل الجملة والامثلة موجودة عندنا في الصفحة رقم 7 في ورق المحاضرات

* RUN-ON

بمعنى جملتين جنب بعض لايوجد بينهم رابط او فاصلة او .

ورأس السؤال هيجيلنا كدا
Correct the following run – ons or say if it is not a run-on


مثال : I cannot promise to win the race but I will do my best

الحل : I cannot promise to win the race ,but I will do my best

طبعا خدنا في المحاضرات السابقة ان روابط FAN BOYS بنحط قبلها (,)

ملحوظة :
لتصحيح مثل هذه الجمل
1- اذا وجدنا الجملة الاولى مكتملة نضع (; أو .) بين الجملتين

2- اذا وجدنا الجملة الاولى غير مكتملة المعنى واول الجملة Subordination نضع بين الجملتين (,)

3- اذا وجدنا ربطنا الجملتين برابط من FAN BOYS نضع (,) قبل الرابط

------------------------------------------

وحلينا مع الدكتورة التمارين اللي موجودة بالمحاضرة وحلها موجود

وفي تمرين حليناه معاها بس دورت عليه في الورق ملقتهوش فا كتبتته


I have to go my father says i have to eat

الحل I have to go, my father says i have to eat

------------------------------------------------------

when you read the article aloud you will fell the difference

الحل: when you read the article aloud, you will fell the difference

--------------------------------------

Having been there at the time of the accident he saw everething


الحل :
Having been there at the time of the accident, he saw everething

-------------------------------

in our survey we contacted 317 editors

الحل: in our survey, we contacted 317 editors

-------------------------------------

for creative people time is of agreat

الحل : for creative people, time is of agreat

---------------------------------------

وبكدا نكون خلصنا محاضرة اليوم لمادة المقال

انا اسفة جدا نسيت اقولكم في المحاضرات السابقة ان الدكتورة كتبتلنا ايميلها والمفروض يوم السبت اللي بعد محاضرتها اللي هو بكرة نبعتلها رسالة نقولها فيها عايزين اسئلة المحاضرة كذا ونكتب رقمها وهي هتبعتلنا الاسئلة ونبعتها الكلام ده بيكون يوم السبت اللي بعد محاضرتها من الساعة 8 م : 9 م والسبت اللي بعده بتبعت الاجابات الصح اللي عايز ايميلها يبعتلي في رسالة خاصة



تم بحمد الله استودعكم الله ولا تنسوني من صالح دعائكم

[mohamedhusen 0]

بجد لكى جزيل الشكر على مجهودك الرائع

[محبة نور الإيمان 0]

السلام عليكم..
ازيكم عاملين ايه في المذاكره حابه اعرف مادة المقال نزلت المحاضرات التلفزيونية على صفحتكم لإن ما نزلوها على صفحتي لغاية الآن .
انا تعبت على من تحميل المواد حاسه اني هتجنن اجي احمل المواد يتحمل ببطء شديد يمكن ياخد ساعه وبعد طول انتظار اجي افتح الفيديو يقولي البرنامج مش عندك مع انه نفس البرنامج من السنه اللي فاتت ليه يومين واغلب يومي وانا احمل وفي النهاية حملت محاضرتين بس وفيه محاضرة اتحملت بعد ست محاولات تحميل هو فيه حد واجه صعوبه زي ولا انا بس وعايزة اعرف فيه حل لمشكلة التحميل دي ولا لا

[محبة نور الإيمان 0]

حد يرد عليه ان شوية كدا وهبكي بسبب المحاضرات مش عايزة تتحمل معايا وانا قلقانه م دا الموضوع لإن الإمتحانات قربت وانا ما حملتش إلا 3 محاضرات بس

[*maryam 0]

وعليكم السلام ورحمة الله وبركاته

يمكن البرنامج اللي عندك عايز يتحدث او حاجة جربي كدا تحدثيه

انا نزلت محاضرات المقال يا في رد من الردود اهي ياحبيبتي

محاضرة 1& 2
mediafire.com ?zpa4707xqsbvg1m

محاضرة 3 & 4
mediafire.com ?mbtk71pbkco6hxv

محاضرة 5 & 6
mediafire.com ?lu2hfghzfr83ac5

محاضرة 7
mediafire.com ?uizs50w6tw3gt6h

[*maryam 0]

mohamedhusen كتب:

بجد لكى جزيل الشكر على مجهودك الرائع

الشكر لله اخي محمد لا داعي للشكر

[Ahmed Elwardany 0]

السلام عليكم و رحمة الله و بركاته
ارجو الافادة يا اخواني في المواد التالية من حيث المقرر و المحذوف و المهم و الغير مهم
لاني حصلتلي ظروف جامدة و مذاكرتش اي حاجة الترم ده فه عايز مختصرات للمقرر و الحاجات المهمة و المحاضرات المحذوفة و الغير مهمة
في مادة مقال
و قراءة و تعبير فقط

و لكم جزيل الشكر

[*maryam 0]

وعليكم السلام ورحمة الله وبركاته

احنا لحد دلوقتي في القراءة والتعبير رجعنا النحو كله اللي خدنا الترمين الي فاتوا وخدنا درس واحد (محمد عبده)والمحاضرة الجاية هناخد أزمة عقل ولسة معرفناش ايه الملغي وايه المقرر ده بيتعرف في اخر المحاضرات

والمقال خدنا 3 محاضرات من ورق المحاضرات اللي موجود عالصفحة الشخصية وهما كلهم 7 محاضرات ولسة معرفناش في حاجة هتتلغي ولا لا

وحضرتك تابع الحلقة واي سؤال انا في الخدمة وربنا يوفق الجميع

[Ahmed Elwardany 0]

متشكر جدا يا انسة مريم و انا هتابع معاكو للاخر عشان اعرف الملغي والمقرر و المهم في الاخر و ربنا يوفقنا كلنا

[*maryam 0]

الشكر لله اخي احمد ربنا يوفقنا جميعا

[محبة نور الإيمان 0]

مريم يا عمري انا عايزة محاضرات تلفيزيونية المحاضرت المكتوبة حملتها من صفحتي اذا عندك او احد عنده نزلولي الرابط

[*maryam 0]

محبة نور الإيمان كتب:

مريم يا عمري انا عايزة محاضرات تلفيزيونية المحاضرت المكتوبة حملتها من صفحتي اذا عندك او احد عنده نزلولي الرابط

حبيبتي هي دي محاضرات المقال التليفزيونية اللي انا منزلة لينكاتها فوق

جربي كدا حمليها وقوليلي اشتغلت معاكي ولا ايه؟

[محبة نور الإيمان 0]

*maryam كتب:

محبة نور الإيمان كتب:

مريم يا عمري انا عايزة محاضرات تلفيزيونية المحاضرت المكتوبة حملتها من صفحتي اذا عندك او احد عنده نزلولي الرابط

حبيبتي هي دي محاضرات المقال التليفزيونية اللي انا منزلة لينكاتها فوق

جربي كدا حمليها وقوليلي اشتغلت معاكي ولا ايه؟

مريم انا حملت 1و2 طلعلي اللي نزلته محاضرات مكتوبة ومرضيش يفتح

[*maryam 0]

غريبة انا منزلاه عندي والفيديوهات كلها بتفتح عادي من غير مشاكل اكيد في مشكلة في جهازك بس مش عارفة ايه هي طيب الفيديوهات بتاعة الترمات اللي فاتت بتشتغل عادي؟؟ لو مبتشتغلش يبقى المشكلة في البرنامج اللي بيشغل الفيديوهات

انا عايزة اساعدك بس مش عارفة ازاي

[mohamedhusen 0]

لكم جزيل الشكر والاحترام على هذا المحهود الشاق والله يجعله فى ميزان حساناتكم

[mohamedhusen 0]

با لنسبة للاخت محبة نور الايمان انت اكيد الجهاز عندك فيه مشكلة وحاولى تغيريله الويندوز لان نفس المشكلة حصلت عندى الترم السابق وعالجتها بتغيير الويندز واعادة تحميل المحاضرات مرة اخرى ثم قمت بضغطها وعملت منها نسختين تحسبا للظروف فحاولى

[محبة نور الإيمان 0]

*maryam كتب:

غريبة انا منزلاه عندي والفيديوهات كلها بتفتح عادي من غير مشاكل اكيد في مشكلة في جهازك بس مش عارفة ايه هي طيب الفيديوهات بتاعة الترمات اللي فاتت بتشتغل عادي؟؟ لو مبتشتغلش يبقى المشكلة في البرنامج اللي بيشغل الفيديوهات

انا عايزة اساعدك بس مش عارفة ازاي

انا لما بجي ادخل بلاقي كلمة تحميل فبضغط عليها وبالنسبة للفيديوهات الترمات اللي فاتت كانت بتشتغل كويس احيانا كان بيحمل ببطء بس مش زي السنه دي ابدا انا حتى خليت صحبتي تحملي مادتين م عندها عشان الشبكه عندهم قويه

[محبة نور الإيمان 0]

mohamedhusen كتب:

با لنسبة للاخت محبة نور الايمان انت اكيد الجهاز عندك فيه مشكلة وحاولى تغيريله الويندوز لان نفس المشكلة حصلت عندى الترم السابق وعالجتها بتغيير الويندز واعادة تحميل المحاضرات مرة اخرى ثم قمت بضغطها وعملت منها نسختين تحسبا للظروف فحاولى

اغير الويندوز حتى صحبتي كان بيحمل معاها كويس خالص بس من يوم بدأ يحمل ببطء يعني ع كدا محتاجه انا وهي نغير ويندوز

[*maryam 0]

معلش يا حبيبتي غيري الويندوز ومش بياخد وقت كبير دي ساعة وان شاء الله خير وكله يبقى تمام

[*maryam 0]

السلام عليكم

للطلبة اللي بتحضر يوم السبت في محاضرات عشان اللي مخدش باله من الجدول

[محبة نور الإيمان 0]

تغير الويندوز يحتاج اوديه عند واحد متخصص يعني ما ينفع انا اغيره من بيتي.. انا ان شاء الله هوديه المحل عشان انا ما عندي احد يودهولي دي الأيام

[*maryam 0]

محبة نور الإيمان كتب:

تغير الويندوز يحتاج اوديه عند واحد متخصص يعني ما ينفع انا اغيره من بيتي.. انا ان شاء الله هوديه المحل عشان انا ما عندي احد يودهولي دي الأيام

اوك ربنا معاكي
بس والله تغييره سهل انا بغيره بنفسي ولا بروح ولا باجي

[*maryam 0]

امتحان البيني لمادة المقال من رفع زميلتنا Nour almasry عالفيس

[Ahmed Elwardany 0]

[b]السلام عليكم و رحمة الله و بركاته
ازيكم يا جماعة معلش انا مش متابع هنا كتير بس احب افيدكم كلكم في حاجة هتريحكو كلكو ان شاء الله بخصوص مادة علم الترجمة
انا الترم اللي فات كنت واخدها لاني كنت نازل في مادة ترجمة واحد
فه كل ترم باخد مادة من الترم اللي بعده
انا معاكو في ترم تالت لكن اخدت مادة علم الترجمة الترم اللي فات و اخدت فيها امتياز و احب افيدكم فيها
اولا المادة دي يعتبر اسهل مادة انتو ممكن تشوفوها في حياتكم
كل ما عليكم تعملوه ان الامتحان بيجي 3 اسئلة سؤال منهم بيجيب فيه 10 idioms عليكم تحفظوهم و هما سهلين جدا
السؤال التاني قطعة ترجمة صغيرة سهلة جدا
السؤال التالت
بيقول ان الكلمات مش بتدي دايما نفس المعنى مع اختلافها في الجملة عبر عن ده بمثال
انتو كل ما عليكم توضحولو انكم فاهمين النقطة دي فه بتكتبوله كلمة run في كذا جملة مثلا مع اختلاف معنى الكلمة في الجمل بس و هو ده الامتحان[/b]

[*maryam 0]

وعليكم السلام

الف فشكر اخي احمد

ياجماعة الخير بعتذرلكم مش هقدر اكتب اللي خدناه في المحاضرات النهاردة لاني جاية من الجامعة تعبانة ان شاء الله بكرة بالليل هكتب كل حاجة خدناها النهاردة واللي هنخده بكرة بإذن الله

بكرة مواعيد المحاضرات

الترجمة 11:30 ------ القراءة والتعبير 1:15 ----- القراءة والفهم في معادها 4:30


استودعكم الله

[dinaar 0]

السلام عليكم ورحمة الله وبركاته
ازيك يا مريم ؟؟ ^_^
أنا مخنوقة جداً عشان لا عندى محاضرات ولا كتب ومش عارفة أعمل إيه ! بقى لى شهر تقريباً بروح يوم الجمعة عشان أخد المحاضرات والكتب وهما للأسف قافلين على طول :@
ويادوب أول مرة النهارده أفتح عشان اذاكر محاضرة من مادة الترجمة .. تفتكرى هلحق أعمل حاجة ؟؟
أنا كمان عايزة أعرف أطبع المحاضرات كلها من الموقع وكده هبقى مش محتاجة حاجة من الكتب ؟؟ولا الكتب مهمة برضو؟؟؟
معلش يا مريم طولت عليكى .. بس فعلاً محتاجة رد ضرورى

[Ahmed Elwardany 0]

السلام عليكم و رحمة الله و بركاته
يا جماعة انا واقع في مساعدتكم انا الترم ده بالذات حصلتلي ظروف منيلة اوي ربنا يكون في عوني اتمنى دعاكم لي
اتمنى من الاعضاء مساعدة ضرورية في مخلصات المواد الأتية
القراءة و التعبير + مقال + القراءة و الفهم 3
و ذلك من حيث الملغي و المقرر و المهم و المختصرات و الملخصات و كدة
انا عارف اني طلبت كدة من كام يوم و زهقتكو بس معلش انا مشكلتي اني لغاية دلوقتي مفتحتش كلمة و عايز أبدأ بس مش عارف ابدأ منين فه الحاجات اللي انا طالبها في ال 3 مواد دول هما اللي هيساعدوني انجز حتى لو مفيش حاجة دلوقتي اتمنى متابعتكم لي في الايام اللي جاية
خلاص الامتحانات هتبدأ 24-6 + ان فيه حاجات في مادة المقال انا مش فاهمها ومش عارف اسأل فيها مين حاجات معينة جوة المادة زي run on و complete the pharagraph 5 sentence و الحاجات دي فه انا محتاج مساعدتكم بجد

و انا واخد مادة من ترم رابع اسمها معاجم ربنا ما يوريكم صعبة جدا و بذاكرها معاكم لاني معاكو في ترم تالت
اما بالنسبة للترجمة فه انا معايا ترجمة 2 مش هديلها اهتمام دلوقتي غير قبل الامتحان هراجع كام قطعة و ربنا يسهل
انا شايف ان اصعب مادة دلوقتي هي المقال و دي مخلياني قافل من المنهج كل ما افتحها اقفل الورق تاني شكلها صعبة جدا اتمنى ملخص كبير ليها مع الملغي و المهم هي و العربي ( القراءة و التعبير ) شكرا جزيلا ليكم

[محبة نور الإيمان 0]

dinnar اذا كثفتي المذاكرة راح يمديكي تخلصي ان شاء الله

[*maryam 0]

dinaar كتب:

السلام عليكم ورحمة الله وبركاته
ازيك يا مريم ؟؟ ^_^
أنا مخنوقة جداً عشان لا عندى محاضرات ولا كتب ومش عارفة أعمل إيه ! بقى لى شهر تقريباً بروح يوم الجمعة عشان أخد المحاضرات والكتب وهما للأسف قافلين على طول :@
ويادوب أول مرة النهارده أفتح عشان اذاكر محاضرة من مادة الترجمة .. تفتكرى هلحق أعمل حاجة ؟؟
أنا كمان عايزة أعرف أطبع المحاضرات كلها من الموقع وكده هبقى مش محتاجة حاجة من الكتب ؟؟ولا الكتب مهمة برضو؟؟؟
معلش يا مريم طولت عليكى .. بس فعلاً محتاجة رد ضرورى

وعليكم السلام ورحمة الله وبركاته

بعتذر اذا كنت اتأخرت عليكم لاني امبارح والنهاردة كنت طول اليوم في الجامعة

بصي يا حبيبتي متستنيش المركز يفتح عشان تجيبي الورق يا إما تحطيهم على فلاشة وتطبعيهم يا إما تشتريهم من المكتبة اللي جنب المركز انا عملت كدا اخر ما زهقت طبعتهم برة لان فعلا على طول قافلين منهم لله وبالنسبة للكتب كتاب العربي هو اللي مهم عشان المواضيع مكتوبة من غير تقسيم زي الورق بس مفيش مشكلة لو ذاكرتيهم من الورق عادي جدااااا وان شاء الله هتلحقي تخلصي المنهج في الشهر اللي فاضل متخافيش
علم الترجمة مجرد حفظ المصطلحات وتحفظي كلمة بمعاني مختلفة اللي في ورق المحاضرات يعني المادة دي يومين والمقال والعربي عايزين فهم وتركيز زيادة شوية والترجمة والكمبرهينشن حفظ كلمات على قد ما تقدري وخلصت كدا

وكله خير بإذن الله واي حاجة عايزاها انا معاكي اذا قدرت اساعدك فيها وربنا معانا جميعا

[*maryam 0]

Ahmed Elwardany كتب:

السلام عليكم و رحمة الله و بركاته
يا جماعة انا واقع في مساعدتكم انا الترم ده بالذات حصلتلي ظروف منيلة اوي ربنا يكون في عوني اتمنى دعاكم لي
اتمنى من الاعضاء مساعدة ضرورية في مخلصات المواد الأتية
القراءة و التعبير + مقال + القراءة و الفهم 3
و ذلك من حيث الملغي و المقرر و المهم و المختصرات و الملخصات و كدة
انا عارف اني طلبت كدة من كام يوم و زهقتكو بس معلش انا مشكلتي اني لغاية دلوقتي مفتحتش كلمة و عايز أبدأ بس مش عارف ابدأ منين فه الحاجات اللي انا طالبها في ال 3 مواد دول هما اللي هيساعدوني انجز حتى لو مفيش حاجة دلوقتي اتمنى متابعتكم لي في الايام اللي جاية
خلاص الامتحانات هتبدأ 24-6 + ان فيه حاجات في مادة المقال انا مش فاهمها ومش عارف اسأل فيها مين حاجات معينة جوة المادة زي run on و complete the pharagraph 5 sentence و الحاجات دي فه انا محتاج مساعدتكم بجد

و انا واخد مادة من ترم رابع اسمها معاجم ربنا ما يوريكم صعبة جدا و بذاكرها معاكم لاني معاكو في ترم تالت
اما بالنسبة للترجمة فه انا معايا ترجمة 2 مش هديلها اهتمام دلوقتي غير قبل الامتحان هراجع كام قطعة و ربنا يسهل
انا شايف ان اصعب مادة دلوقتي هي المقال و دي مخلياني قافل من المنهج كل ما افتحها اقفل الورق تاني شكلها صعبة جدا اتمنى ملخص كبير ليها مع الملغي و المهم هي و العربي ( القراءة و التعبير ) شكرا جزيلا ليكم

وعليكم السلام ورحمة الله وبركاته

اخي أحمد انا هحاول اساعدك ان شاء الله والله المستعان

مادة القراءة والتعبير :

* المقرر عيلنا : 5 دروس ألا وهما

1- محمد عبده والتجديد 2- أزمة عقل 3- الفكر الانساني عند ابن خلدون

4- لغة الشعراء وأصول التجديد 5- الشاعر والناقد

حضرتك هتقرأ المواضيع دي من الكتاب والمذاكرة هتبقى من ورق المحاضرات لأن في الورق الموضوع متقسم ومتلخص وهييجي موضوعين من المواضيع دي وسؤال واحد على كل موضوع

* النحو كله مقرر علينا اللي خدنا فيه ترم أول وتاني واللي موجود في ورق المحاضرات وهييجي منه نقطة في السؤال الاول

بالنسبة للكمبرهينشن الامتحان انسيين فا المادة دي ملهاش مذاكرة غير حفظ الكلمات اللي تقابلنا على قد ما نقدر ونشوف الاسئلة بتيجي ازاي على القطعة نشوفها من الكتاب من ورق المحاضرات من التطبيقات من اي مصدر


بالنسبة للمقال دي مادة عايزة تركيز بجد لو ذاكرتها بتركيز هتلاقي الموضوع ماشي تمام وانا هجاوب حضرتك عالسؤال اللي مش فهمه

run-on : بمعنى هتجلنا جملتين مكتوبين جنب بعض تمام المفروض ان احنا نعمل ايه
1- يا إما نحط (.) أو ( مابين الجملتين وده في حالة اذا وجدنا الجملتين فيهم فعل وفاعل وكومبليت مينينج يعني الجملة الواحدة تتفهم من غير تكملة

2- اذا وجدنا الجملة محتاجة رابط من روابط coordination اللي هي fan boys
او محتاجة روابط من subordination اللي تحتاجة الجملة نحطهولها وممكن الرابط ده يتحط بين الجملتين وممكن يتحط في اول الجملة الاولى

ولحد دلوقتي احنا خدنا 3 محاضرات ولسة مش عارفين اذا في حاجة هتتحذف ولا لا هنعرف في الاخر

والبراجراف هتجيب موضوع معين ونكتب خمس جمل بس لسة الموضوع ده موضحش بالنسبالنا لاننا لسة موصلنالوش في المحاضرة

اتمنى ان اكون قدرت اساعدك واي سؤال انا مع حضرتك