البيه والمواطن مصرى

[عمرو الليثى 0]

البيه للمواطن: عايز ايه

المواطن :ما ينفعش يا بيه؟؟؟؟؟؟

البيه : هو ايه اللى ما ينفعش يا بنى ادم

المواطن: بنى ادم.......ايوه انا نسيت انى بنى ادم

البيه:شكلك مبلبع حاجه وجاى تقرفنى النهارده

المواطن لا يا بيه
اقصد اقول ما ينفعش

اكون زى الامريكان



البيه : نعم يا روح خالتك مين

المواطن: ايوه يا بيه نفسى اركب مواصله كويسه

قطر نضيف مش قطر يطلع من محطه اسيوط على الاخره طوالى

نفسى اسافر فى مركب متخلينش طعم سمك يا بيه

وليه اتغرب يا بيه عن اهلى ابيع سنين واخد ورق بنكنوت عشان اعرف اعيش

نفسى يابيه احلم مش اقؤل عايز اربى العيال واحقق فيهم اللى ما عملتوش

يابيه ادور على الفلوس تضيع الصحه

عايز شقه اتجوز فيها تلمنى عايز مستشفى ما اترميش فيها على الارض

عايز اكون بنى ادم يابيه


البيه: حيلك حيلك انت حتكفر

المواطن: ليه يابيه

البيه : انت مش بتسمع الشيوخ بيقؤلوا اللى يصبر حيدخل الجنه

المواطن يابيه: اللى حيقول نعم حيدخل الجنه

واللى حينتخبهم حيدخل الجنه

واللى حيتصل يطلب فتاويهم حيدخل الجنه


انا عايز اعيش زيهم يابيه على الارض

البيه: حد يجى يشيل البنى ادم ده من هنا



المواطن: ايوه انا بنى ادم

[yassmin 0]

لا حول ولا قوة الا بالله الله يكرم تسلم ياعمرو

[mor 0]

[galal elmadny 0]