ناوية احفظ قرآن كريم (( فهل يوجد اي افكار لسرعة الحفظ والفهم معاً ))

[Hana09 0]

السلام عليكم ورحمة الله وبركاتة

انا بجد قلت استغل وقتي وابدأ من اول الشهر ومن الليلة اني ابدأ في حفظ القرآن ، لكن قلت مش هيكون حفظ وبس لكن قرائة للتفسيير ومعاني الكلمات وكمان قرائة القرآن مترجم وعملت جدول اني احفظ صفحة كل يوم وابدأ في تمام الساعة الرابعة صباحاً ، ولكن لو حد عنده فكرة او مر بتجربة حفظ القرآن اتمني لو يكتب كيف حفظ وماهي الطرق السريعة للحفظ والفهم ويجزية الله خيراً

انا علي فكرة بدات باالتفسير للشيخ الشعراوي وهو تفسير سماعي واعتقد انة يناسب كثير من الناس !!

http://www.elsharawy.com/

جزاكم الله خيراً !!
وارجوا من تبدوا رايكم في الجدول الذي وضعتة في طريقة الحفظ لمن له خبرة في ذلك !!


       

[mor 0]

[yassmin 0]

[أمجد1 0]

بسم الله الرحمن الرحيم

اولا مفيش داعي انك تحفظي القرآن بسرعة
انا قررت ان احفظ القرآن حتى ولو انهيه في 12 سنة

عشان الواحد يحفظ القرآن واسهل طريقة لحفظ القرآن

1- اول حاجة الواحد يستشعر معنى الكلمة ان القرآن الكريم كلام الملك وان هايحفظه لوجهه سبحانه وتعالى

2- لازم نفهم كل كلمة في كل آية ونكرر في الآية ولو 30 مرة

3- من طرق تسهيل الحفظ وعدم النسيان هو محاولة فهم وحفظ ترتيب الأحداث في السورة

4- القرآن فيه آيات عبارة عن اوامر وآيات أخرى عبارة عن نواهي زي الآية اللي بتبدأ ب
"يا أيها الذين آمنوا"

"يا أيها الذين آمنوا كتب عليكم الصيام"

"يا ايها الذين امنوا اطيعوا الله واطيعوا الرسول"

"يا أيها الذين امنوا اصبروا وصابروا ورابطوا"

"يا أيها الذين آمنوا كونوا قوامين بالقسط"

وآيات بتبدأ ب" ان الله يأمركم"

"إن الله يأمركم أن تؤدوا الأمانات"

"ان الله يأمركم بالعدل والاحسان"

والقرآن ايضا يحتوي على آيات بتنتهي بصفة او قدرة من قدرات ربنا

"ان الله على كل شئ قدير"


وفي آيات بتنتهي ب "وكان الله"

" وكان الله غفورا رحيما"

" وكان الله على كل شئ رقيبا"

"وكان الله على كل شئ مقتدرا"

"وكان الله على كل شئ مقيتا"

"وكان الله شاكرا عليما"

هاتلاحظي ان غفور و رحيم من اسماء الله الحسنى وكذلك الرقيب والمقتدر والمقيت و الشكور و العليم

5- وكمان تحاولي تتصوري وتتخيلي كل آية بتقرئيها وهاتحفظيها يعني هاديكي مثال
"الذي خلق سبع سماوات طباقا"
تنظري الى السماء وانتي بتحفظيها وبكدة ممكن الواقع يفكرك بالآية او الموقف اللي انتي عملتيه وانتي بتحفظي الآية

[أمجد1 0]

وخلي بالك هاتلاحظ ان الآية اللي بتنتهي بصفة من صفات الله لو انت نسيت الصفة دي اللي هايفكرك بيها على حسب الآية اللي قبليها علطول يعني لو الآية اللي قبليها كانت بتتكلم عن الكفار اللي ماتوا على ذنوب مثلا الاية اللي بعديها بتنتهي بصفة البصير , يعني الله كان بصير بعباده وكان شايف الكفار بيعملوا ايه

[Hana09 0]

اشكرك يااامجد علي هذة النصائح وربنا يقدرنا جميعاً علي العمل بآيات القرآن الكريم !!

[أمجد1 0]

ودة مثال على طريقة تذكر الآية بموقف معين فعلته اثناء حفظك للآية

لو بدأنا مثلا بسورة البقرة

الم (1) ذلك الكتاب لا ريب فيه هدى للمتقين (2)

الآية رقم (2) اولا معناها ما هو هذا (الكتاب)؟
القرآن, صح؟ (لا ريب فيه) طبعا يعني (لا شك فيه) دة اول معنى انه معناها ان القرآن لا شك فيه وفي وجوده انه منزل من الله تعالى.

- تاني معنى (ذلك الكتاب لا ريب فيه هدى للمتقين) يعني (هذا / ذلك القرآن لا شك ان فيه هذى للمتقين / الذين يتقوا الله)

الموقف مثلا اللي انت عملته انك ماسك المصحف وانت بتقرا السورة وبتتعجب وبتفكر وبتقول ان القرآن لا شك فيه.


الذين يؤمنون بالغيب ويقيمون الصلاة ومما رزقناهم ينفقون (3)
يا ترى ايه الموقف اللي انت عملته اثناء حفظك للآية؟

على سبيل المثال

-
انا فضلت اتأمل في الكون وفي الجنة والنار وفي يوم القيامة وانا خايف من
عذاب الله فانا بداخلي مؤمن بالغيب (الغيب اللي هو الأحداث اللي راح تحصل
بعد ما الكون يزول وربنا يحاسبنا على اعمالنا - بمعنى اوضح الغيب اللي هو
المستقبل القادم)

- بعد ما فكرت شوي قمت اتوضأت وصليت

- طبعا الصلاة بتدل الانسان على طريق الخير ولو ربنا رزقه مال راح يصرف مما رزقه الله


والذين يؤمنون بما أنزل إليك وما أنزل من قبلك وبالآخرة هم يوقنون (4)
ايه الموقف اللي انت عملته وانت بتحفظ الآية السابقة؟ فككككر....

-
انت بتتأمل بما قاله الله, الله بيوصف ناس (يؤمنون بالغيب ويقيمون الصلاة
وينفقون مما رزقهم الله ويؤمنون بالذي انزل على محمد وعلى ما من قبله
وموقنين بالآخرة - يوم القيامة)

أولئك على هدى من ربهم وأولئك هم المفلحون (5)

- كل دول اللي ربنا وصفهم ربنا بيهديهم وهم المفلحون في الدنيا وفي الآخرة



ان الذين كفروا سواء عليهم ءأنذرتهم ام لم تنذرهم لا يؤمنون (6)
ايه الموقف اللي فعلته مثلا؟

-
بعد ما صليت وانفقت مالك اللي الله رزقك اياه حبيت تقدم نصيحة للكفار وانت
في طريقك من العمل قابلت ناس يعني بتنصحهم انه يصلوا ويهتدوا ولم يتقبلوا
نصيحتك ومصرين على عنادهم

فهنا سواء انت نصحتهم او لم تنصحهم (او لم تحذرهم) لا يؤمنون بالله