انت طالب اداب ترجمة و ليس لغة انجليزية

[Michael 0]

خلط رهيب بين التخصصين للاسف الشديد ، انت طالب آداب ترجمة و ليس لغة انجليزية

ارجو من الجميع معرفة الفرق بين التخصصين

بالتوفيق ان شاء الله

مايكل يوسف

[*maryam 0]

اكيد طبعا يا استاذ مايكل في فرق بينهم احنا مش داخلين الكلية دي عشان نخرج منها بنتكلم انجليزي لا ده تخصص ترجمة يعني في طلبة معانا بتتكلم انجليزي ولا الاجانب بس هما داخلين يتعلموا الترجمة ويتخصصوا فيها والكلية دي مش هتخلينا نتكلم انجليزي لازم طبعا الكل يعرف اننا تخصص ترجمة

تسلم ايدك عالموضوع

[Michael 0]

شكرا ليكي اختي الكريمة و لكن كنت اعني ان آداب لغة انجليزية يدرسون كل فروع اللغة مع التشديد علي الآدب الانجليزي و لكن مؤهلنا و برنامجنا اكثر تخصصية و عملية فنحن ندرس علم الترجمة و لا علاقة لنا بمثلا تاريخ اللغة و تطورها

[Hana09 0]

كلام صحيح يامايكل !! وللعلم الترجمة في حد ذاتها بحر واسع !! في ترجمة ادبية وفي تقنية وفي محاسبية وقانونية وهلم جرا !!

[Michael 0]

اعتقد ان علينا بالبدء في الترجمة العامة و التخصص يمكن ان يكون سلاح ذو حدين و لكن مع الوقت يمكن ان يكون الشخص خبير في اكثر من فرع من فروع الترجمة
انا شخصيا اعشق الترجمة من العربية للانجليزية و الفورية بالطبع

[Hussein1974 0]

يبقى نحذف كلمة آداب يامايكل ويبقى المسمى الصح ترجمة(لغة إنجليزية)لكن أنا رأيي إن دراسة الترجمة تتطلب الإلمام بكل ما يتعلق باللغتين المترجم منها وإليها بمعنى إن دراسة الأدب ممكن تكون مستقلة لكن الترجمة شاملة لكل شيء يتعلق باللغتين ومحتاجة ثقافة عامة في كل مجالات العلم ومتابعة مستمرة لكل جديد يطرأ على اللغتين.وطبعا ده مش معناه إني وصلت للمستوى ده أو لجزء بسيط منه حتى لكن ده مجرد رأي.

[Michael 0]

لالالا في فرق بين الادب الانجليزي و كلية الاداب طبعا ، لا يمكن حذف الاداب و عند ترجمتها للانجليزية تصبح Arts لان الترجمة هي فن ايضا و حرفة صح؟

[Hussein1974 0]

أيوة صح بس أنا كلامي إن الترجمة شاملة كل شيء بما فيه الأدب يعني لو قلت ترجمة لغة إنجليزية يبقى بتحمل في مضمونها دراسة الأدب لأن الترجمة تتطلب الإلمام بكل ما يتعلق باللغتين بما في ذلك أدب كل لغة فيهم أما لو قلت آداب فهي لا تحمل في مضمونها دراسة الترجمة بتخصص واحتراف.

[Hussein1974 0]

المهم يامايكل مش المسمى المهم احنا بنوصل لايه ومستوانا ايه يعني انت اهو تعليم مفتوح وبمجهودك تفوقت على خريجي كليات نظامية بغض النظر عن مسميات الشهادات.ياريت تستمر معانا ومتقطعش زي زمان لانك بجد إنسان ذو علم وخبرة وذوق.

[Michael 0]

الله يخليك يا حسين و انا هنا معاكم باذن الله

[mor 0]

تمنياتي لكم بالتوفيق باذن الله

[حواس 0]

[hoby ahmed 0]

بس يعني يا استاذ مايكل اكيد تخصص الترجمة برضه يقوي اللغة الانجليزية ويجعلنا نتكلم انجليش قوي دا انا اصلا داخلة الكلية مخصوص عشان كدا ولا انا غلط؟
وفى حاجة كمان عايزة اسال فيها ناس كتير قالوا لى ان القسم سهل ونسبة صعوبة المواد اقل بكتير من اداب انجليزي العام دا صح ولا غلط

[Michael 0]

ايوا يا هبة الدراسة سهلة و لكن الغلطة ان الناس بتدخل الكلية بمستوى سيء جدا في اللغة ، ولكن مع ذلك لو حتى مستواكي مش كويس في اللغة ممكن تذاكري و المواد فعلا مش صعبة خالص واسهل من اداب انجليزي
الفارق ان اداب انجليزي كلية نظرية اكتر من قسم الترجمة ، يعني انتي المفروض انك تطلعي مترجمة مش هتدرسي حاجات ملهاش علاقة بالموضوع زي اداب انجليزي و طبعا المفروض اننا نبقى احسن منهم بس كل واحد له قدراته الخاصة
فاهماني؟؟

[hoby ahmed 0]

شكرا استاذ مايكل وصلت والله انا متحمسة جدا ونفسي احقق حاجة معلش سؤال اخير هي روابط المحاضرات والمواد اللي على المنتدى مش بتتغير من سنة لسنة يعني ممكن ابتدي اذاكر منها حتى تبدا السنة

[Michael 0]

ايوا طبعا يا هبة ممكن تذاكري منها بس انا انصحك تذاكري جرامر الاول من كتاب خارجي زي Grammar in Use و احنا هنا لو عندك سؤال ان شاء الله

[hoby ahmed 0]

شكرا ليك