ساعات بقول لي متزعليش

[yassmin 0]

وساعات بقوللى متزعليش
وبطبطب عَلى نَفسي بحنان
وبقوُلها
فاضِل مَفيش....!
الفَرح مِتشعلق سنين
برباط أمانْ
والدُنيا لو شدّت زَمان
لازم تلين ...
فمتزعليش

منتيش لوحدِك في الطريق
استحملي
روُحك وقلمِك والكِتاب
أقرَب صَديق
ميهمكيش...!
وعشاني بس اطّمنى
باسكُت وبامنعني الكَلام
وبروُح انام وأضمّنى
وبقوُل لروُحى متحزنيش..

وساعات بقوللى بلاش تخافِي...
بحضن كِتافي ،،،،
...واضمها كده بالقوي
قلبي الوَحيد زعلان أوى
لكِن بعيش....

[ريم مصطفى 0]

منتيش لوحدِك في الطريق
استحملي

بجد موضوع جميل اوي
وصح كلامك ساعات بنستحمل حاجات كتير لما نحس بس انوا في حد واقف معانا بيخفف عننا الامنا وعذابنا

[yassmin 0]

لازم نتحمل ربنا يتولانا برحمته ياريمو ميرسي ياقمر لمرورك

[*maryam 0]

ربنا يرحمنا برحمته ملناش غير ربنا

[shahnda 0]

جميل حيآآآتو تسلمى